عشق المتملك ( مكتمله)

الفصل الاول

في مكان ما في غرفه تلك المشاغبه بالتحديد...
سهير : اه ياني هو كل يوم الموال ده...
ريماس ريماس يا زفته اصحي
ريماس بنعاس: اممم
سهير :  قومي يا زفته وراكي محاضره
ريماس : ماما ونبي فكك مني واطفي النور ده
سهير : ليه أن شاء الله مش هتروحي المحاضره .
ريماس : بصي يا سوسو الدكتور ده رخم وانا مبحبوش اروح ليه
سهير : طيب اقسم بالله يا ريماس لو ما قمتي دلوقتي حالا لاكون مخليه الشبشب يسلم عليكي
ريماس وهي تنهض بفزع : ابو ورده لا حرام كده وبعدين في دكتوره بتضرب
سهير : اه فيه لما يبقوا زيك كده يعني ولا نافعه في دراسه ولا...
ريماس بمقاطعة : باااس خلاص انا قمت اهو ملوش لازمه نعيد كلام كل يوم
سهير وهي تخرج من الغرفه : والله متربتيش يلا يا زفته اجهزي علي ما احضر الفطار
ريماس : حاضر يا سوسو
..................... 
أما في مكان آخر ولكن اكثر هدوء من تلك يستيقظ ذلك الشاب بنشاط ويذهب لاداء بعض الرياضه كعادته ثم يعود ويستعد للذهاب لعمله ولكن ليس قبل أن يمر علي أحد ما يشبه تلك الفتاه تماما فهو ايضا لا يستيقظ وحده مثلها
ادم : اي ده نايم كده ليه الواد ده ....فقد كان ينام وهو يضع قدمه فوق الحائط ورقبته علي طرف السرير وملابسه كأنه كان في حرب أو ما شابه
ادم : مالك اصحي مالك انت يا ابني
مالك وهو يهلوس : اي يا شوشو اي يا حبيبتي حاضر هجيلك
ادم بدهشه : شوشو مين دي .... انت يا زفت اصحي
مالك وهو ما زال يهلوس : خلاص يا قلبي متزعليش
ادم : بقي كده ماشي انا هصحيك بطريقتي يا مالك الكلب... ولم تمر سوي دقيقه وقد فعل ما أراد ..
مالك بفزع : اي في اي انا بغرق عااا مبعرفش اعوم طلعوني طلعوني
ادم وهو يسيطر علي ضحكته : يلا قدامك خمس دقايق وتبقي قدامي لو اتأخرت ثانيه عليهم هخليك تغرق بجد و....
ولكن لم يستطع استكمال حديثه فقد فر أخاه الي المرحاض ..
ونزل ادم إلي الأسفل حيث يجلس أبيه فهو يحبه وايضا يحترمه كثيرا...
ادم : صباح الخير
محمد ابو ادم : صباح النور يا حبيبي يلا عشان تفطر
ادم : معلش والله يا بابا مستعجل وكمان كلت الصبح بعد ما عملت الرياضه
محمد : مينفعش كده اقعد افطر
ادم : متقلقش حضرتك أنا كده تمام وهبقي اكل مع أسر ومراد
محمد : خلاص ماشي وابقي سلملي عليهم الجزم دول بقالي كتير ما شوفتهمش
ادم : معلش يا بابا والله اسر كان في مهمه ومراد حضرتك عارف من سعت اللي حصل وهو اتغير كتير عن الاول
محمد بحزن فهم مثل أولاده : الله يسامح اللي كان السبب .. يلا يا حبيبي عشان متتاخرش.
ادم : يلا سلام ااه صح مالك عربيته لسه بايظه وانا متأخر النهارده مش هعرف أوصله فمعلش يا بابا وصله وانا هعدي اخده لما يخلص
محمد : خلاص ماشي ربنا يصبرني عليه
ادم : يلا معلش سلام
وذهب ادم إلي المديريه لكي يبدأ بمباشرة عمله فهذا هو اكثر شئ يحبه في حياته بعد والده واخيه
........................
