عشق المتملك ( مكتمله)

الواحد والعشرون

في منزل ادم بعدما عاد هو وريماس ومالك ايضاً بعدما قام بإيصال كارما...

ريماس بهمس : ادم ابقي اقرأ لي الفاتحه
مالك بهمس : انتِ كنتي مخطوفه لكن المصيبة أن انا مقولتلهمش
ادم : اخرس انت وهي يلا ادخلوا ...

ثم يدلفوا وادم خلفهم

سهير : ريماس
ريماس بتبرير : قسماً بالله كنت مخطوفه
سهير وهي تحتضنها : قلقتينا عليكي
احمد وهو يضمها هو الاخر : الحمدلله إنك بخير
ريماس بدهشه : متهزقتش الحمدلله
ادم وهو يصفعها علي رأسها بخفه : انتِ حماره يا بنتي تتهزأي ليه وانتِ كنتِ مخطوفه هو بمزاجك
ريماس ببلاهة : انت صح
محمد بابتسامه : حمد لله علي السلامة يا ريمو الحمد لله إن محدش عملك حاجه كنا خايفين عليكي
ادم بصوت منخفض سمعته هي : احنا المفروض كنا نخاف علي العصابه اصلا
ريماس وهي تضرب ادم : الله يسمك يا ابوحميد
ادم بوجع : يا جزمه
ريماس بهمس : هتسكت ولا اعمل زي ما عملت ف احسان
ادم بوعيد : ماشي نطلع بس
مالك : بتقولوا أي ها
ادم بغيظ : خليك ف حالك ... عن اذنكوا يا جماعه هنطلع بس عشان تعبان وريماس كمان عاوزه ترتاح صح يا ريمو

ثم يضغط علي قدمها

ريماس بوجع : ااه
احمد : ماشي يا حبيبي واحنا هنمشي بقي خلاص اطمنا عليكوا
ادم برفض : لا طبعا يا عمي الوقت اتأخر هتباتوا هنا النهارده
سهير : بس..
محمد : مفيش رفض ادم معاه حق ..مالك خد عمك وريه الاوضه
مالك : عينيا
ادم : يلا احنا ...

ثم يجذبها من يديها يصعد الي غرفته بالاعلي...
ـــــــــــــــــــــــــــــــــــــــــــــــــــ
اما في سيارة اسر ..

اسر : طب زعلانه ليه
اسيا بحده : متتكلمش معايا
اسر وهو يرفع حاجبه للاعلي : انتِ مش كنتي بتهزري واحنا هناك
اسيا بغضب وصوت مرتفع : اه طبعا والاستاذ واقف يهزر مع ريماس والفرحه مش سايعه طب اعمل احترام لصاحبك حتي دي مراته يعني وجايب شيكولاته كمان وحمد لله علي السلامة  كنت خايف عليها اوي يا اخي اعمل احترام أني موجوده
اسر بحده : اسيا اتكلمي عدل
اسيا بغضب : متزعقليش
اسر بعصبيه :  انتي اللي بتعصبيني انا اه بهزر وبضحك بس ده ميمنعش أني راجل ومقبلش أن صوتك يعلىٰ عليا أولاً ريماس مرات اخويا يعني بمكانة ياسمين اختي ثانياً صاحبتك يعني المفروض يبقي عندك ثقه فيا ثالثاً انا كنت بهزر مع الكل مش معاها هي بالتحديد واه كنت خايف عليها لأنها اختي زي ما لو كنتِ مكانها كان ادم هيخاف عليكي وادام معندكيش ثقه فيا تقدري تفركشي الخطوبه .. اتفضلي انزلي وصلنا

ثم ينظر للجهة الاخري وهي تنظر له بدموع هي اخطأت ولكنها تغار لما لا يفهم ذلك هي تثق به ولكن لا تحب أن يقترب منه أحد ..

اسيا بدموع : اسر انا..
اسر ببرود دون أن ينظر لها : انزلي

لم تحتمل المزيد هبطت سريعاً دموعها تسابق بالهطول اما عنه فكان ينظر في اثرها بحرن لما لا تثق به مثلما يفعل هو حسناً تغار ولكن ليس هكذا هو ايضاً يغار ولكن لا يحزنها ولا يرفع صوته عليها مثلما فعلت وايضاً لا يتهمها انها لا تحترم وجوده ..ظل هكذا بضع دقائق ثم انطلق الي منزله هو الاخر...
ـــــــــــــــــــــــــــــــــــــــــــــــــــــ
في منزل كارما ..

مصطفي : كارما
كارما : نعم
مصطفي : هما كويسين ريماس وليان عاملين أي
كارما بحزن وهي تجلس جواره : والله يا بابا ريماس الحمد لله متصابتش اما ليان فهي اللي اتضررت عملوا لها جرح جنب الكِله كانوا قاصدين يصيبوها وفعلا الدكتور قال انها اتصابت وان الكِله دي مش هتقدر تقوم بوظفتها تاني
مصطفي بحزن : قدر الله وما شاء فعل
كارما بدموع : ليه حصلها كده
مصطفي بحنان : حكمة ربنا نقول الحمدلله
كارما بدموع : بس دي خسرت كل حاجه يا بابا انت متخيل لو مامتها عرفت انها كانت متجوزه الحيوان ده دي ممكن تروح فيها ومراد كمان هيفضل يتوجع كل ما يفتكر انها كانت لحد تاني حتي لو غصب عنها
مصطفي بغموض : لسه مخسرتش كل حاجه
كارما باستغراب : ازاي
مصطفي بابتسامه : متشغليش بالك يا حبيبت بابا يلا قومي نامي عشان الصبح نروح نطمن علي ليان
كارما : حاضر.. تصبح علي خير
مصطفي : وانتِ من اهله
ـــــــــــــــــــــــــــــــــــــــــــــــــــــ
في غرفة ادم ..

