عذاب الروح

عذاب الروح بارت 1

الخاتونه 👸🏼

قصة عذاب الروح الحلقة 1

بغداد .

تحديدا.

الشعب

اني هبه من مواليد 87 اعيش مع عائلتي إلى هيه متكونه من امي واخواني ثنين عصام وحذام ماعندي خوات والدي متوفي من اني زغيره اتذكرله ملامح فقط وامي دائمه تحجيلي عليه دكولي هوه سماج هبه لن اجوي اخوتج وكل مايجي واحد منهم يكول هاي بنيه ويطلع ولد من كد ميحب البنات ال ان اجيتي وسماج هبه كال هاي هبه من رب العالمين هذا بلنسبه الاسمي اما شكلي فحلوو مراح اوصف وانفخ روحي لن اني بسيصه ال ابعد حد وبلجايات راح تتعرفون عليه مكمله كليله وصار سنه كاعده لاتعيين ولاوضيفه حالي حال الألف المتخرجين ويوميه جايتني وحده من المنطقه انطيني عشره خمسطعش ورقه واعينج ههه واني منيلي اني الدراسه كملته بدفرات حتى جنت ادرس العصريات طلاب المنطقه لحد مينكسر ضهري حتى لواطلع فلوس الخط لو فلوس الاقلام وهاي السوالف اخويه حذام مثلي طالب وسوده عليه يدك عماله بلجمع والعطل حتى يشتري ملابس لو يروح بيهن كراوي وعل هل حال لاعنده تقاعد ولا كولشي ابويه رجال فقير ودعمته سياره ومات وامي مره حيل تخاف الله بوكته حلفت ولمت كرايبه وكالتلهم مناخذ فصل الفصل فلوسه منفوسه وراهن فاينه واني عندي ولد اخاف عليهم هوه هذا يومه والله كتبله هيج يموت.

هاي حجيتلكم عني وعن امي وابويه واخويه حذام نرجع هسه عل عصام عصام وماادراك ماعصام عبالك مواخو عبالك عدو ابد ماعنده حنيه وكلبه جلد وميحب بس نفسه متزوج وعنده ثنين ولد وبنيه احمد ومحمد وريتاج وزوجته هاي حكايه ثانيه وحده ينطبق عليه المثل ليكول بلوجه امرايه وبل كفه سلايه السانه ذهب وعيني وكلبي وليشوفه يكول لوهيج الجنه لومتراد بس الحقيقه وين بس كلبي باخنهه اي شي كدامي متسوي ومشايفه منه غير اللسان العسل بس من اراقبه الكاه وحده حياله ومكاره وتاذي امي اي تاذي امي خصوصن بلكلام تذب كل كلمه بكد راسه بس امي خطيه مره فقيره من اهل الله لوتغلط عليه متنطي بيه دكول زلت اللسان هيه متكدر تنحش عصام هذا هوه منحوش وخبيث من كاعه بحيث يطب ويطلع ميكول الامي شلونج وامي ام كلب الطيب دكول خطيه طبعه هيج بينما هوه اشوفه ويه العالم ويه اهل مرته بس هوه وبس الضحكه شاكه الحلك لذالك اني جنت مبتعده عنه حتى المكان اليكعد بي اكوم منه يشتغل سايق تكسي يصرف بلبيت بمزاجه وهيه مرته تطبخ واحنه ضالين ناكل من جوه اديه محد يكدر يعترض مو ضعف ولاخوف بس منريد مشاكل وهيه لسانه المعسول اذا تحاجيه يخجلك جنت لازمه البيت من نتضيف وترتيب كوله عليه حتى بااوقات فراغي اسوي أعمال يدويه شغلات اتحصر عليه بلسوك واضل افكر بيه إلى ان اسويه بديه رغم جمالي ورغم أخلاقي مجانو يجوني خطابه حتى بلكليه جنت ماعندي اختلاط وجانت راسخه بالي فكره انهو اني جايه ادرس وبس ومنطيت مجال الواحد لايسوي وياي علاقه ولايصارحني وعمام وخوال ذوله منقطعين عنهم بس بلمناسبات نلتقي وامي غاسله اديه منهم وحتى احنا ناسيهم.

نرجع ندخل بدايه القصه ......

يمه هبه هباوي كومي حبيبيه طلابج ينتضروج الساعه 4بنيتي

اي يمه كايمه شبساع صارت بلاربعه توني نمت

لا يمه صار فتره نايمه بس سوده تعيبانه من التدريس ودوخه الطلاب هل نمتني وماحسيتي

اي والله يمه تعبانه البارحه للوحده بليل واني اسويلهم الاسله ومن الصبح كعدت دققته وهسه نمت مادري بروحي

شتسوين يبنيتي هذا هم حضج مكتوب عليج شلعان الكلب وله انتي خلصتي من الدراسه انوب رجعتي درسين من وره هاي العيشه الطايح حضه