الخاتونه 👸🏼
قصة عذاب الروح الحلقة 16
سمعيني زين هاي سوالف الهلاكه متعبر عليه ممنوع تمدين ايدج عل حاجه بدون علمي لتسوين روحج نادره براسي اني هنا الأمر والناهي من اكولج اني إل تسوين سمعتي لو أعيد
هزيت راسي ورحت الغرفتي اول مدخلت وسدست الباب خليت ايدي عل حلكي كتمت شهكتي وبجيت لحد ماتعبت سلام نايم ودست عل نفسي حتى ماريده يعرف بعدين طلعت غسلت هديل كاعده تتريك دارجع للغرفه صاحت عمتي
هاي وين ماصدكتي حجيت بسرعه لهزمتي للغرفه يله امشي طبخي الغدا
اخذت نفس ومشيت بدون مااحجي دخلت المطبخ طبخت الدجاج وهيه شمرت عليه التمن قايسته بس غسلته وطبخته هديل عافت الصينيه التريكت بيه وكامت واني غسلتهم اشتغل واكول بعد وبعد شراح تشوفين هبه اذن الضهر واني مكمله كولشي حتى الزلاطه اجتي وكفت جنت داغسل ايدي صاحت
انتي
مالتفت اعرف عليه بس ليش حتى بسمي متصيحني لعد شكد تكرهؤني
موياج
مجاوبت
شنو طرشه متسمعين
وياي
لاويه الحايط
عمه تره عندي اسم
وميعجبني اصيحج بي قبلت بيج بيتي وراح اعتبرج خدامه وبس وهسه خليت الملابس للحمام روحي اغسليهن
عافتني حتى قبل مااحجي كلمت خدامه طحنتني طحن وهم سكتت عجيب شكد داسكت وليون راح اسكت اصبري هبه اصبري بعدج باول الطريق اذا حجيتي كلمه زايده تصيرين انتي العايله رحت للحمام لكيت تل مال ملابس حتى ملابس هديل وياهن كله هذا بجفه ومن شفت ملابس الولد الداخليه بجفه شكد مستحقرتني لعد والله خجلت من نفسي من شفتهن وغصب ماعليه غسلتهم وجففتهن وشريتهم وهيه تفتر تروح وتجي تباوعلي بطرف عينه شكد جبيره بلعمر بس قويه مبينه مشايفه تعب خوما مثل المكروده امي تمشي لحد طرمه بيته رجليه دكوم تون واذا طلعت من البيت يبووو اليل متنامه من الوجع من كملت
دخلت للغرفه سلام توه كاعد كام حضني وباسني وسلني وين جنتي كتله بالبيت بستم برضه وبتعد شال منشفته وطلع خليت نفسي طبيعيه ومابنتله رتبت الغرفه وطلعت لكيت بارق وخلدون جاين وكاعدين عل ميز يمكن ينتضرون الاكل والمدام هديل دكلي يله صبي الولد جوعانين بديت اصب واخلي كدامهم وسلام اجه هم كعد وحتى عمتي أكلنا وبس خلدون يسولف عل دوام وعل وضع وسلام يناقشه بارق ساكت وعمتي تخزر حتى ماكلت زين عفتهم وكمت خليت الجاي وهمه واحد وره الثاني كامو غسلوو وراحو للهول وعمتي انطتني الاومر
الزلاطه ذبيه بعد مياكلوهه من تتاخر وباقي الاكل اعزلي بس النضيف والباقي ذبي واغسلي الموعين
انفذ وهيه تشرلي صبيت الجاي واخته خليته عل طبله بلهول خلدون كام انطاهم كلمن كوبه وسلام يراقب حركاتي رحت غسلت المواعين ونضفت المطبخ ورحت للغرفه مددت واجه سلام يحضن ويبوس واني بغير عالم بالي اليوم اشلون صدك سوتني خدامه صحيح هوه شغل عادي واني بيت اهلي اشتغل اكثر منه بس هنا بذل ومهانه سلام شافني جامده بتعد
شبيج حبيبتي
مابيه شي
لعد ليش مو عل بعضج
مابيه شي والله بس يمكن مشتاقه لأهلي وامي
خابريه حبيبتي ليش تبقين هيج ضايجه نطيني ادكلج عليهم
لالا راح انام خليه من اكعد
براحتج تعاي نامي عل ايدي
سحبني خلاني بحضنه ونمت ومر اليوم عادي حتى من كعدت مطلعت من الغرفه سلام جان طالع شويه واجه جايب حلويات وعصائر وكرزات مله الثلاجه لحد الساعه 11بليل جنه دنباوع فلم اني وياه وماسمعنه
بس العياط
والمراكض.
.
.
أنت تقرأ
عذاب الروح
Ngẫu nhiênبغداد تحديدا الشعب اني هبه من مواليده 87اعيش مع عائلتي الى هيه متكونه من امي واخواني اثنين عصام وحذام ماعندي اخوات والدي متوفي من اني وصغيره اروي الكم عذابي عذاب الروح
