في صباح جديد تستيقظ ريماس مبكراً فهي لم تعتد علي النوم هنا بعد لهذا لم تستطيع النوم كثيراً ثم اخذت تبحث عن ادم وسرعان ما تذكرت ما فعلته به وأنه الان نائم بالمرحاض فنهضت وتجهزت وخرجت من الغرفة سريعاً قبل أن يستيقظ ولكن بالطبع لم تنسي فعل شئ اخر فقد قامت بقص إحدى البدل التي لاحظت انه يحبها ثم هبطت الي الاسفل سريعاً...
وما هي الا دقائق وكان ادم يستيقظ هو ايضاً الذي كان جسده احمراً اثر حكه له طوال الليل استحم سريعاً وخرج من المرحاض فلم يجد ريماس وما إن لمس الوسادة والملاية التي كان ينام عليهم بالأمس حتي وجد ماده بيضاء بيده وشعر أنه يريد حكها فعلم علي الفور من فعل هذا...
ادم بابتسامه : ماشي يا مجنونتي بدأتي اللعب يظهر اني هتعب معاكي
ثم ذهب الي غرفة الملابس وما إن رأي ما فعلته بملابسه ايضاً حتي توعد لها برد تلك المقالب..
ـــــــــــــــــــــــــــــــــــــــ
في الاسفل..
ريماس بابتسامه : صباح الخير يا ابو حميد
محمد : صباح النور يا ريمو ..اومال ادم فين
ريماس : نايم
محمد بدهشه : غريبه ده بيصحي بدري
ريماس ببراه مصطنعة : مش عارفه انا لقيته نايم مصحتهوش
محمد : هو شويه ويقوم
مالك وهو يهبط : بقي معانا قمر في البيت
ريماس بزهو : عارفه عارفه
مالك بقرف : ابو اللي يعبرك
ريماس بخبث : طب احترم نفسك بدل ما اقول ل ابو حميد انك بتح....
مالك وهو يضع يده علي فمها : بس يخربيتك
ادم بغيظ : شيل ايدك يا حيوان ..صباح الخير
محمد : صباح النور ...كنتي هتقولي أي يا ريمو عمل أي الواد ده
مالك بارتباك : بتهزر يا حج ...صح يا ريمو
ريماس بهمس له سمعه ادم فهو سيجلس بجانبهم : شيكولاته وانا اوافق علي كلامك
مالك بهمس ايضاً : مستغله ..هجبلك يا زفته
ريماس ببراءه : ايوه يا ابو حميد كنت بهزر معاه بس
ــــــــــــــــــــــــــــــــــــــــ
اما في منزل اسيا ...
اسيا : صباح الجمال
محسن : صباح النور
اسيا : اومال ماما فين
مني : انا اهو كنت بحضر الفطار
اسيا : شوف الامهات القمر مش عارفة من غيرك كنت هاكل ازاي
محمد ببراءه : وانا يا اتيا دبتلك التتاب بتاعك ( وانا يا اسيا جبتلك الكتاب بتاعك )
اسيا وهي تقبله بقوه : حبيب قلبي ده
محسن : اسيا في عريس متقدملك
اسيا بدهشه : مين ده
محسن : اسمه عز بيقول كان في فرح صاحبتك اهو هيجي النهارده هتبقي تشوفيه
اسيا في نفسها : كنت ناقصه انا هطفشه ازاي ده
مني بتحذير : اسيا مش عايزه هبل هتعملي مقلب من اللي بتعمليهم هزعلك
اسيا وهي تدعي البراءة : انا ... شايف يا بابا بذمتك انا بعمل حاجه
محسن بضحك : لا خالص
اسيا : شوفتي ..يلا سلام
وتذهب سريعاً وهي تفكر كيف يمكنها الخلاص من ذلك العريس فليس لديها حيلة والدتها تعلم جميع افكارها وسوف تقف لها بالمرصاد كما يقال..
ــــــــــــــــــــــــــــــــــــــ
اما بالعوده الي منزل ادم بعد قليل من مشاكسة مالك وريماس وغيظ وغضب ادم الذي مازال لا يعرف السبب ولكنه يتجاهل الامر...
ادم وهو يضع يده علي خصرها مما جعلها تتفاجأ من فعلته تلك ولا تعلم سر تلك القشعريرة التي احست بها : بابا انا ممكن اخد ريمو ونسافر كام يوم
ريماس : نعممم
ادم وهو يضغط علي خصرها : أي يا روحي عندك مانع
ريماس بوجع : لا
محمد : خلاص يا حبيبي وانا حجزت اصلاً ف شرم عشان ريمو بتحب تروح هناك
ريماس بعدما نزعت نفسها من ادم : حبيبي يا ابو حميد خد بوسه
مالك بضحك : مجنونه
ادم بحده : ملكش دعوه بمراتي
ولم تمهل ريماس ل مالك فرصة الرد فقد اجابت بتحدٍ واضح : وصاحبته واخته قبل ما ابقي مراتك
مالك : حبيبي يا اسطا ..