أما عن شخص آخر
فكالعاده يستيقظ مبكرا يقوم بالرياضه مثل ادم فهو صديقه ولكن هناك اختلاف بسيط فهو لا يفعل شئ بهدوء هذا شئ مستحيل
اسر بصراخ : خد يلا تعالي
زين وهو يجري : لا يا خالو هتضربني
اسر بصراخ : هضربك بس ده انا هولع فيك تعالي هنا
يزن : خلاص يا خالو عيب سيب زين اخويا في حاله بقي
اسر بشر : لا لما اعلقكوا الاول
يزن : انت هتعمل عقلك بعقل عيل صغير
زين : قوله قوله يا يزن يا خالو مينفعش كده
اسر : وحيات امك انت وهو بردو مش هسيبكوا بقي بتقطعلي البدله ماشي اصبر عليا
زين ببرأه : يا خالو كنت عايز اكويها عشان لما تيجي تخرج بيها
يزن : شوفت اهو مكنش يقصد
اسر : يعيني تصدق صدقتك يلا ...ياااااسمين
ياسمين وهي تجري : اي في اي مين قتل مين
اسر : شيلي عيالك دول من قدامي يلااا
ياسمين بدهشه : عملوا اي
اسر بحسره : قطعوا البدله يا اختي
ياسمين بصدمه : كل ده عشان البدله
اسر بحسره : اه انتي عارفه دي بكام أنا جايبها ب 250 بعد مكانت ب 350 وفضلت اتخانق مع الراجل لحد ما فاصل معايا
ياسمين ومازلت علي صدمتها : ٢٥٠ جنيه كل ده علي ٢٥٠ جنيه
اسر وما زال بحسرته كأنه فقد شئ غالي حقا : اه يا اختي دي من سوق الجمعه اجيب زيها تاني ازاي
ياسمين بقرف: تصدق بالله يا اسر انا غلطانه اني واقفه اتكلم معاك سلام
اسر : غوري ... وبصراخ .. وانت يا زفت انت وهو اجي من الشغل وانا اظبتكوا
زين وهو يذهب بعدم اهتمام : اما نشوف اما نشوف
يزن باللامبالاة : بقولك يا زين فكك وتعالي نلعب
زين : يلا
اسر بصدمه : نهار اسوح دول طنشوني ...هي الساعه كام ...يختااي اتأخرت ادم هيعلقني
ويذهب ليجهز بسرعه فها هو ذا تأخر كعادته كل يوم بعد مشاغبته مع تؤام اخته زين ويزن الذين لا يكتفون من مشاغبه خالهم ابدا وهو ايضا لا يكتفي من ذلك مهما كان ما يفعلاه فهو يحبهم كثيرا
.............................
أما في منزل آخر يعم به الصراخ مثل كل يوم ..
اسيا بصراخ : عااا يا ماما حوشي ابنك ده
محمد اخيها الصغير : انا مث أملت حاده ( انا مش عملت حاجه)
اسيا : كداااب انت ضيعت الطرحه البس اي دلوقتي
محمد ببراه : يا ماما والله مث تيعت حاده( يا ماما والله مش ضيعت حاجه )
اسيا وهي مازالت تصرخ : عااا والله لعلقك اعمل ا....
مني والدتها بمقاطعه : بااااس اي اهدي حرام عليكي
اسيا  : يا ماما أي طب اتأخرت والطرحه ابنك ضايعها
محمد ببكاء : مث خدتها والله مث ثوفتها خالت ( مش خدتها والله مش شوفتها خالص)
اسيا وهي تحضننه : خلاص يا قلب اختك متعيطش وحتي لو ضيعتها ماما هتجيبلي غيرها يا حبيبي
مني بصدمه : انتي مش كنتي بتضربيه
اسيا وهي تمثل الدهشه : انااا ده ميدو حبيب قلب اسيا ده صح يا مودي
محمد وهو يحتضنها مجددا : صح
مني وهي تضع يدها علي رأسها : اااه عوض عليا عوض الصابرين يا رب
محسن والد اسيا : اي في اي
مني : عيالك هيجنوني خلاص بعد ما كانت بتقتل الواد دلوقتي واخدين بعض بالحضن
محسن بضحك : معلش
مني : اضحك اضحك والله هموت بسبب عيالك
محسن وهو يحتضنها : معلش يا منمن هما عيالك بردو وبعدين انتي عارفه جنان بنتك ربنا يديمك لينا
مني : ويديمك ليا يا حبيبي
اسيا بصفير : اوبا الحب ولع في الدره صح يا ميدو
محمد وهو لا يعي ماذا تقول : صح
محسن بضحك : بذمتك فهمت حاجه
محمد ببرأه : اتيا قالت اقول تيها ( اسيا قالت اقول زيها)
محسن بضحك : ماشي وانتي مش هتتلمي شويه
اسيا وهي تدعي البراءه : انا يا بابا ليه عملت اي
محسن : تصدقي صدقتك
اسيا بضحك : شوفت انا مقنعه.. يلا سلام اتأخرت والدكتور ده رخم هيشلوحني
مني : هيشلوحني ... يا بنتي اتكلمي عدل
اسيا : حاضر المره الجايه سلام
محسن بضحك : سلام
.........................
