الخاتونه 👸🏼
قصة عذاب الروح الحلقة 15
حجو وياه ابوقتيبه عجز ميفيد آخر شي كلي توكل هيه هاي ام وهذا طبعه موكدام مرتي صار شكم سنه مطابه البيت من وراه
مووصلت للطلاك وهم السبب امي عوفه لاتقارشه واحنا كلنا وياك سويت مثل مكلي وهاي النتيجه
سلام زين اني شذنبي اني جنت حاسه وكم مره شفتك ضايج وسلتك كتلي ماكو شي ليش ضميت عليه
شكولج لعد امي متريدج حتى تعوفيني واني روحي صارت بيج
وتالي
الله العالي اصبري حبيبتي لخاطري راح نسوي مثل مكالت إم رقيه نمشي وياه بلسياسه وانتي ورده ان شالله تكسبيه
بتسمت أخذني لحضنه
اكولج امي ضيعت عليه شوطين أصبح والضهر
ههه انت متشبع مواليل كله خلصته شواط
هوه انتي ينشبع منج عسل عسل اكو واحد كدامه عسل ويعوفه
هههههه والله لسانك الصاير ينكط عسل ونساني حتى الصار
اموت عليج تعاي
كلبني وصار فوكايه يعضعض بركبتي
سلام ههههه اكعد كوم دنطلع عيب منهم
معليج بااحد خليج وياي
ياااااي راحت ركبتي شكد عنيف
بعد مشايفه شي هسه اشوفج العنف عل أصوله
اي بس شويه شووو بس اشوف هاي شنو
شننووو
بتعد يباوع بشك كمزت ركض سحبت شا لي لحكني صرت يم الباب
تعاي تضحكين عليه
هههههههههههه وخرررر والله ا صيح
خرررب صوتج بنت الاوادم
لعد واخر خلن نطلع
حصرني عل باب يباوع عل شفايفي
وتعوفيني
بليل اعوضك
اااحممم اذا هيج يله لعد راح اهدج
بتعد عدل تشيرته واني رتبت نفسي وطلعنا جانو مجموعين بلهول كلت السلام عليكم كلهم ردو بس عمتي مغلسه كعد سلام وكعدت بصفه ام رقيه عرفتني عل ولده ثنين علي وحسين يطلع عمرهم 12و13سنه وبنته رقيه 15 سنه بعدين سلام كله تره ممتغدين تخبلت كمزت كلتله من عيوني دقايق واسويلكم احلى غده عمتي تخزر واني حتى الهزم من نضراته كمت وره إم رقيه خطيه سوت الاكل ركض ركض وخلتله عل ميز بلمطبخ كالت ا صيح سلام واجي كتله بكلبي فدوه اروحلج لن صدك ميته جوع وبدون ريوك اجه سلام وكعدنه ناكل أكلت من كل خاطري خصوصن وحدنه اخذت راحتي كملت وكمت داغسل دخل ولد شاب عمره يطلع بلعشرين كال السلام عليكم ورديت بعدين توجه عل سلام بوسه وسمعه يكوله هلا عموو حبيبي باوع عليه كال هذا قتيبه ابن اخويه مهند
هلاوسهلا
هلا بيج مرت عمي شلونج
الحمدالله الله يسلمك
ترخص ودخل يمهم واني غسلت المواعين الاكلنه بيهن سلام هم كعد يمهم كملت بس ستحيت ادخل بقيت كاعده بلمطبخ لهناك وشفت هديل هيه ورقيه بلحديقه وقتيبه وياهن ماكو يلعبون طوبه بتسمت شكد حلوو هيج الولد طلوو بلباب وسلام من شافني وحدي اشرلي تعاي كعدنه عل كراسي وهمه يلعبون كدامنه ام رقيه هم اجتي كعدت ويانه تعجبت عل حريت هديل كلش مطوخته لبسه كله تراك برموده وضيك طابع عل جسمه شلون هيج كدام إخوانه مادري يلعبون ومندمجين صاح بيهم بارق
كافي عاد صرت دنيه المغرب
حجاهه وطلع السياره وطلع همه بطلو وكعدوو يمنه لحد ماضلمت إم رقيه سلمت وأخذت عائلته وطلعت واني وسلام رحنه لغرفته ويه مطبيت تذكرت اني ممصليه من البارحه رجعت توضيت وصليت وسلام مدد كملت سرحت شعري وداخلي مكياج اجه سلام صار ورايه
حبيبي كافي تعالى يمي
هسه كملت
بقى واكف
شتريد
دكملي عاد موراح اهجم عليج والله
ههههه سلام اكعد راحه
قفلني بحضنه ويبوس بركبتي ذبت بين اديه سحبني للجربايه ورحنه بغير عالم نساني كلشي غثني بهذا اليوم بكل لمسه منه تكدت سلام يحبني من كلبه بقينه سهرانين للصبح مطلعنه من الغرفه غفينه شويه واني كعدت كلت ماريد ينعاد الصار البراحه وابقى نايمه اخاف هم تجفت عليه كمت سبحت وبدلت جانت الساعه تسعه طلعت ماكو احد فتريت بلبيت ماشالله كلش كبير يطلع 600متر كراج كبير وبصفه الحديقه والاستقبال فدشي يصفن ديوان عربي وبردات ضخمه والبلازمه بلحايط ماخذه نصه سيت طبلات عل طول الاستقبال التحفيات شي خيالي بعدين رحت للهول هذا البارحه كعدنه بي خالين تخم مرتب وبلازمه طلعت بصفه غرفه مفتوحه بيه سرير وبوفيه عليه فراش لحد السكف مجرجف بتول يمكن غرفت عمتي وباقي الغرف تلاثه مسدوه بابهن ويه غرفتي الرابعه نتبهن الدرج عل طوله سنادين بس بنهايته مسدود بحاجز للنص المنيوم مثل الباب مشبك وبي سركي عرفت هذا فوك بيت منهد بس مالهم صوت عاد عفت كولشي ورحت اول شي غسلت الكراج كلت اشتغل بلكت اكسر عين عمتي والله يهديه عليه حتى لو عروس اتحمل شسوي بعدين بعدين لكيت غراض تنضيف عل صفحه اخذت الوصله مال المسح والمعطر ولزمت البيت كوله مسحته كملت واجيت فتحت المجمده مليانه سمج دجاج لحم كسور كلشي صار كدامي حتى حرت شطبخ كلت اسوي دجاج والله كريم لن ماعرف شيحبون طلعت دجاجتين نكعتهم وبقيت ادور عل تمن حتى اغسله افتح واسد بلكونتر ودخلت عمتي من بره توقفت شمرت عباته عل كرسي وباوعت عل دجاج لمنكعته نترت
هاي شنوو
عمه كلت اسوي غده
وانتي منو طلب منج منو صخم وجهج بعديد بيت الخلفج وتتصرفين بكيفج
دنكت وختنكت
سمعيني زين هاي سوالف الهلاكه متعبر عليه ممنوع تمدين ايدج عل حاجه بدون علمي لتسوين روحج نادره براسي اني هنا الأمر والناهي من اكولج اني إل تسوين سمعتي لو أعيد
أنت تقرأ
عذاب الروح
عشوائيبغداد تحديدا الشعب اني هبه من مواليده 87اعيش مع عائلتي الى هيه متكونه من امي واخواني اثنين عصام وحذام ماعندي اخوات والدي متوفي من اني وصغيره اروي الكم عذابي عذاب الروح
