الخاتونه 👸🏼
قصة عذاب الروح الحلقة 53
يمه بس كليلي ليش تزوج ليش اني بشنو مقصره يمه حرررررك كلبي يمممممه يمه راااح اموت والله
امي تهدي بيه وتريد بس دكومني وحذام يسب بسلام وجان يدخل عصام يباوع عليه واساور تكوله شوف خطيه رجلههه تزوج عليهه عبالي راح يأخذني لحضنه ويطبطب عليه بس صدمني من كال
شكو بيهه اقبل اول واحد آخر واحد بعدين عليمين يطلع مو أخو الجبير متزوج كومي كومي ناصبتهه مناحه
يابه من كال هيج تمنيت اختفي من كدامه تمنيت اكوم احرك روحي وأخلص بس تضاهرت بلقوه عرفت اني بعد مالي احد مالي سند مالي واحد يأخذ حقي مسحت دموعي وسندت نفسي وكمت مكسوره لغرفت امي كعدت وخليت راسي بين رجليه وصوت جهالي يبجون بذاني من ساعتهه قررت اعيش اللهم خلص سلام انتهى سلام مات بنضري من هذا اليوم سلام ورقه وطويتهه
من
حياتي.
خليت راسي بين رجليه وصوت جهالي وبجيهم بذاني وامي تسكت بيهم روحي نسحنت والقهر ديكرض بكلبي راح اتخبل شلون ماحسيت بي من شوكت تزوج تذكرت ايناس وذاك الموقف بيوم لتزوج عليهه مهند وهسه اني حالي انكس من حالهه بيومه خلصت اليل كوله عل كعده واحد ادور غلطه بيه وادور موقف واحد يخليني أشك بي ماكو معقوله من جان يروح للقاعه لو للكهوه لو من جان يروح للدوام يروح يمهه تذكرته من كال يتيمه وبنت خالتي عرفت بنت خالته الماتت نار نار وماطفت بيه للصبح دمعتي مانشفت وامي تنام وتكعد تصبرني وجهالي اوووف جهالي احاجيهم عبالك يسمعوني ليش هيج ابوكم سوه بيه فوك قهر امه جابلي ضره جابلكم وحده تكفخ بيكم اذا مالت عيني للسبعه الصبح اندكت الباب طلعت ام رقيه واني عل كعتي هاي من البارحه من اجيت دخلت كعدت كبالي بوستني وحضنتني واني بس جتافي تهز وهيه تمسح بدموعهه
هبه فدوه اروحلج عل كيفج ويه نفسج والله خايفه منج ومن حوبتج تطلع بااهلي والله انتي ذهب بس امي ااااااخ امي هيه هجمت بيتكم
دموعي تجري واشهك سلته
احلام من شوكت متزوج
مجاوبت
ااااحلام بردي كلبي اريد اشوف اني من شوكت اني معميه عل عيني
قبل أسبوع
وانتي تدرين انتي الي اكول عليج انتي تختلفين
والله ادري امي جانت تلح من اول مماتت خالتي وحنت احذرج واكولج عينج عل سلام بس مادري شوكت متزوج البارحه ال دريت
ليش اااحلام راح اطك اني شناقصني
والله مناقصج شي بس هاي امي ادري بيه هيه سوتهه وهوه ميكدر عل زعلهه
احلام امج ليش هجممممت بيتي ليشش
مرض هبه مرض امي متصيرلها جاره هبه سلام يحبج سلام البارحه للساعه3 الصبح هوه بلمستشفى حتى ضغط صار عنده
أنت تقرأ
عذاب الروح
Ngẫu nhiênبغداد تحديدا الشعب اني هبه من مواليده 87اعيش مع عائلتي الى هيه متكونه من امي واخواني اثنين عصام وحذام ماعندي اخوات والدي متوفي من اني وصغيره اروي الكم عذابي عذاب الروح