ولكن نظره واحده من ادم كانت كفيله بجعله يفر سريعاً
مالك بخوف : طب سلام انا عندي كليه
ريماس : استني هاجي معاك
مالك وهو ينظر لادم : لا انا عايز اتجوز مش مستغني عن عمري قولي لجوزك ..
ويذهب سريعاً وسط ضحك محمد علي ابنه وخوفه من اخيه وعلي غيرة ابنه الاخر الذي سيظل يكابر هكذا..
محمد وهو ينهض : وانا ريح الشركة ..سلام عليكم
ريماس / ادم : عليكم السلام
وتنهض ريماس للذهاب للجامعة دون ادني حديث معه..
ادم وهو يمسك يدها : استني هنا انتي رايحة فين
ريماس بحده : أولاً ايدك تتشال و متفكرش تلمسني تاني ثانياً رايحه الكلية وملكش دعوه اروح فين واجي منين براحتي
ادم ببرود : أولاً المسك براحتي انتي مراتي ثانياً زي ما قولت مراتي يعني اعرف هتروحي فين وهترجعي امتي وهتروحي مع مين وهترجعي مع مين
ريماس باستفزاز : والله احنا متفقين ده جواز مؤقت يعني ملكش حكم عليا ...
وتتركه وتذهب ويلحق بها وهو يستشيط غضباً من تلك البلهاء عن أي زواج تتحدث تلك اتظن أنه سوف يطلقها لن يحدث بالطبع..
ادم وهو يضغط علي اسنانه : قدامي علي العربية
ريماس برفض : لا
ادم : تمام ...
وما هي الا لحظات وكانت معلقه في الهواء فقد حملها الي السيارة وسط صراخها وضربها له ولكنه لا يبالي اكمل طريقه ببرود ..
ريماس بغضب : انت متخلف يا بني ادم
ادم ببرود : انتي مبتجيش بالاحترام دلوقتي هتقعدي ساكته ولا اكتفك
ريماس بتحدي : متقدرش
ولم تكد تنهي جملتها حتي كانت محصورة بين يديه ..
ريماس بخجل : اوعي كده
ادم بابتسامه خبث : قلبتي قطه اهو
ريماس بغيظ : انت انت قليل الادب
ادم باستفزاز : عارف
ريماس : ورخم ومنحرف وانا اصلا هقول لعمو انك شلتني
ادم بضحك : ايوه روحي قوليله جوزي شالني
ريماس بغيظ : عاا متتكلمش معايا ..رخم
وتنظر الي الجهة الاخرى ووجهها احمراً من الغيظ وادم ينظر إليها من وقت إلى اخر وهو يبتسم علي غضبها هذا
ادم ببرود : وصلنا
ريماس : احسن هغور من وشك
وتهبط سريعا وتغلق الباب بقوه لعلها تشفي غليلها من ذلك الوقح قليلاً ثم تدلف الي الجامعه وهي تلعنه بكل لغات العالم اما عنه فقد كان ينظر في اثرها بابتسامه لا يعلم لما لا يستطيع السيطرة عليها كلما رأها ولكنه سرعان ما ابعد تلك الافكار عن رأسه واخد يدبر لما سوف يفعله اليوم ثم اتجه الي المديرية هو الاخر...
ـــــــــــــــــــــــــــــــــــــــــــ
في شركةA.S في مكتب المدير تحديداً حيث ذهبت ليان لكي تخبره بقرارها..
احسان : ها أي رأيك
ليان بثبات : موافقه
احسان بخبث : شاطره يا ليو انا كنت عارفه انك زكيه وهتفكري صح
ليان بابتسامه : اكيد طبعا
احسان بغمزه : طب ما يلا
ليان بدلع : يلا بس همشي انا الاول عشان الموظفين
احسان بإعجاب : لا ذكيه وتعجبيني روحي يلا واستنيني تحت
ليان بضحك : عنيا ..
كل هذا وهي لا تعلم أن هناك من يراقبها ويكاد يذهب الان ويقتل ذلك الوغد ويصفعها هي ايضاً ثم يحتضنها فلما تضحك معه لما يري دلعها ورقتها هذه ، يا الله هل من المفترض ان يصمت ؟! هل من المفترض أن يتركها مع هذا الوغد ؟ لا كيف يفعل ذلك ليس لديه القدرة كلما تذكر انها سوف تكون معه يشعر بنيران لا يعلم سببها ، ولكن كما يحدث دائماً يذكر نفسه انها مثلهم والا لما وافقت علي المشاركة في هذه القضية؟ لما سوف تضحي هكذا تضحيه من اجل لا شيء ؟! لابد انها مثلهم جميعاً ، هكذا كان يحدث نفسه علها تهدأ قليلاً عله يستطيع اقناع نفسه وقلبه انها ليست الا خائنه..
