الخاتونه 👸🏼
قصة عذاب الروح الحلقة 48
سكتت بعد شريد اكول موزين نتهت هيج بس حذام شلون لليل خابرته جان هادئ فاجئني من كلي راح اعوفهم هاي الفتره لن هسه همه ضايجين من الصار عود بعدين شوف الله شلون يسهلها
وفعلا نسد الموضوع وكن شيئ لم يكن ومرت الايام هديل رجعت للكليه طبيعيه هاي شبيهه معقوله تركو بعض وعمتي هادئ وعايفتني بحالي وهدوء مخوفني خصوصن من ت كعد ويه سلام ويتبسبسون هوه بهاي الفتره سجل بلقاعه مال حديد هاي سالفه طلعتي صفح غير الكهوه كام يروح بلساعت وميطب للوحده بليل لو للثنتين بس تعدل حيل وجسمه نشد حتى أكله صار بدون دهن وهاي الشغله متعبتني لازم اسويله وحد واني ايام حملي دتركض وداتعب حيل والثكل فضيع كمت ماكد اكوم واكعد ومن وصلت شهر الثامن عبالك تكرمت النفس أجره كوه وسلام تركته نهائي مااخلي يوصلي مومتعمده بس مااكدر وهوه هاي الشغله خبلته عليه روحه صارت بخشمه وعل أقل شي يزمخ ويعصب وعمتي ملاحضه هذا الشي عدت مرات يعصب كدامهم عل اتفهه الأسباب ومره رزلني علمود كورس الاكل جانت ورقه مال نضام غذائي كاتبلها المدرب وضاعت لعب بيه لعب واني ساكته من دورته طلعت بملابسه جبته دانطيهيه وجان اسمع عمتي دكوله هاا شكلت وهوه يجاوبهه يمه موهسه هاي تموت والله متشوفيه شلون تعبانه خليه وره متجيب جنت زعلانه منه ومغثوثه مركزت ولادققت شنو قصده اصلن صايره اعبر واعبر لن البيه كافيني لحد ماوصلت شهرى واليوم اول يوم وبنص اليل وتجيني لويه عبالك إعصار من قوتهه اريد اكوم ماكدر كمت بس ادق بسلام حتى يكعد كوه كعد
شبيج هبه
سلام بطني لحكلي يمكن راح اجيب
صدك زين شسوي كليلي
بس كعدني
سحبني وكال
راح ا صيح امي
طلع يركض اجتي وياه باوعت عليه واني اتلوه كالت
بعدج توج اول يوم بشهرج شتجيبين هاي تشاليع نامي نامي عاد انتي راح تشتغلينه هذا الشهر كل شويه وكولي راح اجيب
حجتهه وطلعت واني ابجي بهدء من الألم
سلام خابر امي داسلهه دكلي عليه خطيه نهبطت جانت نايمه كالتلي يمه روحي للمستشفى انتي توم تخوفين انطتني اسم المستشفى وكالت تلكيني كدامج تعاي سديته كتله السلام جان صدك خايف ومبين عليه كال يله احسن نروح ليش نجازف كومني وكفت لحيلي محسيت غير المي بين رجليه هوه نخبص كتله عل كيفك بس صيحلي هديل ركض دك الباب عليه واجتي وياه شافتني كالت اني يمج بس ماعرف شنو اسوي بس وجهيني كتله بس بدليلي ودليتها عل غراضي سلام هم عل صفحه بدل وسحب فلوس من الكنتور خله بمحفضته شال السويج كال راح اطلع السياره بين متكملون بدلت وكملت اجه سندنني وهديل هم وياي من الصفحه الثانيه بلحولي وعل صوتنه طلع بارق من غرفته كال
هاي شكو
كله سلام
يمكن هبه عدهه ولاده
عمتي صاحت من غرفته
ولك هاي مكاره عياره راح تركضك بهليل اذا جيبوهه عاتبني
بارق مد راسه عل غرفته
يمه شنو هل الألفاظ مو اني واكف
خزره
طلعنا صعدت السياره وهديل راحت جابت الجنطه اني جنت محاضرته سلام هم صعد اجه بارق صار من يمه
شنو وحدكم راح ترحون
لاامهه هناك كدامنه
حتى لو لحد متوصل كلشي يصير هديل روحي وياهم
اي صار بس ابدل
عندك فلوس
اي عندي
الله عليك
والله عندي
طلع من جيبه صفطه خمسه وعشرينات ونطاه
بارق والقرآن عندي
هسه ميخالف خليهن عندك عود اذا محتاجيت رجعهن
وداعتك عندي
همه يحجون واني ادكطع واللوب اجتي هديل صعدت يمي كله
سلام سلام انزل اني اروح وياك انزل اني اسوق
خطيه لا
يمعود دنزل اكعد يم مرتك
نزل سلام كعد يم وهوه شخط السياره وطلع واني كسرت أصابع سلام من ألعصر وهوه حاضني وصلنا المستشفى ونزلنا مشوني لكينا امي وحذام خفت من لاقاء ويه بارق وخصوصن ويانه هديل بس صار العكس تسالمو عادي وامي وهديل الي عيونه عل حذام وهوه راح يأكله هم اخذوني لصاله الولاده اول مشافتني الدكتوره كالت فوره ولاده وعمليه هم من سمعت هيج كل حيل مضل بيه كمت ارجف وامي تقراء آيات وتهديني دخلت العمليات ركض ركض بنجوني لو نعاد
كل شريط حياتي كدامي
ورحت بغير
عالم
أنت تقرأ
عذاب الروح
Acakبغداد تحديدا الشعب اني هبه من مواليده 87اعيش مع عائلتي الى هيه متكونه من امي واخواني اثنين عصام وحذام ماعندي اخوات والدي متوفي من اني وصغيره اروي الكم عذابي عذاب الروح
