قرة عيني الليالي
البارت الاول
#الكاتبة_شاهي شوكت
قيصر: كاعد بمكتبي وصافن بروحي واحجي وبيني وبين نفسي واجت على بالي امي وتعبه واخواني الي ماتخلص مشاكلهم والي من توفه ابوي وتقسم الحلال بعد ماعرفو امي وين الله حاطه وسبب عمامي طلعنه بيد صفرا نتهدت وجاي اكوم صارت عيني ع التليفون ستغربت وخفت لا امي صار بيه شي :الوو
سالم:الووو قيصر وين انت
قيصر:انه بالدوام غير صاير شي امي بيه شي
سالم:لكيت امي طايحه وبطارمه
قيصر كميت الرعب الي سرت بدمي: امي بيه شي هسه هي وين
سالم: بالمستشفى تعال
قيصر:يامستشفى انه جاي احجي خلصني
سالم:م**شفى
قيصر:نسيت حتى ماسديت الخط بالي يم امي
وصلت للمستشفى لكيته وحده وخطية تبجي :ها يمه شبيج
الممرضه:رجاً ممكن تطلع هاي ردت مالت نسوان
قيصر:ماكو نسوان امي شبيه دكتوره
الممرضه:تطلع لو نطلعك بالقوه
ض قيصر بعصبيه:حسابج من نطلع/بست راس امي وطلعت دورت على سالم ماموجود اتصلت عليه مايشيله الغبي
الو وين انت اشو ماكو
اي انه رجعت للبيت
يانذل شلون تعوف وامي وترجع ولك شني كلبك
قيصر لاتغلط ترى محترمك وبالله انت مهم بدوله شني مانكدر نفك حلكنه وياك امك وصلته ورديت
قيصر والله تخسه ولك مو بس امي هاي امك هم /فقدت وكمت اصيح وطلعت نفس للممرضه وظلت تحجي
الممرضة:عيني صوتك ترى مستشفى هاي مو مركز تدريب
قيصر:انتي تسكتين لااطبكج انتي وهل نذل ندري نعل مستشفى /عفته بدون ماسمع رد منها طلعت برا ادخن ترد اعصابي بالجكاير شويه وصالحتي نفس
الممرضه:استغفرالله اليوم مافك من جهرتج
الممرضه:العفو ممكن تجي تاخذ الولده تسويله اشعه يمكن
عنده كسر
قيصر:هزيت راسي ورحت وراها
الممرضه:تفضل ادخل مانكدر نشيله
قيصر:شلت امي خليته على الكرسي وهو بس تبجي
ام قيصر:يمه راح اتعبك
قيصر:يمه شهل حجي شني اتعبك انتي تستاهلين كل التعب كافي تبجين يايمه/اخذته سويت اشعه الها والحمدلله طلع برجله كملنه وجبرو رجله ورجعنه رجعت هلكان منتهي
ام قيصر:تعبتك وياي اليوم
قيصر:نامي هسه انتي وانه طالع اجيبلج شي تاكلينه مشتهيه شي يمه
ام قيصر:لا روح رتاح ماجوعانه
قيصر:رحت الغرفتي كبل ذبيت روحي ونمت حيل تعبت اليوم كعدت على صوت جوله بالبيت يمكن وحده من خواتي اجت بدلت هدومي ونزلت :السلام عليكم
بنين:هلا وعليكم جا شلون تخلي امي وحده وتروح تنام
قيصر:جنت تعبان ونمت خو مابيج شي يمه
ام قيصر:لا يمه مابيه شي
بنين:انت ماتزوج وتفكنه بسببك امي تتعب وتشتغل
ام قيصر:بنين هذه حجي. شاهي شوكت
قيصر:اول شي لاتجين تعاتبني روحي عاتبي اخوج العود سالم وثاني شي مجابر امي تكنس وتنضف كتله اجيبلج مره وراتب ومارضت والثالث شي انه ماعندي حجي وياكم محد يدخل كرميني بسوكتج انتي هنا خطار
بنين بصياح:شنو تصيح عليه وبالله انت بدوله انه اختك احترمني
قيصر بصياح:هم كالو بدوله المايحترمني ماحترمه طلعت وركعة الباب قوي غسلت وجهي وذبيت ع راسي ماي صار
حار تنور
.......