ــــــــــــــــــــــــــــــــــــــــــ
في الاسفل امام الشركة حيث يقف مراد بسيارته لا يعرف حتي لما هو هنا فقط أراد المجئ ..تهبط ليان التي كان علي وجهها ابتسامه ما إن تأكدت انها خارج الشركة حتي اختفت ابتسامتها تلك واجتمعت الدموع في عينيها لا تعرف كيف سوف تستمر تشعر بالتقزز من نفسها كلما نظر لها ذلك الذئب البشري نعم ذئب بشري هكذا تراها لا يفعل شيء سوي الانتهاك ، اما عن مراد فقد كان في دهشه من امره لما تبكي الان امن المعقل انها تمثل ؟! لا فهو علي أشدّ اليقن بأنها لا تراه فقد حرص علي المجئ بسيارة اخري زجاجها من الفبر فمن بالخارج لن يستطيع رؤيته إذاً لما تبكي إذا كانت لا تدعي ذلك ....وما هي الا دقائق حتي وجدها ترسم ابتسامه مره اخرج وتركب مع ذلك الوغد احسان سيارته فأتبعهم كي يعلم إلي أين سوف يذهبوا..
ــــــــــــــــــــــــــــــــــــــــــــــ
اما في الجامعه بعدما انتهوا جميعا من محاضراتهم ريماس ، كارما ، اسيا ومالك ذهبوا الي الكافتيريا كالمعتاد..
ريماس بانزعاج : يا ابني انت هتفضل معايا ف كل حته ف الجامعة والبيت لا كده حرام
مالك : يا بنتي هو حد قالك اني قاعد عشان سواد عيونك
ريماس بخبث : اومال عشان مين
اسيا : يا بنتي حرام عليكي
كارما وهي تغير مجري الحديث : تشربوا حاجه
مالك بهيام : أي حاجه انتي تحبيها بحبها
ريماس بسخرية : معانا و معاكوا مالك روميو
اسيا بضحك : انتو فظاع بجد ..المهم عايزه مساعده
مالك بمرح : أي عايزه فلوس
اسيا : اكيد لا
ريماس : بس يا غبي ...قولي في أي
مالك : عارفه لو كنتي ولد كنت اديتك قفا دلوقتي
كارما : يختااي خلونا نشوف البت مالها
مالك : عيوني يا عيوني
اسيا بتنهيده : منكو لربنا .. انا جايلي عريس
مالك : الف مبروك فين المشكله
كارما : انتِ مش موافقه عليه
اسيا : انا لسه معرفوش اصلاً ده جاي النهارده
ريماس بذكاء : وانتِ عايزه تطفيشيه بس مش عارفه هتعملي أي
اسيا : بالظبط
ريماس بابتسامة خبث : اقولك.. بصي يا ستي انتي لو عملتي أي مقلب طنط هتعرف ف انتي هتمشي عادي يعني هتروحي تلبسي وتجهزي عادي خالص بس تحت الفستان البسي حاجه وحشه أو قديمة واول ما يقولوا نسبهم لوحدهم اقلبي علي ريا و تاني حاجه عشان لو دي منفعتش في حبوب كده هتخليه عايز يدخل الحمام كل شويه يعني مش هيعرف يتكلم كلمتين علي بعض هتيها وحطيها ف العصير اللي هيشربه
اسيا بفرحه : حبيب قلبي يسلملي تفكيرك
مالك بصدمه : ينهار اسود ده انتي ألعن من ابليس
كارما بضحك : اومال لو عرفت اللي عملته ف اخر عريس جلها
مالك : عملتي أي
ريماس ببراءه : وقعت عليه العصير فقام ينضف هدومه روحت رشيت علي الكرسي اللي قعد عليه بودره تخليه عايز يهرش بس كده ففضل يهرش طول ما هو قاعد راح بابا قاله خير يا استاذ قاله معرفش تقريبا عندكوا حشرات هوب ازاي يقول كده قدام ماما راحت قالتله اتفضل معندناش بنات للجواز
مالك بصمه : ده انتي ابليس رفع القبعه وبيضرب لك تعظيم سلام
اسيا : وهنا يا عزيزي ابليس ضرب ابنه بالقلم وقاله اتعلم يا ابن الكل*
كارما بضحك : الحمدلله عشان لما اعوز اطفش حد تساعديني
مالك بحده : لا يا روحي انتي اللي هيفكر يتقدملك هدفنه قبلها
ريماس : عنيف اوي الواد ده.. استنوا نرد علي هولاكو
اسيا باستغراب : هولاكو مين
مالك : جوزها
ريماس : الو ...لا هروح مع مالك
ادم بحده : ريماس هما ساعتين تكون المحاضرة خلصت وهجيلك وابقي اعرف بقي انك روحتي لوحدك
ريماس بتحدي : ابقي وريني هتعمل أي وانا مش هروح معاك
ادم بخبث : خلاص يا روحي هعمل زي الصبح هشيلك ادام الجامعة كلها
ريماس بغيظ : قليل الادب ....وتغلق في وجهه
مالك بضحك : العروسه بتقول لجوزها قليل الادب
ريماس بتهديد :هتسكت ولا اقوله انك بتقولي حبيبتي وروحي وسيبك من ادم ونتجوز
مالك بصدمه : يخربيتك
اسيا بضحك : البس يا معلم
كارما : انت مش قدها دي مفتريه
مالك بموافقه : حصل
ريماس : يلا عندي محاضره ..