في مكان آخر يعم به الهدوء دائما كأن لا يعيش به أحد ولكن هناك من يعيش به ذلك المتعجرف العصبي ولكنه هادئ الي أقصي حد فمن يري بيته يظن أنه مهجور ، يستيقظ ذلك الشاب ويتجهز للذهاب الي عمله كعادته كل يوم ولكنه حقا لم يكن بذلك الهدوء والحزن هذان لكن هذا ما حدث له في أوانه الاخيره
مراد : صباح الخير
هبه / محمود : صباح النور
محمود : رايح الشغل
مراد : ايوه
هبه بحنان : طب يا حبيبي هترجع علي الغدا
مراد : لا عندي شغل
هبه بحزن علي ولدها : طيب حا...
مراد بمقاطعه : ماما معلش عندي شغل سلام
محمد : تمام براحتك بس ابقي روح لعمك محمد عشان زعلان منك
مراد : تمام تمام هشوف
..................... 
في جامعه القاهره خاصة أمام الباب تقف وهي تكاد تموت غيظا من صديقتها..
كارما بغيظ : ماشي يا ريماس ماشي والله لاوريكي
ريماس وهي تأتي من بعيد : صباح الاناس علي احلي الناس
كارما : صباح الخير يا زفته كنتي فين كل ده ها انتي مكلماني بقالك اد اي قولتيلي هلبس الكوتشي وانزل
ريماس بحذر : اد اي
كارما بصراخ : ساعه ونص يا زفته ساعه ونص بتلبسي الكوتشي
ريماس وهي تستعد للركض : استعنا علي الشقا بالله ... انا هفهمك اصبري
كارما وهي تجري خلفها : قولي قولي ده انا هطلع عينك
ريماس بصراخ : عاا الحقوني ... بصي طب انا كنت بلبس فعلا بس اي سوسو حطت الاكل يرضيكي مفطرش
كارما : لا ازاي
ريماس وهي تنهج : شوفتي ... خلاص بقي يا كوكو اخر مره
كارما بغيظ : مهو كل يوم بتقوليلي اخر مره
ريماس بمرح : معلش انتي عندك كام ريمو
كارما : لا انتي مينفعش يبقي في منك اصلا
ريماس : عشان تعرفي قمتي
كارما : يلا يا جزمه علي كليتك نتقابل بعد متخلصي
ريماس : اشطا هبقي ارنلك
كارما : تمام
وتذهب كل واحده منهما الي محاضرتها مثل كل يوم ، أما في جانب اخر في تلك الجامعه تحديدا في كليه الألسن حيث ذهبت المجنونه الاخري ولكن بالطبع ليس دون افتعال مشكله كعادتها...
اسيا : صباح الخير يا جماعه
نور / اسيل اصدقاء اسيا : صباح النور
اسيا بمرح : مالكوا عاملين زي المطلقين كده ليه مين زعلكوا
نور : لا ابدا مفيش
اسيل : اوف بصي مين جي
وعندما تنظر اسيا تجد ذلك الشاب الفاسد فهو يدايقها منذ أول يوم ولكن لن تكون اسيا اذا صمتت اكثر من ذلك..
عماد :  هاي
اسيا بقرف : يع المكان بقي مقرف يلا نقف في حته تاني
نور / اسيل : معاكي حق يلا
ولكنه لم يترك الامر هكذا فعندما مرت من أمامه امسك ذراعها ولكن مهلا هل هذا صوت تكسير عظام أو ما شابه نعم فان اسيا حقا قامت بكسر يده التي امسكها بها..