ام قيصر:ليش تحاجينه هو شاله غرض
بنين:جا مايزوج ويفكج انتي هم تعبتي
ام قيصر:هو مامقصر وياي وهم خطيه اليوم كله يفتر بيه من مجان المجان وكل ساعه شايلني عايف دوامه ووياي لاتزيده عليه هو عصبي ومايتحمل
بنين:اي قصدج النكدي مايعرف والله عشتو عود سيد وشايف روحه علينه
ام قيصر:ههههههه جا يمه انتي هم علويه شني تغارين بنين: ههههههههههه لا يمه بس مشايفه سيد مغرور رافع خشمه لستار
ام قيصر:شنسوي يايمه هو هم تعبان
بنين:هو الي متعب روحه يالله يمه انه رايحه تظل عندج العافيه
ام قيصر:وين رايحه وكت غروب ظلي
بنين:لا مكدر اظل علي ياكلني ويشربني غير
ام قيصر:خوش يمه الله وياج
قيصر:شفت بنين طلعت وخزر بيه والله بيج راشدي يدور فجج(الحنك) الذاك الصوب(الذيج الجه)
بنين:وياي
قيصر:لا ويا ابوي
بنين:مالك رداد
قيصر:بالضبط /عفته ودخلت الامي :ها يمه شلونج
ام قيصر:بخير وليدي روح رتاح كعدوك الجهال
قيصر:لا مابيه شي طالع اجيب اكل من المطعم واجي ماتاخر عليج
ام قيصر:ديربالك على روحك
قيصر:طلعت جبت اكل ورجعت اتصل عليه صاحبي:ها ابو الورد شلونك حياك الله
حاتم:صدك تحجي ولك شلون تعوف المركز وتطلع
قيصر :حكيت راسي وعبالك جنت بغيبوبه:ولك تدري نسيت المركز خو مصار شي
حاتم:ولك انت شني نايم
قيصر:والله نسيت وامي شويه تعبانه باجر أمر الك اليوم عليك الخفر
حاتم:اي عليه وسلمنه على الحجيه مابيه غير العافيه
قيصر:يوصل هاي هي الله وياك /صبيت الامي عشه واخذته الها
قيصر:يمه بنين باجر تمر عليج لو لا
ام قيصر:لاتكول اخاف من علي
قيصر :هزيت راسي بالي شلون اخليه وحده
ام قيصر:ليش يمه
قيصر:باجر عندي دوام واحتمال يجي نقلي الغير المحافظه
ام قيصر:ياا نوب شلون يمه جا تخلني وحدي
قيصر:لا يمه ماخليج وحدج
ام قيصر:باجر روح دوام انت لاتحير بيه
قيصر:لا اجازه اخذ عادي
ام قيصر:الله كريم وليدي اكل هو بس انت زين بين اخوتك
قيصر:انه اخوتي كلهن شتحاتجين امري ودللي
ام قيصر:الله يحظفك من كل شر يالله كوم جياتنه نسوان
قيصر ببتسامه: كلهن عجايز مو مابيهن عجوز صاكه لوليدج
ام قيصر:هههههه يااا باوع الفلك ولك كوم طالعه عينك وانت السيد عود
قيصر ببتسامه:صاير يمه كايم سمعت الباب اندك صحت وانه اخلي الصنيه على السنك وطلعت من الباب الخلفي
ام لقاء:ياهل البيت اشو صوالي
ام قيصر: ياهلا ومرحبه تعالن انه بالغرفه
ام لقاء: الحمدلله على السلامه شنهي وين مضمولتج هاي
ام قيصر:بعد صارت ياخيه
ام محمد:مابيج غير العافيه علويه الحمدلله على سلامتج
ام قيصر:الله يسلمج:عذرني ماكدر اضيفجن
ام لقاء:افاا احنه مو غربه اخياتج انه كايمه
ام محمد:شلون طحتي ونكسرت
ام قيصر:عود جاي اشر السجاده وسحكة طرفها وصارت الطيحه على رجلي
ام لقاء:ربج ستر مانكسر الحوض
