الخاتونه 👸🏼
قصة عذاب الروح الحلقة 6
هلا خيتي هلا بيج يابه ألف مبروك شايفين الخير
اشكرك
اني ابو قتيبه ان شالله اخوج الجبير واني بعد صرتي بنيتنه ان شالله منقصر منج تطلعين من بيت اهلج تدخلين بيت اهلج الثاني
رحمه الله والديك
وذولي هم اخوتج بارق وخلدون
عل راسي
سالم راسج ابو محمد شدكول نطلع حتى يباركله اخونه هم خطيه
كلهم ضحكو وطلعو بعد ما اخونه هم باركولنه يمممه بقينه اني وياه حيل ستحيت انوب واكف قريب عليه
اااحمم ااا مبروك
اشكرج الله يبارك بيك
كعدني شنو نبقى واكفين
كعدت وهوه بصفي بينه شبر كلبي يدك سريع عبالك حتى هوه يسمعى مدري اني هيج احس
رفعي راسج خل اشوفج
رفعته ونزلته بسرعه
شبيج رفعي راسج ليش هل خجل شو بس باوعيلي
رفعت راسي وعيني بعينه
اي اي هيج اريد اشوف هذا الوجه الخلاني ارجع للبيت مصطور بيوم الاجيت عل عصام
ضحكت
انوب تضحك اويلي اويلي شيصبرني للعرس
ياعرس بعدنه تونه عقدنه
اي واني ماطوله اقل الشهر وانتي يمي
خجلت وعركت اريد اختفي من كدامه نقذني ابو قتيبه من صاح يله يابه شنو جلبت الزلم بره كام وكف كال
راح اروح باجر ادزلج ام رقيه شوفي شتحتاجين هيه وياج وعقد محكمه ماكو هوه هذا عقد مال سيد واخويه بارق هوه محامي راح يصدقه والحاضر والغايب خليتلج عل لسان اخوج عصام اني جيج غير يوم
كل هذا واني مدنكه بس اهز راسي اي طلع كال ثيملاء كتله الله وياك طلعت ركض صارو الجهال واساور بوجهي يصيحون عمه عروسه عمه عروسه واساور تكفخ بيهم واني اكولهم اصبرو عمه بعدهم بلباب لحد مادخلو عصام وحذام كالو راحو امي جابت الجكليت وتطش وتهلهل كالت مكدت من جانو هنا عيب هسه يكولون مصدكو المفروض يجيبون وياهم مره بس تسوي هاي السوالف بس ميخالف اني امج خوما اضيع عليج هاي الفرحه بدون جكليت وهلاهل حضنته وبوسته وحذا عقله وعقل جهال عصام يلم بلجكليت وهمه يردو عصام باركلي من بعيد بس اني تقدمت بوسته باس راسي اول مره بحياته عيني دمعت عل هل لقطه حذام الحكاية لامه بتشيرته رجع طشه عليه وحضني ويسوي راح نزوجح ونخلص منج دفنت راسي بصده خطيه بوسني وطلع رحت للغرفه بدلت ملابسي وبالي شكل سلام وكلامه ياربي كمله عل خير خوالي وعمامي اصلن مدخلو من طلعو الزلم طلعو وياهم وكلمن البيته بليل حذام كعد سولفنه كولشي دار بلكعده كال فد ناس محترمين خصوصا اخوهم الجبير رغم جايين عمامهم وخوالهم بس هوه اليحجي والغايب والحاضر نهائي مناقشو عليه بس عصام كال عشره بعشره كالو تم امي تدعي الله يسهله ويوفقني ويسعدني واني اردد اميين لثاني يوم اجتي ام رقيه باركتلي وتعذرت لن مجني كالت ابو قتيبه ماقبل كال نروح بس زلم جاوبته عادي ضلت تسلني شتردين وشتحتاجين اساور متسكت كالته
غير احنا نجهز
عيوني إم محمد احنا نجهز هاي طببعتنه اذا هباوي ماعده مانع
لا ام رقيه بكيفكم
فدوه لعينج انياله الاخويه من اول ماشفتج عرفتج عينج مليانه
اشكرج ام رقيه
اي بس لازم دكليلي شتحتاجين
شتجيبين اني قابله
ان شالله ماقصر بلنسبه للمهر انتي وسلام اني كتله كال ماله داعي لن العرس قريب اذا تردين هوه باجر يجي واحجي وياه
تمام ان شالله
سلمت وراحت وصرت صدك انتضر باجر وانتضر شوفته بحيث اجوي الطلاب مكدرت ادرسهم صرفتهم بيومه اليل كوله افكر باجر شالبس من يجي اسور حجت وياي علمود المهر شلون متسوين وسوي خل العالم يشوفوهم ويشوفون انتي شماخذه امي كالت معليج منه شيكولج رجلج سوي عفته وكمت لفيت راسي ونمت كعدت من الصبح نشيطه نضفت البيت ولهيت نفسي ضيت اسوي ماسكات الوجهي وشسورت شعري وافتر بلبيت لحد العصر كالو اجه بلبدايه كعدو يمه حذام وعصام وبعدين صاحولي دخلت سلمت سلم عادي ورجع يسولف ويه عصام واني كاعده عل صفحه عاد ترخصو الولد وطلعو وهوه كال
شلونج
الحمدالله
تعالي يمي ليش بعيده
لااهنا مرتاحه
دتعاي يا عيني داحاجيج
تقربت بس موكولش
اشو ام رقيه دكول كولشي مطلبت ليش
اي صحيح
ليش يعني ماكو بالج شي معين
لا عادي بس اكو شغله
شنو
المهر يعني شنو مااسوي
والله اني اشوف ماكو داعي لن كله كم يوم ويصير العرس
ليش مستعجل
ليش عندج شي
لا بس خلينه فتره ناخذ عل بعض
شكد يعني
مادري بس خلينه
اوكي تمام
ندار علاكه بصفه شاله خلاهه كدامي
شنو هاي
جبتلج فون
ليش كلفت نفسك عندي فون
ميخالف هذا هديه مني وبي شريحه جديده خليه خاصه بينه
ان شالله أشكرك
ادللي راح اروح عود خابريني بليل
ان شالله
كام وكف واني هم كمت تقرب حيل صرنه واحد كبال الثاني بأس راسي وطلع يبوووو جسمي كله نمل كال ثيملاء حتى مجاوبته من الخجل رحت للغرفه واني فاصله بلسواه العلاكه بيدي واساور ترطن ورايه هاي شنو وشجايبلج وخل اشوف سحبت العلاكه مني فتحته واني صافنه عل ورايه نزعت الشال خليت شعري واباوع الروحي حتى شتحجي اساور مركزت ال دقتني بجتفي
هاي شبيج
اني شبيه لوانتي اشو طلعتي رايحه بغير عالم يولي شسوالج وطير عقلج
انجبي شسوالي قابل
والله مادري يعني بوسه لزمه
عززززه اساور تخبلتي
اي لعد شبيج مدكللي
أنت تقرأ
عذاب الروح
Acakبغداد تحديدا الشعب اني هبه من مواليده 87اعيش مع عائلتي الى هيه متكونه من امي واخواني اثنين عصام وحذام ماعندي اخوات والدي متوفي من اني وصغيره اروي الكم عذابي عذاب الروح
