عذاب الروح

عذاب الروح بارت 60

الخاتونه 👸🏼

قصة عذاب الروح الحلقة 60

امك امك امك منو دمر حياتي غير امك منو زوجك وطيح حضي غير امك مان عليه بهاي الكعده الجني اسيره بس اكل واشرب وأنام وحضرتك تجي بليل تنام يمي وبعدين تنزل يم مرتك جوه اني شنوووو بنضرك اني شنووو فهمني

غصبن ماعليج وتنفذين الكلته واجي يوميه هنا اكل واشرب هذا بيتي وحتى انام وياج يعجبج يعجبج ميعجبج انكشري لهلج وانعل ابوج لأبو حتى النسوان دمرتن حياتي من انتي ال امي ال بنت خالتي

ضرب الباب برجله وبصق عليه ونزل

لزمت نفسي ملختهه والجهال يباعولي مرعوبين اجزم اجزم امه ساحرته شلون بيه شسوي ارجع خدامه لو اعوف كولشي واهج زين وجهالي شلون شلون بيه راح اتخبل يوسف ونور يفرون براسهم ويصيحون ماما واحسهم يردون يكلولي شبيج بس ميعرفون ينطقون لميتهم وضليت ابجي ال ان تعبت وماعرف شلون راح اتصرف كمت افتر بلبيت واباوع عل كل زاويه وعل كل حاجه واباوع عل جهالي واكول شلون اعوفهم واعوف كولشي اذا سويت هيج وهيه هذا مرادهه عمتي دخت وحرت وماكدامي غير ايناس خابرتهه سولفتلها بما أنزلت كالت العصر اني ومهند يمج وبعدني مابردت وهم خابرت امي وهنا تفجرت بلبجي وحجيتله كولشي وصدمنتي وهيه دكلي

يمه انتي عايله لازم من البدايه ترجعي الج ليش خليتي يتكد من كلشي دكوله امه اله صحيح

يمه وكرامتي وعزت نفسي يعني يتزوج عليه ولازم أخذه بلاحضان

اي لعد شتسوين الفاس وكع برأس وماكو كرامه بين المره والرجال وانتو بينكم جهال لخاطر جهالج اتحملي

وارجع خدامه

لعد ترجعين يم اساور وعصام وضيمهم ويأخذون جهالج دتموتين من صدك يمه الشغل ميموت أحد وهوه شكو غير الكنسه والمسحه بيتهم قابل عدهم جهال وتركضين وراهم وتنضفين انزل مره باليوم انضف واكسر عينهه وهم ماكسر كلام رجلي

يمه موعدهه بنيه اني شنو ذنبي

ذنبج انتي جنه عد عمه مترحم ومتخاف الله ومارايده غير تهجم بيتج ومهامهه لاشغل ولا كلشي هاي جنيتهه صارت بيج وبنته هاي شي ثاني بنضرهه هيه الاميره وانتي لازم تخدميهه اصبري يمه اصبري الج حوبه وكولي كالت امي اللهم لاتجعلنا من الشامتين بذاك اليوم

سديته واني ادكطع وعندي امل ايناس ومهند يسوولي حل واتذكر مهند دكلي صدره وكلي اني اخوج وبقيت انتضر وكاعده واحمس بكلبي وللعصر وللمغرب ومابينو ومن خابرت ايناس خيبت ضني وهيه دكولي

مهند يكولي ماادخل واتقارش ويه امي علمود سوالف نسوان وشغل بعدين رجلهه امرهه وهوه موجود اني ليش ادخل اني رجال كاعد بيتي ماريد مشاكل ويه اهلي

وضلت تتعذر وتصبر بيه نهيته وياه بسلام بارد وسديته خلص اني ستسلمت ال سلام وامه وارح اعيش خدامه مثل مكلي وكل هذا الخاطر جهالي حتى ميتبهذلون ويتربون بدون اب خضعت للامر الواقع وغصبن ماعليه وكلهه دكولي انتي عايله لازم تكسبي كل هذا لن زعلت عليه لن تزوج عليه لازم مازعل ولاانقهر يرودني الزمه بيدي وداخله عل مرته هيج راح يحبوني ومن يومهه بدت المعانه الحقيقه كمت يوميه انزل الصبح اشتغلي كم شغله ويكعدون جهالي ارجع اصعد يمهم دكب عمتي تضل تخرط مااجاوبهه لحد الضهر انزل الكاهه مكومه كل الشغل منتضرتني شكو ملابس شكو مواعين شكو مسح حاكمة هديل متدخل بي ولازم اني اشتغله هذا الشي عرفته من هديل من نزلت مره جلبت بيده وضلت تتوسل ونعتذر ودكلي امي ماكدرهه حتى هددتني بلدراسه تحرمني منه اذا اذا تدخلت جاوبته موصوج امج صوج رجلي الي راضيلي بهذا الذل مرت سلام ماكو يم اهلهه من حتركت بعد مرجعت وهوه نفذ كل كلمه كلياه كمت ماشوفه يمكن ديروح يمهه من يرجع من الدوام ونص اليل يجي يمي يريد حاجته وإذا منطيتهاء يكلب الدنيه وصلت بي الدرجه كام يضربني ويجبرني عليه وبعد ميكمل يشمرني عل صفحه وينزل جوه كرهته وكرهت نفسي وكرهت حتى جسمي سلام نكلب عليه بيوم وليله وبعد ماكدر ارجعه سلام القديم واليوم قررت احجي وياه وهوه بلعاده يجي نص اليل بقيت كاعده ومنتضرته ال ان اجه تفاجاء من شاف الضوه مفتوح واني كاعده اول ماطب باوعلي ودار وجهه واني العبره خانكتني طفه الضوه همست