ام قيصر:اي الحمدلله
ام محمد:شني بناتج ماجنج
ام قيصر:اجت بنونه وراحت هم عنده بيت وجهال خطيه تتبهذل
ام لقاء:ياااا جا نوب شلون ياهو يغسلج يبدلج
ام قيصر:الله كريم جا شنسوي وانه ماهون بيهن
ام لقاء:جا شلون بيج وهم قيصر مايكدر
ام محمد:جيبلج ممرضه
ام قيصر:ههههه هم تريد يوميه ٣٠٠ الف جا نوب ازيد عليه
ام لقاء:ام فراس عنده بنت تشتغل ماخذ جثير يمكن١٠٠
ام محمد:ياا جا زين
ام قيصر:ياام فراس
ام لقاء:يا هاي الاول العام مات رجلها وابنه بدرب
ام قيصر:يااا عرفته
ام محمد:اي خطيه بنيته المعيله الهم وهي ام فراس هم بضيم ع ساعه يصعد عنده السكر وتموت
ام قيصر:الله يكون بعونهم
ام محمد:يالله علويه من رخصتج رايحه عندي شغل رتاحي انتي
ام قيصر: هلا بيجن بكل وكت
قيصر: ٣ايام انه ويا امي ونوب لازم وطلع نقلي بغير محافظة وحرت كلش
ام قيصر:هاي يمه وين صافن
قيصر:ماكو شي بس طلع نقلي وباجر رايح
ام قيصر:الله وياك يمه بسلامه توصل
قيصر:زين وانتي شلون
ام قيصر:الله مالك غرض بيه
قيصر:شون مالي غرض
ام قيصر:جا تعوف شغلك توكل يمه وروح
قيصر هزيت راسي وطلعت من الغرفه:وشياطين تكمز ع راسي والله لو حرام جان علمت اخوتي بس بسيطه يفتر الوكت رحت نمت ندك المنبه الفجر غسلت وجهي وحظرت جنطتي رحت الامي لكيته نايمه مادري شلون راح يطني كلبي وعوفه اووف ياربي الصبر بسته من راسه وطلعت
ام قيصر:صار الصبح وقيصر مااجه سلم يمكن راح الدوامه شويه واجت ام لقاء الي
ام لقاء:شلونج علويه
ام قيصر:هلا خيه
ام لقاء:شنهي ضايجه اليوم متريكه لا
ام قيصر:لا والله بعدني
ام لقاء:جا اسويلج ريوك ونكعد تسوالف انه وياج اشوفج عليش هل وجه الحلو ظايج
ام قيصر:سوت ريوك واجت كعدت يمي والله كمت استحي منه خطيه عايفه بيته وجايه
ام لقاء:اي علويه شبيه علويتنه
ام قيصر:مابيه شي بس صبحت البيت يصفر حتى قيصر ماكو
ام لقاء:اي خطية البارحه شايفه حمودي طالع وكلت خل امر عليج اكيد هسه وحدج
ام قيصر:هم زين اجتي اريد اكلج اريد وحده ادارني وتغسلني واله مصروفه وجسوتها راتب انطي الها بلكت وحده على عرفج
ام لقاء:اي صار تدللين اشوفلج
ام قيصر: مشكوره وانه هم تعبتج
ام لقاء:تعبج راحه انه اعرف وحده هنا ذيج المره كتلج عليه بنت ام فراس خوش بنيه اشوفه وردلج خبر
ام قيصر:هاي هي راح اعتمد عليج
ام لقاء:راح اشوفه واجي الج
.....
ام فراس:ولج روحي شوفي ياهو يدك بالباب
سفانه:اي اي ع كيفج يمه فتحت الباب:هلا خاله تفضلي
ام لقاء:هلا بيج خاله لا مستعجله بس اريد اكلج انتي شغله
سفانه:لا ماعندي شي
ام لقاء:انتي وصيتني على شغل ولكيتج شغل مره جبيره بالعمر مكسوره ابنها ماهو وتريد واحد يداريها وتكول شتريد انطيه مصرف جسوه راتب
ام فراس....
سفانه......
