الخاتونه 👸🏼
قصة عذاب الروح الحلقة 36
هااا
هبه
شكووو
بقيت متصنمه بمكاني وحرت شكله وشطلع حجه صارت كدامي الشاحنه كتله
هااا اريد شاحنه
شعجب موعدكم بغرفتكم
اي عدنه بس مدري شجاهه مدتشحن عل فوني
عادي اخذيه
ملصت الشاحنه وطلعت دخلت الغرفتي همزين سلام نايم هبه شسويتي تخبلتي هيج دخلين عليه همزين تحججت بشاحنه جان شنو عذري اووووف هاي شلون سالفه طلعتلي والله راح اتخبل بس اني هم حقي حذام ميعرفهم شنو وبسلاء يريد يربط نفسه وياهم اووووو انام احسن وباجر لازم اروح الأهلي واكعد ويه حذام واحاجي وجه لوجه شمرت الشاحنه ونمت الثاني يوم مر اليوم عادي وسلام بدوام للضهر ولحد وكت جيته جنت بلمطبخ سمعت صور هورن سيارته طلعت جان نازل يفتح الباب بعدين دخل السياره تمشيت ل يمه نزل بيده علاكه نطانياه
الله يساعدك
ويساعدج هاج هذا الكيوي
يااااي يعني مناسي عبالي البارحه غلست
كرص خشمي خفيف كال
يولي البارحه دورته ا هنا ملكيته ال بلسوك وهسه جبته من سوك
فديتك حبيبي
بهذا الحجي جنه نمشي وصلنا غرفتنه طلعت عمتي من غرفته هوه سلم عليه وهيه عينه عل علاكه دخلنا خليته عل ميز دانزعه جواريبه وشتغلت عمتي
كبر طم الفكوره حتى ابني علمته يجيب العلاكه يدخله بلغرفه عبالك ميتين عل التجيبه لاخلفه عليك خلي البنت الفكر وووووووووو
كومه حجت رفعت راسي شفته يهز برأسه كال
يمعوده طلعي العلاكه شوفي اله واخذي منه والباقي خلي بثلاجتهم تره اليوم منخلص واني تعبان
صار
وصدك طلعتا وصلت المطبخ شافتني مهتميتلهه طلعت حافضه فرغته وهيه تباوع وداخلي بثلاجه جان تصيح
تعاي تعاي ممنوع تخلي بثلاجه مدام اول شي دخل غرفتج ميدخل الثلاجه هاي وره ماحجيت يالله والله فلا تخلي
عمه بس افهميني اني شتهيته علمود الواحام وجابه والله ولاقصدي ادخله غرفتي بس ضليت امشي وياه سلام من اجه ودخلته الغرفه
تتنسين بزهرمان ان شالله امشي حياله عبالج مادري ينكل علاليك لثلاجتج يوميه بليل ويرجع ليوره
عمه صدك تحجين هاي حلويات ونساتل تردين اجيبلج منهم عادي ماعندي مانع والله بعد كل مايجيب اطلعلج منهم
اني كلت هيج لوتخبلت
حقيررره تستهزين بيه شنوووو اني جاهله وتنطيني حلويات بنت الفكوره اجيتي بيتنه كمتي تاكلين المماكلته بعمرج
طلع سلام
يمه شكو شبيج
كلشي ماكو انت اخر من يسل امشي مخليه تتحكم بيك
سسستغفرالله يعني شتهت حاجه وجبته صارت تتحكم بيه ااااااخ الله اني مااخلص يوميه مشكله اشو تعاي جيبي عل شنو هاي الهوسه عل هذا
تله حيل من ايده لطخ الحافضه حيل تطشر بكل المطبخ هيه خنست واني دنكت عافنه وراح للحمام واني الغرفتي كعدت وايدي عل راسي مستحيل هاي المره صاحيه مستحيل والله العضيم لو جبيره بلعمر كلش جان كلت مخرفه يربي شلون بيه شسوي وليون اتحمله حقه سلام من يكول اني طبيعي ومن المشاكل هيج دتصير تصرفاتي يعني جاي من الضيم والحر والتعب يشوف هيج كدامه شيصير بعقله والله الرجال راح يتخبل من ورانه
دخل سابح وينشف بشعره كال بنتر
كومي صبي سم خل اتسمم وانام بلكت ماكعد من وراج وراه امي
ختنكت والعبره محصوره بحنجرتي بسرعه طلعت قبل ماابجي وتصير سالفه ثانيه رحت حميت الاكل وهديل يمكن لامه لتطشر لن شفته بلمطبخ والله حتى الكيوي كرهته ونفسي بعد ماتريده لومومتوحمه عليه اصلن أنفس كملت الغدا ووديته تغدا بدون كلام الغرفه صنته بس صوت طكت الخاشوكه بلماعون وهوه مندك يأكل واني عل جربايه نتر كمزت
كومي شغلي التلفزيون
كمت شغلته وخليت الريموت يمه لاداره والااصلن باوع عليه يمكن لن شاف هدوه واني صافنه هيج كال ضلت عيني عل تلفزيون والله مادري شطالع ولامركزه بس هيج كاعده لحد مكمل كام غسل واني شلت الصينيه كال
ماريد جاي راح انام
تمام
عفته وطلعت غسلته ورجعت طفيت الضوه والتلفزيون وممددت يمه صد عل صفحه الثانيه عرفته ضايج حقه هوه كلب لو شنو شيتحمل حتى يتحمل شويه ونفسى انتضم يعني نام اني هم نمت للعصر كعدت لكيته عل نومته صرت بصفه ودخلت ايدي حيل جوه ايده صارت يم صدره فركته عل كيف شد عل ايدي حيل ديحسسني كعد ندار عليه خله راسي عل ايده باوع بعيوني
شفتي شصار من وره الكيوي مالج
دنكت
رفع راسي بيده ميخالف حبيبتي اجيبلج غيره خيولي ذاك انفس
لالالاعفيه ماريد والله ممشتهيه
ههههه وشبيج هيج دكوليه
اي عفيه لاتجيب ماريد
عصرني بحضنه خلص انسي اني اجيبلج انتي معليج
اجوي بالي اهلي وسالفت حذام وشفته هيج مرتاح كتله
سلام اريد اروح اشوف اهلي
شوكت
اليوم
أنت تقرأ
عذاب الروح
De Todoبغداد تحديدا الشعب اني هبه من مواليده 87اعيش مع عائلتي الى هيه متكونه من امي واخواني اثنين عصام وحذام ماعندي اخوات والدي متوفي من اني وصغيره اروي الكم عذابي عذاب الروح