اسيا بشر : بص يا حلو المره دي ايدك المره الجايه راقبتك فكر بس تيجي جنبي تاني
عماد بغضب والم ايضا : اه يا بنت ال** والله لاوريكي
اسيا بغضب : شكلك مش هتسكت تعالالي بقي
بالطبع لم يستطع أحد أبعادها عنه فهو من قدم كفنه بنفسه عندما قام بسبها وهي لن تصمت وبعد لحظات قام الأمن بفصلها عنه واخذهم الي العميد ....
العميد بصدمه : اي ده مين عمل كده فيك
اسيا بثقه : انا
العميد : نهار اسود انتى اللي عملتي كده
اسيا : ايوه ولو جرب يجي جنبي تاني يبقي يقرأ الفاتحه علي روحه
العميد : ليه هو سوق
اسيا : العفو يا افندم بس لما واحد يتحرش بيا في قلب الكليه لازم اخد حقي
عماد : يا فندم دي هي اللي ...
اسيا بمقاطعة : شايف حضرتك هيكدب كمان ..عمتن انا هقدم بلاغ والحمدلله في شهده علي اللي حصل
عماد : اعملي اللي تعمليه
العميد : بس انت وهي
اسيا : يا فندم انا باخد حقي وأعتقد من حقي اقدم بلاغ
العميد وهو ينظر إلي عماد فهو يعلم أن لها الحق في فعل ذلك : اي رايك
عماد بغيظ : انا بقول مفيش داعي
اسيا بانتصار : تمام اعتذر
عماد : نعممم
العميد : يلا يا عماد
عماد وهو يضغط علي اسنانه : اسف
اسيا بابتسامة : تمام استاذن انا
وتذهب وعلي وجهه ابتسامه ثقه ولما لا وهي اخذت حقها ونجت بسهوله دون أي عقاب علي ما فعلته مع ذلك اللعين كما تراه..
............... .................
في نفس الجامعه ايضا ولكن في كليه حقوق حيث ذهب ذلك المشاغب الآخر ولكن نأمل أن لا يفتعل مشكله هو أيضا!..
مالك : صباح الخير يا شباب
ايهم / عمر : صباح الفل يا ريس
مالك : نحضر ولا نطنش
عمر بمرح : نطنش تعالي نشوف حاجه حلوه كده
ايهم بضحك : والله يا آدم هما مش انا
مالك برعب : بص يا آدم انا والنع....ولكن لم يجد أحد
ايهم وعمر وهما يكادو. يموتوا من كثرة الضحك : مش قادر همووت
عمر : دخلت عليك مش قادر بجد ههههه
مالك بشر : ماشي تعالي انت وهو
وأخذوا يضربون بعضهم ولكن بضحك فهم الثلاثه حقا ماهرون في إدخال البهجة علي من حولهم و علي الرغم من كل شئ يستطيعون الوقوف بجانب بعضهم في الازمات وهذا ما يميزها عن غيرهم من الشباب.
.....................................
ولو ذهبنا الي مكان آخر لم نره من قبل حيث ذهب ذلك الشاب الي عمله وايضا ذهب اصدقائه ...في المديريه العامه لمكافحه المخدرات يدخل بمنتهي الثقه ولما لا وهو ادم الاسيوطي فالجميع هنا يعلم من هو ويخشاه ، ذهب إلي مكتبه لكي يبدأ بمباشرة عمله وبعد قليل دخل عليه اصدقائه ...
اسر بمرح : صباح الفل يا باشا
ادم / مراد بهدوء : صباح النور
اسر بصوت منخفض : مصاحب بوم
ادم : بتقول حاجه
مراد : اه تقريبا قال علينا بوم
اسر برعب : محصلش
ادم : اترزع بدل ما اقوم اعلقك
اسر وهو يجلس : لا خلاص انا قعدت اهو
ادم : تمام اي القضيه الجديده
مراد بجديه : شحنه مخدرات كبيره هتدخل البلد عن طريق شركه A.S
اسر بجديه ايضا: ومش بس كده انا عرفت أن صاحب الشركه هو التاجر وشغال مع المافيا
ادم : تمام اوي انا عايز كل المعلومات عن الراجل ده
اسر : تمام هتكون عندك في اسرع وقت
ادم : وانا هشوف حد في شركته يساعدنا
مراد : تمام كده وانا هقرأ ملف القضيه كويس وهعرف الشحنه اد اي وهتدخل أمتي
ادم / اسر : تمام
اسر وقد عاد إلي مرحه : بقولكوا يا شباب متيجو نخرج
مراد : روحوا انتو انا ماليش مزاج
ادم : ليه تعالي نسهر في ا...