وتتركهم وتذهب وهي تلعن ادم في سرها
ـــــــــــــــــــــــــــــــــــــ
اما عنه فقد كان يضحك علي مجنونته التي عرف الان كيف يتعامل معها لا يعرف لما يحب التعامل معها وجنانها هذا ، ثم اجتمع به اسر يطلعه علي اخر الاحداث وبعد ساعه انضم إليهم مراد الذي كان غاضباً بشده ولا احد يعرف لما ولا حتي هو نفسه ادم فقط من يعلم السبب ..
مراد بحده : ليان عنده دلوقتي
اسر : في الشركة
مراد باقتضاب : لا ف البيت
ادم بخبث : عرفت ازاي
مراد بكذب : بعت حد يراقبها
ادم : اها قولتلي
اسر : هما هيتجوزوا النهارده
مراد بعصبيه : ايوه انا مش عارف احنا ازاي ساكتين علي المهزلة دي
ادم ببرود : ده قرارها
مراد بغضب : طبعاً مهي لازم توافق مهي زيهم كلهم الخيانة ف دمهم
اسر برفض : لا طبعا ليان غير دي طيبه اووي وعملت كده في سبيل تساعدنا نقبض عليه
مراد بسخريه : أي هي لفت عليك انت كمان
ادم بحده : مراااد مش هسمح لك تقول كلمه زياده عليها ليان بمكانه اختي دلوقتي يعني لو جبت سيرتها هعتبرك بتخوض ف عرض اختي
اسر بحده هو ايضاً : وانا كمان يا مراد وصدقني مش هعديها لو قلت أي كلمه عليها مش عجبك وجودها تقدر متبقاش موجود ف أي اجتماع هي معانا فيه ..
مراد بعصبيه : خليهالكوا...
ويتركهم ويخرج سريعاً وهو غاضب لما يدافعون عنها هكذا هي خائنه مثلهم جميعاً
اما في الداخل
اسر بحزن : انا تعبت مراد مفيش فايده فيه
ادم : اللي هو عده بيه مش سهل صعب ينسي ويثق في حد تاني
اسر : معاك حق
ادم وهو ينهض : يلا انا هروح الكلية لريماس وكمان هسافر كام يوم كده انا واخد اذن سيادة اللواء
اسر : تمام ماشي
ادم بتحذير : خد بالك من ليان
اسر: حاضر
ويذهب ادم الي الكلية حيث انهت ريماس محاضرتها ولم تكن بالطبع بالفتاه المطيعة التي سوف تستمع لما قال فقد قامت بطلب اوبر كي يوصلها ..
ريماس بتنهيدة : اوف اخيراً ..مش متخيله منظره بجد لما مش هيلاقيني عشان يبقي يتحداني تاني
ـ عيب يا روحي في واحده محترمه متسمعش كلام جوزها
ريماس بفزع : نهار اسود انت بتعمل أي هنا
ادم : اصل متجوز واحده مبتسمعش كلمه بقولها قولت تتزفت تستناني طلبت اوبر روحت جتلها بقي
ريماس بغضب : انت رخم وبارد ومستفز و..
ادم باستفزاز : وقليل الادب ومنحرف عارف قولتيلي الصبح
ريماس بصراخ : الحقوووني خاطفني
ادم وهو يرش شيئاً علي وجهها : يا بنت المجنونة هتفضحينا ..اووف متجوز بلوه والله
أنت تقرأ
عشق المتملك ( مكتمله)
Любовные романыماذا لو كانت الوحدة عالمها والتمرد صفاتها ، ماذا لو كانت لا تخشي سوي الناس والاقتراب منهم ، فماذا يحدث لها مع من عرف بالتملك ، كيف تستطيع العيش معه . هل سوف يستطيع ترويض المتمردة ام أنها هي من سوف تروضه ؟!
