عذاب الروح

عذاب الروح بارت 69

الخاتونه 👸🏼

قصة عذاب الروح الحلقة 69

 

انتضرج لاتتخارين

روح اني ارجع

لاتعاندين يله بسرعه
صفكت الباب ونزلت لكيت البنيه ام المختبر لبصفنه كاعده بمكاني من شافتني كالت هاي وينج الدكتوره ستبطتج كتله جهالي مرضه ودخلت عل دكتوره تعذرت منه وكتله ماكدر بعد اكمل وياج جهالي مرضه وامي متكدر عليهم سلمت عليه وطلعت لكيته منتضرني صعدت بدون كلام وهوه هم ماحجه وصلني للبيت ونزلت لاحاجيته ولا ادري شراح يصير وشراح يسوي دخلت للبيت امي تفاجاء من شكلي وجهي أحمر وعيوني مورمه من البجي والجهال يباوعون عل ايدي فارغه كلشي مجايبتلهم كالت امي

شبيج يمه اشو جايه من وكت

يمه تعبانه والدكتوره مجايه ورجعت

حجيته ورحت للغرفه قفلتهه وكعدت وره الباب ابجي ابجي بكل قوتي واني داحس نفسي ضعت اني شلون وافقت وشلون هيج صار معقوله ارجع ال ذلك البيت واعيش بي مستحيل لو اموت زين شلون راح اتقبل بارق شلون متت متت بيومه واني عدله للمغرب ونفسي ضاك والدنيا ضلمت بعيني اريد انفجر اريد احجي امي ماكدر احجيله مالي جره وايناس ماله سلطه عليه ماكدامي غير ام رقيه خابرته واني ابجي كتله اريدج تجين بس لادكولين اني دزيت عليج خطيه ضلت تسل شبيج والجهال اخاف بيهم شي كتله بس تعالي وفعلاء وره ساعه اجتي همزين هديل يم اهله جان معافتنه وحدنه وامي بس سلمت عليهه وراحت تصلي اخذته للغرفه وانفجرت ابجي بحضنهه وسولفتلها لو تخبلت كالت
سبحان الله هوه احنا عنده هذا الوحيد بلبيت ميتفاهم ولايتقارش فكلشي أتوقع منه وهسه اني ممستغربه اخويه واعرفه البراسه يسوي

واني شنو ذنبي أحلام اني شراح اسوي شكول الأهلي

شتسوين يا عيني اذا المخبل عاقدج عليج شبيدج بعد

دنكت

هباوي حبيبتي صحيح اني بلبدايه جنت مقابله بس هسه لا والله اتمناج لبارق لن احنه تعلمنه عليج ومنلكه مثلج والجهال هم خطيه رايدلهم ابوه فوك رأسهم وبارق احسن من الغريب انتي بعدج زغيره وحليوه وإذا هسه ممفكره بزواج لازم يجي يوم تتزوجين والجهال يضيعون بينه وبينج واكيد احنا هم منخلي رجال غير يربيهم ومدام بارق هاويج وبعد هاي من الزينات احسن مياخذج وثنينكم مجبرورين اقله واحد يكسر عل ثاني

هاي حتى انتي هيج تحجين احلام والله متوقعتج

هباوي هذا الصيح هاهيه اقبلي بلامر الواقع وان شالله الله يهديكم عل بعض ويسعدكم

شريد احجي بعد اذا حتى أحلام لجانت معارضه هذا حجيهه لعد اني شكول والأكثر من هذا مشفت منها نضره توحي لرفضهه لو لمعارضتهه فسكتت وحسيت جيتهه مابيهه فايده عاد كعدت شويه وراحت واني من لفيت راسي ونمت وعفت كولشي لثاني يوم كعدت جسمي مكسر عرفت من الهبطه راح دكولون يوميه مريضه اي اني من انغث لو انهبط استسلم للفراش والمرض يدكني لحد مياخذ جسمي كفايته واستوعب ال صار يالله اكوم فعلا أثر الصار سبوع ماكدر احرك جسمي ولااقبل اروح دكتور وسلوني عل شغل كتلهم بطلت لن تعب ودخه فعافوني وبارق وما أدراك ما بارق سبوع لادك ولاسمعت منه خبر حتى عل تاب مال يوسف ماكو واني اتكرضم لن ماعرف مصيري شنو عقد عليه وذبني شنو باله مادري حتى اهلي احس نفسي خاينتهم ومسويه جريمه من وراهم هسه كمت اريده يجي يخطبني كدامهم حتى ماحس بتنيب الضمير بس وين مبين ولايمه عاد متحملت كمت وجبت الجهال وكعدتهم ودكيت عليه ونطيته اليوسف فتح خط وحجى وياه ولا عبالك صاير شي شلونك بابا وشلونك حبيبي ومشتاقلك ونور شلونهه افتحلي كامره داشوفكم وشافهم وهمه يضكون واني اغلي وهوه ممهتم ويضحك وياهم جان اسحب التاب سديته وعلمت يوسف كتله راح ادك النوب وكله بابا ماما اواء داحجي هيج رجع هوه دك عباله نكطع فتحت خط ونطيتها ورجع يسولف وياهم وجان  يوسف يكوله