اسر بمقاطعة : انت لسه هتقوله بقولك اي يا عم انت احنا هنخرج النهارده احنا التلاته ولو مجتش هجيب زين ويزن واجيلك
ادم بضحك : هما عندك
اسر بحسره : اه يا اخويا وقطعولي البدله وعملوا فيها ابرياء فانا بقول اوديهم لمراد اهو يجننوه شويه
مراد : بس ياض خلاص هاجي معاكوا
اسر بفرحه : هو ده.. ايوه بقي وهنظيط يا معلم
ادم بقرف: نظيط ومعلم ده منظر ظابط ده
اسر بمرح : اومال لازم ابقي نكدي زيكوا
مراد : لا تبقي سواق توك توك
ادم : والله معاك حق ده آخره
اسر بحزن مصطنع : يعيني عليك يا اسوره محدش عارف قيمتك
ادم وهو يقذف عليه أحد الملفات : يلا يا حيوان من هنا
اسر وهو يتفادها : مجتش فيا
ادم : والله هقوملك
اسر : خلاص ماشي اهو ..وبصوت منخفض جتك القرف
مراد : يا غبي صوتك عالي سمعك
اسر وهو يفر خارجا : نهار اسود سلام انا
ادم بضحك : مجنون
مراد : نعمل اي لازم نستحمله .. يلا هروح مكتبي
ادم : تمام
ويذهب كل منهما إلي مكتبه ويبقي ادم في مكتبه يخطط ويفكر كيف سوف يستطيع دخول تلك الشركه وما يتوجب عليه فعله وبعد ذلك قرر الذهاب الي الجامعه حيث كلية مالك ولم يكن يعلم أن هناك ما سوف يقلب حياته رأساً علي عقب...
.............................
أما في الجامعه تحديدا أمام الباب حيث تنتظر تلك المشاغبه صديقتها...
ريماس : وحيات امي لاوريكي يا زفته ..أما ارن عليها ...عارفه عارفه رصيدك الحالي اقل من اثنين جنيه نينيني..
مش بترد ليه دي كمان استغفر الله  العظيم ....اااااه
_ مش تاخدي بالك وانتي ماشيه
ريماس : نعم أنا اللي اخد بالي ولا انت يا اعمي
_انا اللي اعمي  ليه هو انا اللي خبطك
ريماس : لا امي
ادم : بت احترمي نفسك
ريماس : لا بقولك اي انت تتكلم عدل تمام يعني خبطني ووقعت الفون بتاعي ومش عاجبك بني ادم متخلف
ادم بغضب : انا محترم انك بنت ومش برد لكن قسما بالله هتغلطي تاني ادفنك هنا ومش هيهمني
ريماس باستهزاء : يامي يامي خاف يا عيد تصدق خوفت اووي
ادم : اوعي كده انا همشي بدل ما امد ايدي علي واحده زيك
ريماس : ليه فاكر نفسك تقدر تعمل كده ده انا كنت مسحت بيك بلاط الجامعه اوعي وسع كده وانت شبه الحيطه السد عالم مقرفه
وتذهب وتتركه وقد وصل إلي قمه غضبه من تلك الحمقاء التي تجرأت علي إهانته وهو الذي يخافه أشد الرجال تأتي هذه وتقوم بتهانته هكذا، أما بالنسبة لها فقد ذهبت وهي تشتعل غضبا من ذلك المتعجرف كما تراه فهي لا يستطيع أحد التطاول عليها وأخذت تتوعد له أن رأته مره اخري وكذلك هو أصبح يتوعد لها بالكثير أن رأها ، ولا يعلم كل منهما أن الآخر سوف يغير حياته ويقلبها رأساً علي عقب..