عذاب الروح

عذاب الروح بارت 30

الخاتونه 👸🏼

قصة عذاب الروح الحلقة 30

تعرفين امي مطيقه ليش تهيجيه هاا هسه منو يعيل
اني ماعيل عل امك وانت تعرفه كلش زين بس جانت مموجوده من صعد
حجيته وطلعت نرفزني انوب يعيلني وهوه يعرف امه شنو وبنفسه حجالي شمسويه بيناس رحت سويتله الغدا وجبته تغدا وطلع غسل واني شلت الاكل وغسلت المواعين حتى متغديت راح تجلطني هاي العائله والله رجعت مددت وصديت عل صفحه الثانيه صار ورايه وحضني

سلام عوفني دانام

هبه شبيج البارحه عفتج وقبله جنتي يم اهلج وهسه عوفني

اي عوفني

ليش

اني حامل وتعبانه

هااا بدينه بهاي السوالف موكلنه منريد جهال ودخه رأس

اي بدينه ومنا وهيج لاتوصل يمي اني مره حامل واخاف عل طفلي

دفع جتفي بيده ونارد عل صفحه الثانيه ونام بقيت اتصرف هيج وياه يومين مااحجي وياه عل كد السوال والجواب بليوم الثالث بليل ماتحمل كام يصيح

انتي شنو شايفه نفسج والله العضيم من تطبك عندي ماباوع بوجهج

ليش دتصيح عل شنو هذا كوله عل هل نومه كتلت نفسك تعال

كمت بدون وعي نزعت الدشداشه وشمرته حيل

يله هذا التريده مووو اني ماهمك زعلت نغثيت تعبت اهم شي نفسك خلص التريده راح انطيكياه اشوف تاليتك

بكل صلافه وعين وكحه ولاهمه دموعي المغرغره بعيني ولافكر يصالحني ويهديني ويبينلي هوه مرايدني كجسم مرايدني كرغبه بلحضه نومني وصار فوكايه وتقربلي جان بودعي اكطعه وهوه مامهتم لحد ما ريح نفسه وبتعد كمت بسرعه للحمام اغسل ودموعي تجري كرهت نفسي وكرهت حتى جسمي ليريد بس يمتلكه حتى هوه روحي جزت منه أكثر من ساعه اني بلحمام اريد اهدى ماكو كوه ال كدرت اهدى وطلعت جان نايم ولا عبالك وخلصه يوميه أصبح بدوام والضهر ينام وبليل بلكهوه أسبوع عل هل حال روحي طكت اريد اعرف راسي من رجليه ليش هوه ساكت واني ساكته اليوم اكعد اتفاهم وياه نتضرته لحد مااجه جنت كاعده وهوه دخل باوع عليه كام يبدل ويحجي

هااا اشو كاعده اليوم

منتضرتك

شعجب يوميه لابسه الجينكو عليه

اريد احجي وياك

اجه كعد بصفي

كولي

سلام ليون تريد توصل صار سبوع مبتعدين عن بعض عاجبك هذا الحال

كولي النفسج

وليش انت متشوف نفسك شمسوي

شمسوي رجال ماريد جهال لن الوكتت ومو مناسب وكعدنه وحجينه بس انتي متقتنعين عفتج يومين انوب زتي تعال لتوصل يمي وهم كلت ميخالف بس طككتيني ومن جبرتي نفسج عليه وشفت نفسي محتاجج وانتي ستهزتي بيه سويت السويته وكلت من ترتاح احجي وياه كم اجي من دوام تبقين بره لحد ماانام وبليل ارجع الكاج نايمه شنو معناه اكيد دتتهربين مني

وتالي

عوفي كولشي اني غلطت بنضرج هاهيه هذا الوكت كله مابرد كلبج هسه حامل ماحجيت شي الحمد الله والله كريم الله يهديج عليه ويهدي امي عمي رايده شي بعد وهذا راسج ابوسه

سكتت ماحجايته كلت بعد اني عرفت سلام الحقيقي مادري ليش البذره لزرعته بكلبي اله عبالك ذبلت كمت اشوف نفسي كدامه رغبه وبس الايام البعده رحت للدكتوره كالت حملج تمام والطفل صحته تمام بس اني مادري شجاني صارت صحتي بلنازل وخلكي ضيك وماتحمل كلشي النساوه بدت عندي تعبتني بشكل واني اتعب بلبيت وسلام يريد راحته واني حتى هوه ماتحمله اذا اشم بي ريحت الجكاير لو النركيله روحي تنسحن وهوه كام يضوج وكل حجايه والثانيه كال موكتلج ماريد اطفال ودكب بينه صار ميتحمل الكلمه وعمتي معافتني توكف فوك راسي سوي هيج وسوي هيج ولا عبالك اني حامل وهديل ماعرف شبيه هل ايام بس تصفن عليه وعيونه دكول اكو كلام تريد دكوله بس متردره حتى كم مره شفته تلعب بفوني هيه نهائي متدخل غرفتي وشفته بغرفتي من شافتني طلعت بسرعه واليوم نمنه من الضهر لحد المغرب واني اول مره انام هلكد كعدت عل صوت الأذان يجي من شباك غرفتي الصوت قشعر جسمي كعدت لحيلي لتفتت سلام بصفي نايم جفي هستوني دا كوم وماسمع

بس

العياط

هز

البيت

هز