الخاتونه 👸🏼
قصة عذاب الروح الحلقة 14
سلام فوك راسي وعيونه
بكصته.
اغسل اغسل والشمس ادك عل راسي والله العضيم كرهت روحي هاي اول يوم هيج شلون بلجايات سمعت صوت خطوات لتفتت ومااشوف ال سلام فوك راسي وعيونه بكصته باوعت عليه ورجعت اغسل
هاااي شدسوين
مجاوبت خنكتني العبره
مو احجي ويااااج
شداسوي مثل مدتشوف امك حكمتي اغسلهم
ستغفرااااااالله هاي امي بدت بسوالفه والله لكلب الدنيه
مشى بهمه كمت لحكته لزمته من ايده
سلام الله عليك اسكت اذا تعزني تسكت
هدددديني لتخليني افقد اعصابي عليج وااااخري اني وامي اريد اشوف وين تريد توصل
سلام عليك القرآن بغلاتي عندك تسكت اليوم اول يوم الي بيتكم ماريد توكف بوجهه امك من ورايه وتصير مشكله واصير اني السبب
هد ايدي حيل ومشى وصل باب المطبخ بعد ماكدرت كلت راح تعلك من ورايه خصوصن من شفت سلام شلون يرجف من العصاب وهاي اول مره اشوف أعصابه صرت كدامه خليت ايدي عل باب ودموعي نزلووو
سلام موحلفتك ليش هيج تسوي ليش تخليهم يكولون اول يوم سوت مشكله
غمض عينه حيل وقبض ايده سحبني لحضنه
كافي لاتبجين كافي اني بعدين اعرف شتصرف
مشاني للغرفه دخلنه وسد الباب اني امسح بدموعي الله ذب عليه البجي وطلعت قهرت البارحه مال الخوفه وقهراليوم كلهن التمن هوه لزم الفون دك عل ام رقيه
هاااا أحلام شلونج سمعيني امج من اليوم بدت ادري بيه مراح تفك من بنت الناس تجين تحجين وياهه لابلقران تطلعني من طوري واهج وبعد متشوف وجهي
مدري شكلتله اني ماسمعهه جاوبه
ااااااحلام لاتكفريني لج من الصبح جفتت علينه للغرفه وهسه بس طلعت شويه اجيت لكيته مكومه عليه مواعين العرس بربج يعني البارحه البيت مليان نسوان مكدرتت تغسلنهن اكو عروس تغسل مواعين عرسه تره مصايره بكل الدنيه ااااااااحلام اااااااحلام اسمعيني ااااااااسمعي خلللل ااااااحجي اووووووديله يله تعاي
سده وشمر الفون عل ميز حيل وممدد وايده عل عيونه اني طلعت دشداشه لن الابسته كله مي وندمرت من الغسل طلعت البيت صنته هاي وينهم مادري علكت ملابسي بلحمام ورحت كملت البقن عل سريع ولملمت الهوسه ورجعت سبحت وطلعت لاكتني هديل عيونه مورمه مال نوم لابسه تشيرت لازك عليه وبرموده وشعره منثور تلاكينه بلباب صرت عل صفحه كالت صباح الخير وفاتت للحمام حتى مسمعتني من جاوبته هوه ياصباح دنيا الضهر رحت لغرفتي سلام عل نومته بس عرفته كاعد لن يهز برجليه بتوتر عفته جففت شعري ومشطته رطبت اديه ووجهي طفيت الضوه وممدت بصفه محجيت وياه ولا هوه حجه بديت اغفي وصدك نمت ما كعدت إل ندكت الباب كمت شغلت الضوه فتحت الباب طلعت ام رقيه سلمت ودخلت سد يت الباب كعدت عل جربايه واني بصفه سلام كعد لحيليه سلمت عليه باوعت عليه كالت
هباوي حبيبه عذرينه عل سوايت امي وامسحيه بوجهي والله العضيم فشلانه منج اني البارحه جنت حيل تعبانه وسلام شاف العرس كله براسي آخر شي تعبت عفت كلشي ورحت البيتي شمدريني حتى الموعين مغاسليهن والله مادري شكولج امي خلتني ماعرف حتى ابرر سوايته وعلى مالي عين احطه بعينج
عل بختج ام رقيه انسي يمعوده عادي تصير ولايكون بالج
لا والله ميصير واحد ليش يعرفه ويحرفه امي عالت عليج بصباحيتج بس شنكول الله يهديه
لتفتت عل سلام جان مدنك والجكاره بيده كالته انت هديدت بيه وتعاي جاجيه وتعاي هيه امي تعترف بااحد صار ساعه احجي وياه دكولي اذا جايه خطار هلا بيج وإذا جايه محاميه عليهم رجعي لبيتج اكو ام دكول لبنته الجبيره هيج
لعد شداكولج امج بعد راح تشد لويجي الحمزه بعد متعوفنه بحالنه
سلام فدوه اروحلك امي من تعصب وتعارك وداعتك تزيد تعالو وياه بلسياسه وهباوي حبابه بسلوبه الحلو تخلي امي تلين هسه انت ليش تثوله موثنينه نعرف شسوت يا عيني
باوعت عليه وعليه من كالت آخر كلمه وكامت كالت اني موجوده اليوم هنا اطلعي وخلي كلشي طبيعي وتحملي لخاطر سلام
دنكت وهيه طلعت
هبه
باوعت عليه تقرب حيل لزم ايدي شبكه بديه
شوفي هبه راح احجيلج كولشي حتى تكونين بصوره اكيد انتي حايره ددكولين ليش عمتي هيج دسوي وياي شوفي اني اول مشفتج اجيت عدل وكبل كلت الامي كلتلي ال اني اشوفه كتله وهاي اهم شي فمن راحت وشافتج من اجتي رفضت رفض قاطع ردت بس سبب كالت ماكو اي سبب بس اني هاي الابنيه ماريده بينما ام رقيه جانت طايره كالت بنيه تخبل وين صدته يابه لعد امي شبيهه كالت متعرف امي تتخبل من الغريبه وتريد بنات أخوه وبنات أخته حتى الخير ميروح للغير بعدين شافت حالتهم قفلت عفته يوم يومين تلاثه رجعت حاجيته نفس موقفه متغير هنا اني القفلت كلت لوهيه لوماريد عاركت صيحت كلبت البيت ردته تجي وياي كالت معليه بيك تريده اني مراضيه روح تزوجه كلت اي اتزوجه واخلي امي كدام الأمر الواقع وهيه ترضه بمرور الوكت جبت ام رقيه واجيت شفتج وصارت القسمه لو شدت وياي سودت عليه الدنيه أصبح عركه وبليل عركه الولد حجو وياه ابوقتيبه عجز ميفيد آخر شي كلي توكل هيه هاي ام وهذا طبعه موكدام مرتي صار شكم سنه مطابه البيت من وراه
أنت تقرأ
عذاب الروح
De Todoبغداد تحديدا الشعب اني هبه من مواليده 87اعيش مع عائلتي الى هيه متكونه من امي واخواني اثنين عصام وحذام ماعندي اخوات والدي متوفي من اني وصغيره اروي الكم عذابي عذاب الروح