ادم : بتضربيني ها
ريماس : اهدي يا اسطا مكنتش اقصد
ادم وهو يمسك بها : يا اسطا ..اعمل فيكي أي
ريماس ببساطه : حبني انا اصلا اتحب
ادم : ماشي

ثم يحملها ويلقي بها في المرحاض...

ادم : خمس دقايق تكوني خدتي شاور وجيتي عشان نتكلم
ريماس برجاء : طب ما نتكلم الاول الفضول هيموتني
ادم برفض : لا يلا خلصي وانا هاخد شاور ف الحمام التاني

وبالفعل لم تمر سوي دقائق وكانت قد انتهت وكذلك هو الذي ما إن رأها حتي صعق هل تزوج طفله وهو لا يعلم فقد كانت ترتدي بجامه عليها رسومات هذا الكرتون توم وجيري وقامت بتصفيف شعرها علي هيئه قطتين كما يقال و ترتدي حذاء علي هيئه ميكي موس ..

ادم بصمه : انا دخلت اوضة غلط دي اوضة الاطفال اكيد.. لا بس احنا معندناش اطفال ف البيت
ريماس ببلاهه: شاطر متاخرتش
ادم بصدمه : أي اللي انتي لبساه ده
ريماس ببراءه :بجامه
ادم بدهشه : توم وجيري وعامله قطتين ولبسه ميكس موس
ريماس بسعاده : حلو صح
ادم : حلو بس انا مش متجوز بنت اختي ..هو طنط كانت معاكي لما جبتي ده
ريماس بثقه : لا هي كانت بتجيب لبس وحش كده وانا جبت دول من ورها
ادم وهو يضع يده علي رأسه : ذنوب هي ذنوب وبتخلص.. اقعدي خلينا نتكلم
ريماس وهي تقفز علي السرير ثم تجلس : ها قول
ادم وهو ينظر لها : بصي مش هنكر أني كنت عاوز انتقم منك لا انا كنت هخليكي تترجيني اسيبك بس معرفش أي اللي حصل مشاغبتك وهزارك وبراءتك خلوني مش قادر اعقبك حتي لما كنت باجي اعقبك كنت بلاقي نفسي بعقبك بحاجه صغيره كأني بعامل بنتي حسيت إنك طفلتي مش مراتي كنت كل يوم بستني تنامي عشان اخدك ف حضني ولما كنتي بتعملي نفسك نايمه كنت بفرح أنك انتي كمان بقيتي تحبي تنامي معايا
ريماس بخجل : احم هو مش كده اصل انا بخاف انام لوحدي
ادم بضحك : ايوه ايوه عارف ..المهم كنت ناوي اخر يوم ف الشاليه اقولك أني عاوز اكمل عمري كله معاكي ريماس انا بحبك لا مش بحبك انا بعشقك بتنفسك انتي بقيتي نبض قلبي الهواء اللي بتنفسه مش قادر ابعد عنك دموعك بتقتلني ببقي نفسي اشيل وجعك واخده انا نفسي ادخلك جوايا عشان محدش يشوفك
ريماس بخجل وتتوتر : ادم انا...
ادم وهو يضع يده علي فمها : النهارده اخر يوم ف التلت شهور اللي اتفقنا عليهم بس انا مش عاوز اطلقك تقبلي تكملي حياتك كلها معايا .. حتي لو مش موافقه بردو هتفضلي معايا كده كده مش هطلقك ولا هتبعدي عني يعني
ريماس بغيظ : يا اخي كمل اللحظه عدل
ادم بضحك : بعرفك بس عشان لو فكرتي ترفضي
ريماس : ايوه مش موافقه طلقني
ادم : كنت عارف انك هتوافقي
ريماس : بارد ورخم وقليل..
ادم بمقاطعه : وقليل الادب ومنحرف عارف  وضيفي عليهم اني مبسبش حقي ابدا

ثم يأخذها الي عالمهم الخاص عالم لا يوجد به سواهم...
ــــــــــــــــــــــــــــــــــــــــــــــــــ
وها هي الشمس تشرق من جديد معلنه عن بدايه جديده لكلٍ منا بداية يوم اخر ينبغي استغلاله جيدا كي لا يضيع هو الاخر في حزن وألم ..

في المشفي حيث استيقظ مراد علي همس باسمه...

مراد بلهفه : انتي كويسه
ليان : هي ماما فين
مراد وهو يبحث عنها : تقريبا بتصلي..انتِ عاوزه حاجه اعملها لك
ليان بتوتر : كنت عاوزه تعدلني بس
مراد : تمام هعدلك انا
ليان برفض : لا مينفعش
مراد باستغراب : ليه
ليان بتوتر : عشان حرام مينفعش تلمسني وانت مش من المحارم ف حرام
مراد بابتسامه : كل يوم بحبك اكتر من اللي قبله ..ليان انا اسف والله انا كنت حمار وغبي كمان اسف علي كل مره فهمتك غلط واساءت الظن بيكِ بس والله كان غصب عني شدِّي حيلك بس وهفهمك كل حاجه
ليان : وانا مسامحك وهستني افهم
زينب وهو تدلف : كنت بصلي معلش
مراد : معلش يا طنط اعدلي ليان بس عاوزه تقعد وانا هجيب حد من الممرضات يساعدتك
زينب : مفيش داعي هعدلها انا ..