في منزل ليان ذهبت إلى غرفتها واخدت تفكر فيما سوف تفعل ثم اخذها تفكيرها الي ذلك المراد كم هو لطيف وحنون ايضاً ولكنه متقلب المزاج ف احياناً يكون حنون وهادئ واحياناً أخرى يكون عصبي مما يجعلها تخشاه وبعد قليل غرقت في النوم....
ـــــــــــــــــــــــــــــــــــــــــ
اسيا : بابا
محسن : نعم يا قلبي
اسيا وهي تفرق يدها مما جعل والدها يعلم انها متوتره فهذه عادتها عندما تتوتر : في حاجه حصلت وعاوزه احكيلك عليها
محسن بابتسامة : قولي
اسيا بتوتر : احم هو كان يعني من يومين كده في عربيه خبطتني و...
محسن بفزع : اي خبطتك وازاي متقوليش انتي كويسه طيب
اسيا : انا كويسه والله يا بابا متخافش
محسن : كملي وبعدين
اسيا وهي تنظر ارضاً : احم هو اللي كان سايق العربيه دي كان ظابط وهو عرفني بنفسه بس سبته ومشيت المهم امبارح قابلته في المول خبط فيا وكده واتعرفنا وقولتله اسمي وكده ويعني سألني هنتقابل تاني بس قولتله سبها للظروف......ثم تنظر اليه فتجد وجهه خالي من أي تعابير : انا اسفه والله عارفه اني غلطت اني اتكلمت معاه متزعلش مني انا اسفه
محسن بابتسامة : اولاً انتِ لو غلطي ف لأنك كلمتي واحد متعرفهوش ...ثم رفع رأسها وجعلها تنظر اليه ... راسك مشوفهاش في الارض تاني ارفعي راسك فاهمه
اسيا بسعادة : يعني مش زعلان
محسن بضحك : لا يا مجنونه انا مبسوط انك مش بتخبي عليا حاجه
اسيا وهي تحتضنه : احلي اب ده ولا اي
ثم تذهب إلى غرفتها وهي سعيدة لأنها قصت علي والدها ما حدث فمن الجميل أن تكون علاقتها به هكذا لا تفعل الخطأ لأنها تحبه ليس لأنها تخشاه ثم تغط في نوم عميق فغداً لديها يوم مليء بالمحاضرات ...
ــــــــــــــــــــــــــــــــــــــــــــــــــــ
.ادم بهدوء : انا طالب ايد بنتك ريماس
ريماس بصدمه : نعممم يا عنيا
سهير : اتلمي يا زفته
محمد وهو يكتم ضحكته علي تعابير ريماس وكذلك مالك وكارما واحمد ايضاً : والله يا ادم احسن حاجه عملتها انت وريماس ليقين علي بعض
ريماس : ابو حميد متعصبنيش مين دول اللي ليقين
احمد وهو يكتم ضحكته هو الاخر : والله يا ابني انا معنديش مانع طبعاً يشرفني انك تبقي جوز بنتي
ادم بنظره انتصار لريماس : الشرف ليا يا عمي يعني كده حضرتك موافق
احمد : اكيد طبعا
ادم : وحضرتك يا طنط
سهير بابتسامة : موافقه
ادم : علي خيرة الله يبقي اتفقنا
ريماس بعصبيه : انت يا عم يا بتاع اتفقنا هو حد قالك هتتجوز امي وابويا
ادم ببرود : اكيد لا يا حبيبتي هتجوزك انتِ
ريماس بغضب : وحيات امي بطل برود يا بني ادم انا مش موافقه عليك
مالك بضحك : ليه بس ده حتي قمر
ريماس : تعرف تخرس
كارما لمالك : متهزأش نفسك
مالك بحرج: بقول كده بردو
ادم : اي يا روحي انا مش فاهم سبب رفضك
ريماس : طلعت روحك يا بعيد
احمد / محمد : بس انت وهي
ادم / ريماس : هو اللي بدأ / هي اللي بدأت
محمد : خلاص ريماس فكري براحتك وابقي قوليلي رأيك
ادم : هي لسه هتفكر
ريماس : اومال عاوزني اوافق عليك من غير تفكير ليه توم كروز
سهير : خلاص بقي
كارما / مالك : سيبيهم بنتفرج....ثم بدأو بالضحك
ادم : لو جبتك من قفاك متزعلش
ريماس : ماشي يا كارما الكلب
احمد : خلاص يا ولاد بقي... يلا بينا احنا
محمد بتنهيده : ماشي يا احمد هبقي اكلمك نتقابل
احمد : بإذن الله
ادم وهو يهمس إلى ريماس : هستني رأيك يا ريمو مع أني عارف أنك هتوفقي
ريماس : لما تشوف حلمه ودنك
مالك : كارما هشوفك بكره
كارما بابتسامة : علي حسب المحاضرات وريماس كمان
مالك بضحك : يبقي هشوفك ... سلام
كارما : سلام
أنت تقرأ
عشق المتملك ( مكتمله)
Romanceماذا لو كانت الوحدة عالمها والتمرد صفاتها ، ماذا لو كانت لا تخشي سوي الناس والاقتراب منهم ، فماذا يحدث لها مع من عرف بالتملك ، كيف تستطيع العيش معه . هل سوف يستطيع ترويض المتمردة ام أنها هي من سوف تروضه ؟!
