كرونيك جزائرية: قَاومِي منْ أجْلي....(مكتملة..)

😭الحلقة 11😭

كانت راقدة حتى تحس بحاجة تقيلة فوق راسها حلت عينيها بلعقل لقات لؤي راقد و حاط راسه على يدها بقات تشوف فيه و لبسمة على وجها منبعد ستغربت علاه راه راقد هنا بقات تهز فيه بلعقل باه متخلعهش حتى بدا يفيق اول ماحل عينيه ناض يجري يقيسلها فسخانة هي بقات تشوف فيه و تتبسم  لؤي:حمدلله راكي مليحة نزلت سخانة  ولاء: شاصرا مافهمت والو و علاه راك بايت هنا لؤي: لبارح طلعتلك سخانة و انا بقيت معاك حتى نزلت بصح كيفاش رقدت هنا الله اعلم محاسيتش بروحي حتى لقيت روحي راقد  ولاء: انا دوك ني مليحة حمدلله نتا راك تبان فشلان روح ريح في دار  لؤي: عندك الحق راني ميت بلعيا انا نروح بصح قبل مانروح راح عندها و حط يده على راسها هي بقات غير تشوف فيه و غايسة قربه ليها يخليها تفقد حواسها تبقى مركزة معاه برك  لؤي: نتأكدوا بلي راحت سخانة و c vrai راحت انا نروح دفي روحك مليح باي  ولاء: باي خرج و خلاها هي حطت يدها على راسها و بقات غير تتبسم  ولاء: انا علاه راني نتبسم كي بهلولة مالي انا و جبدت مذكراتها و بقات تكتب فيها نهار كومبلي فات عادي حتى جا وقت الزيارة و جاو دارهم مع جيهان بقاو يحكوا معاها و يقصروا و يضحكوا من قرب وقت يكمل ولاء حكمت جيهان من يدها و خرجتها للبالكون جمعوا في كراسا لي دايرينهم تماك  جيهان: غير الخير خلعتيني  ولاء: انا راني مخلوعة جيهان: علاه شاصرا  ولاء: راني نبغي جيهان من خلعة ناضت من بلاصتها و توغت عاودت ولاء حكمتها من يده و جمعتها  ولاء: شتتت باغيا تفضحينا بلعي  جيهان: نفضحك يا كلبة و نتي جايا تقوليلي هاد لخبر نطقي قولي كيفاش قيساش شكون هو وينتا بغيتيه علاه بغيتيه كيفاش عرفتيه  ولاء: كملتي  جيهان: واه كملت ولاء: تقدي تخليني نحكي  جيهان: خفي نطقي و اصلا هدا وين تقوليلي من بغيت نروح  ولاء: خليني نحكي  جيهان: اوك  ولاء: راني نبغي طبيب تاعي لؤي اه على لؤي علبالك من نشوفه تقولي ضربني كورون قلبي وحده يولي يضرب بلخف تقريبا نحسه عادي يحبس معلباليش كيفاش ولا قيساش بصح بغيته علبالك الحاجة الوحيدة لي مصبرتني على هاد سبيطار هو لازم نشوفه كل يوم كون منشوفهش نهبل  والفت نصبح عليه علبالك لبارح مرضت  جيهان: مرضتي شاصرالك راكي مليحة  ولاء: بلعي خليني نكملك  جيهان: صحا كملي  ولاء: كيما قتلك مرضت بقى معايا نهار كومبلي مخلانيش حتى ليل بقى عاسني حتى اليوم صباح انا قتله روح شفته عيان حسيته حتى هو يبغيني ياك كون مكانش يبغيني مايديريش على جالي هاك ميبقاش سهران على جال راحتي  جيهان: حتى انا بانتلي هاك بصح علاه مانطقش  ولاء: معلباليش بصح ياك تعرفيني انا منقارعش حتى تجيني فرصة انا لي نهلق الفرصة  جيهان: شاباغيا ديري  ولاء: غدوة في لانيفارسار تاعي نقوله منخليهاش في قلبي  جيهان: اوك و متنسيش تتبريني  ولاء: اوك هوما يحكوا حتى جاو امين و منى داو جيهان و راحوا وقت زيارة كمل كان راقد في سابع نومة بعد نهار طويل من تعب حتى يحس بواحد ينوض فيه حل عينيه لقى فاطيمة مقابلاته  فاطيمة: صباح النور ولدي  لؤي: صباح نور ماما شعال راها ساعة  فاطيمة: راها 8 ماشي راك روطار  لؤي: قصدك 8 تاع ليل ياك متخلعينيش  فاطيمة: تاعش ليل الله يهديك راها 8 تاع صباح انا اصلا نخلعت فيك راك من بارح راقد  لؤي: كنت عيان و بدا يتكسل منبعد تفكر بلي راح الحال عليه ناض يجري من بلاصته  فاطيمة: بلعقل عليك جاوبها و هو في دوش يغسل في وجهه  لؤي: راني روطار  فاطيمة: خممت في سوجي  لؤي يمسح في وجهه: تاعش سوجي  فاطيمة: غادي تهبلني نتا زواجك نتا و سناء  لؤي: يا حي نتي هي لي غادي تهبليني  فاطيمة: انا هضرت و هضرتي متتعاودش هو كان لبس و كمل راح عندها سلم عليها في راسها  لؤي: راني رايح باي  فاطيمة: لؤي لؤي رواح هنا مزال مكملتش هضرة هو راح و خلاها و دار روحه مسمعهاش و خرج يجري ركب لوطوته و راح لسبيطار لقى جواد عند لباب  جواد: بونجوغ عاش من شافك  لؤي: بونجوغ لبارح رحت رقدت ديراكت عيان تأمن حتى اليوم فطنت  جواد: باينة تعيا ليل كومبلي و نتا مقابلها  لؤي: باسكو كانت مريضة هدا مكان  جواد: ممم مريضة لؤي: اصلا فكرتني نروح عندها دوك  جواد: روح ولدي روح  لؤي: ايا منبعد و راح لبس طابليته و ديراكت راح عندها وصل عند لباب سمع سناء تغنيلها  سناء: happy birthday too you happy birthday too u happy birthday too walae دخل لقى سناء جايبة وردة و chocolat  لولاء لؤي: ممم شاكاين هنا ولاء من شافته بسمة ترسمت على وجها  سناء : اليوم l'anniversaire  تاع ولاء  لؤي: يا كبرت بنتي  ولاء: مانيش بنتك  لؤي: مكانش علبالي ولاء bonne anniversaire  ولاء: مغسي و مغسي سناء لي تفكرتيني علبالك حسبت حتى واحد ماغادي يتفكر انا موالف قبل بشهر نبدى نخطط كيفاش نفوته و دايما يكمل تخطيط تاعي بأني نفوته مع جيهان في شمبرا نتفرجوا في فيلم و ناكلوا ماييس و بيتزا معليش هاد لعام غادي يفوت différente  بصح نوغمال كلش يفوت راحت عندها سناء عنقتها  سناء: معليش العام جاي كيما هاد نهار تكوني مع جيهان و ديروا لبغيتوا  لؤي: نشالله  ولاء: نشالله  لؤي: انا نخليكم عندي خدمة  سناء : و انا تاني ايا منبعد نشالله  ولاء: نشالله خرجت سناء بقى لؤي معاها  لؤي: انا تاني نروح و خرج قبل ماتحكي
ولاء: بصح كنت باغية نحكي معاك اففف مسمعنيش و دربت راسها بصح انا حمارة كنت غادي نقوله دوك معليش منبعد و نحكي معاه و فوتت نهارها كاما تحوس تحكي معاه و كل نا تبغي تنطق يجي واحد يخسرلها قعدة حتى ملت وصل ليل و فقدت الأمل بلي تعترفله كانت في بالكون لي يجمعوا فيه مرضى  تشوف في تصاويرها مع صحبتها حتى طفت تلفون و حطاته حداها ولاء: افففف راح قبل مانقوله اففف زهري كي رهج حتى تسمع  لؤي: ماله زهرك  ولاء: ياااا مرحتش  لؤي: لا اليوم عندي garde  ولاء: مليح  لؤي: اي نتي شاراه مقعدك في البرد ايا قدامي لشمبرة متنسيش كنتي مريضة  ولاء: بصح راني كارهة  لؤي: ايا قدامي و حكمها من يدها جرها لشمبرة اول مادخلت بقات حالة فمها و تشوف في surprise  لي وجدهالها كان موجدلها ببتزا من عند لي تبغيه و داير شكارة تاع ماييس و حاط بيسي و داير فيه فيلم  لؤي: قدرت نجيبلك كلش غير صحبتك مقدرتش نجيبهالك بقى يستنى فيها تنطق والو محكات حتى كلمة دار يشوفها مالها لقاها ساكتة و دمعة وحدها تنزل على خدها دار ليها مخلوع  لؤي: مالك كاش حاجة راهي ضرك قولي مالك كاش ماغلطت في حاجة  ولاء: العكس مكنتش نقارع في هاد surprise  لؤي: حمدلله يعني عجباتك و قبل ما يزيد ينطق حتى كلمة عنقاته هو جمد في بلاصته ماعرفش شايدير  ولاء: مغسي لؤي هادي اجمل حاجة صراتلي من نهار دخلت هنا و بقات معنقاته منبعد فاقت مع روحها و جبدت عليه و تبسمتله و راحت جمعت فوق سرير  ولاء: رواح ناكلوا قبل ماتبرد ولا جبتهم نتفرجوا فيهم برك ضحك على هضرتها لؤي: لا جبتهم ناكلوهم ايا نبداو  ولاء: ممم هاد بيتزا شعال نبغيها  لؤي: يا جدك كلي بلعقل دوك تجيفي  ولاء: ياك نتا طبيب من نجيف تسلكني  لؤي: انا طبيب بصح بلعقل يا بنتي ولاء: اوك دكتور بقاو ياكلوا  لؤي: ايا شاتبغي نديرلك فيلم  ولاء: متضحكش ياك لؤي: لا منضحكش بصح متقوليليش ديرلي توم وجيري ولا سبونج بوب ولاء: هاهاها ضحك رنك علاه راك تشوف فيا غريانة  لؤي: لا صحا قولي بنتي شاراكي باغية تتفرجي  ولاء: تيتانيك كل عام نتفرجه و نبكي على جاك من يموت  لؤي: يا عمري قلبها حنين  ولاء: لؤي قالتها و علات صوتها  لؤي: صايي صايي محكيتش دوك نديرهلك داره في بيسي بقاو يتفرجوا فيه جات لقطة وين روز عترفت بحبها لجاك و هنا ولاء تشجعت وقررت انها تقول شاراهي تحس لؤي كان غايس و يتفرج حتى يسمع  ولاء: i love u
💜💜💜💜💜💜💜💜💜💜💜💜💜💜💜💜💜💜
وهادا  كان البارت تاااع ليوم💖💖💖💖💖
نتمنا يكون عجبكم
وفي ميزكم كيفاش راح تكون ردة فعل لؤي كي عترفتله ولاء بالحب تاعها ليه !!!
متنسااوش تدعموني باش نكمل ايا باي 💖