الخاتونه 👸🏼
قصة عذاب الروح الحلقة 17
بس العياط
والمراكض.
كام سلام واني وره فتح الباب شفت بارق وخلدون يركضون عل درج صعدو عل بيت مهند وسلام هم وارهم عمتي واكفه عل درج وهديل تريد تصعد متخليه دكوله طبهه مرض خل يموته اذا صعتي رجلج اكسره اني باب غرفتي واكفه وعمتي دفعت هديل للهول ماشوف ال سلام نزل شافني كباله صاح
تعاي
اني
اي دصعدي عل سريع
صعدت بسرعه
تعاي ايناس متعاركه هيه ومهند وصايره لخه صحتج دشداشته راعطته وحتى منكدر نفازعهم امشي استريه
دخلنا يمكن ستقبال هيج شفت مريه تلاثينيه كاعده بلكاع والشعر مكفوش والشفه تجري دم والدشداشه مشكوكه لحد الصدر بطول مهند تلاثتهم لازمي وهوه ولا عبالك العركه عل شنو مادري والبنيه ماعرفه هاي اول شوفتي اله بس منضرهه قهرني شفت ثنين بنات بعمر 11و10سنين ولد ثنين اصغر مدري اكبر منهن مادري واكفين عل صفحه البنات يبجن والولد مجتفين اديهم واكفين بس الخوف مسيطر عليهم تقدمت عليه صرت كباله لزمت الدشداشه بيدي قفلتهه وندرت للبنات كتلهم جيبو شال هيه عبالك فاصله ولاكنو أحد كباله الدموع عشره عشره وتصيح
هددددددووو ليش لازمي هددددو خل يموتني خل يذذذذذذبحني اصلن هوه ذبحني بهاي سوااايته
وهوه يرده
وخررررر مني اااااانعل اهلج اليوم صوتج بنت ااااااالقنددددددره ووووخرر سسسسسلام خرررررب هددددني بارق
صوته صفر اذني وهيه هم متسكت
والله مابقة والله لعوفلك البيت وحتى جهالك اني اااعرف شلون اخلي اهلي يتصرفون وياك الله لايوفقك
اااااانعل ابوج لابووووو حتى اااااااهلج لكم نعلله صفحتكم شششششششكو لازميني
اخلي الشال يوكع ومهديت الدشداشه من كدام وهيه مثل الطير المذبوح مدري شلون نزلو والله اباوع عليهم عبالك شالو عزززززه بعينه شكد قوي كل هذا ومادري العركه عل شنو هوه نزل وهيه بعدهه عل حاله هديت ايدي منها كعدت كباله كامت ادك عل رجليه خطيه بناته حاوطنه المنضر يكطع الكلب متحملت سألته
اني ماعرفج بس اكيد انتي ام قتيبه اني مرت سلام فدوه لعينج بس هدي نفسج خطيه بناتج شوفي حالهم والله كلشي اله حل بس بتفاهم
تهز براسه ودك عل رجليه كالت ماله حل بعد حرك كلبي متزوج عليه هاي بدال ميزوج قتيبه يتزوج هوه ليشششش اني شناقصني لامته ولامه بيته ولده عشرين سنه كاعده بهذا المهجوم منغير السنين العشتهن يم امه راوتني نجوم الضهر هاي تاااالي صبري يحط عل راااااسي مره
ضليت باهته ومصدومه ابوقتيبه متزوج عليه متوقعته منه يعني هوه صدك موجبير بس لاشاب ولامراهق صحيح مداري نفسه بكشخته بس اكيد هذا من الخير مو يكولون الخير يخير بس مومال يتزوج شكله رزن وماعنده خرابيط وكلامه صحيح هوه ابنه قتيبه مستحق زواج مو يتزوج هوه مادري شجاوبه وشلون أهديه حقه بلتسوي وأكثر هاي عشرت عمر ياحقيره قبلت بواحد متزوج وعنده هيج عائله فعلن هدمتهم
ام قتيبه أخاف متوهمه
لالا ابد ماحجيت ال تاكدت
تحجي وتمسح بدموعهه ولمت بناته لحضنه
اني صار فتره مراقبته يبات هواي بره البيت يكولي شغل ومن ا خابره اسمع صوت هوسه وتلفزيون حتى اني مبتعد مني وميدري بولده عبالك مسطور من يجي فونه ميسكت ومن اجي يمه يسده كم مره دك نص اليل وعافنه وطلع حتى اكل مياكل بلبيت ياشغل هذا الياخذ الرجال من اهله هلكد بديت اراقب فونه واخذت أكثر رقم يدك عليه مسجله رموز كم مره دكيت مجاوبو لحد ماليوم دكيت وطلعتلي بنيه كتله عبالي وحده يضحك عليه كتله اني مرته عوفي تره ميفيدج متزوج وعدنه كومه ولد وبنات دكلي واني هم زوجته وعنده جهال مني يعني متزوج الله اليعلم صار اشكد واني ياغافلين الكم الله غركانه بلبيت والحهال حايره شلون ادرسهم اشلون اربيهم واوصلهم مبالي هوه حتى من مبتعد عني اكول اوووو كبرنه عل هاي السوالف اثاري الرجال مكتفي واني مهامته
عل كلامهه ودموعهه دموعي جرن صدك قهرتني كومته للحمام غسلت وجهه وصحت لبنته كتله جيبي دشداشه الماما ركضت جابته نطتهياء وطلعت رحت يم البنات اخذتهم بيدي حبايبي شنو اسماكم
اني جمانه
واني زهراء
فدوه للبنات وانتو ياولد
اني مصطفى
واني محمد
فدوه الله يحفضكم
طلعت هيه خطيه صدك عبالك مكسوره تعدل بشعره باوعت عليه بتسمت بتعب كعدت يمي كالت
اعذريني موخوش وكت تعرفنه عل بعض بس شنسوي بعد صارت
فتحتلي اديه بوستني كالت
والله العضيم حيل اعز سلام وتمنيت أحضر عرسه بس من وره عمتي حالفه مانزل جوه فدوه لله غير تخبلين صدك عرف يختار
اشكرج انتي الاحسن
جرت حسره بقهر كالت تره جنت فاصله مادري بروحي حتى من شاكه ثوبي شكد عيب من الولد اني من اعصب افقد
شتسوين قابل متعمده واني علمود هل شي صاحلي سلام
الله يحفضه الج سلام ذهب وبارق وخلدون هم بس رجلي مدري شخبله ثالي وكت بس يصبح الصبح دقيقه مابقى
دنحجي ودخل سلام سحبت الشال خلته عل راسه
هاااا خيتي ايناس شلونج
هلووو عيني سلام هلا بيك
خطيه حجته وكامت تبجي
أنت تقرأ
عذاب الروح
Diversosبغداد تحديدا الشعب اني هبه من مواليده 87اعيش مع عائلتي الى هيه متكونه من امي واخواني اثنين عصام وحذام ماعندي اخوات والدي متوفي من اني وصغيره اروي الكم عذابي عذاب الروح
