عذاب الروح

عذاب الروح بارت 54

الخاتونه 👸🏼

قصة عذاب الروح الحلقة 54

واحنا شعلينا بجهالج عيني وإذا نايمين انتي تدارين جهاله عل حساب راحت جهالي وين يرحون البيت هل كدوته بس يجي عصام أخذهم واروح لهلي حتى جهالج ينامون زين

عززززه هاي راح تعوف البيت من ورايه رادت امي تحجي سكتته

يمه الخاطر الله اني مناقصه عفيه عوفيه هسه تسويلهه زعله وتذبه براسي واني البيه مكفيني

سكتته غصبن عنه لهناك وكالو اجوي عيالج والله ويطبون ام رقيه وايناس ومهند وبارق ورجل ام رقيه كعدو بلهول بس حذام موجود طول الكعده يحجون وياي ارجع واني بس ابجي لحد مااجه حذام كال ابو قتيبه يريدج رفضت اطلع رفض قاطع خصوصا ابو رقيه رجال غريب ماريد انهار كدامه

بابا عيب اطلعي احجي وياه

حذام مستحل اطلع اعرف جايين يرجعوني واني كلبي محمل عل سلام ماريد انفجر كدام الرجال عوفني

زين شكولهم

كلشي لادكولهم اني اتصرف اوكف

دخلت للغرفه وكفت كدامهن

ام رقيه ام قتيبه جيتكم عل عيني وعل راسي بس رجعه مارجع وهذا قراري أخذته وانتهت اذا صدك تعزوني وتحبوني تطلعون هسه دكولن الهم اني مارجع ورجاء رجاء لا تضغطون عليه

هباو.

احلام اعرف شتردين دكولين بس بعد متقنعيني ولو اريد اتناقش جان كعدت وياج وعرفت بتفصيل شلون تزوج بس اني طاقه تحمل بعد ماعندي ارجوج تفهميني وتقدرين موقفي

صديت عل ايناس

ايناس انتي اكثر وحده حاسه بيه لن مريتي بنفس تجربتي اترجاج تطلعين لمهند ودكليله لايزعل مني واني اقدره بس ل هنا وعل حساب نفسي وكرامتي ماكد ادوس عليهه

شلت جهالي وطلعت للغرفه الثانيه وامي تتعذر منهن كعدت ابجي عل حضي وعل قسمتي ماعشت يوم مرتاحه اني كل الصوج بيه ليش سكتت وتحملت ماكو مره تتحمل الشفته المفروض من اول مشكله وياه عمتي اعوفه وانعل ابو العيب لأبو الناس ليش وصلت نفسي لهاي المرحله وخلفت

وره شويه كمت طلعت الضاهر رايحين حذام كال إخوته مراضين ويتعذرون ويحمدون بيج وطلعو مقهورين

لا تصدكهم كلهم جذابين جانو يدرون وضامين عليه

والله حلفو ميدرون هاي السالفه هوه وامه مسويهه ومصارلهه غير سبوع بعدين تعاي اكولج لومتزوج قبل سنه شيريدون يسوون يجون يكلولج اخونه متزوج هم ميسووهه عل كلن قرارج بمكانه واني اخوج وبضهرج لاتهتمين خل يولي

بجيت

حضني وباس راسي

حتى هوه احسه مقهور عليه رحت رجعت جهالي بمكانهم ونومتهم وره ساعه تقريبا ماحس بس الصياح بره تراكضنه كولنا وجان يجي حمودي ابن عصام من بره يركض