قرة عيني الليالي
#البارت6
#الكاتبة_شاهي_شوكت
سفانه:كمت من الكرسي وانه ارجف
قيصر:وعيت على روحي شنو كلت بس مابررت موقفي ومركز بالشامه
سفانه:انه اعتذر اذا جان طلبي هلكد صعب عليك واعتذر خلي اخوي بسجن
قيصر:بس يخلصون التحقيق حسبي اخوج ٦سنين سجن هاي اذا ماطلعت عليه سالفه ثانيه
سفانه بعصبيه:خله ولا اذل روحي
قيصر بعصبيه:احجي عدل
سفانه شفت صار نار من العصبيه وعيونه حمر يحجي بين السنونه دفعت الكرسي وطلعت من المطبخ تبعني للطارمه
قيصر: فكري خوج يظل بسجن
سفانه التفتت وانه معصبه من تصرفه:يطبه مرض اغم هيج اخو الي يخلي اخته تذلل
قيصر:ماذلج ردت تصرين مرتي
سفانه:بحلامك
قيصر:تشوف عينج وانتي الممنونه
سفانه:حيل عصبني اجيت ارد عليه وسكتني
قيصر:الج يومين فكري
سفانه:موت احسلك
قيصر:عفته وطبيت كعدت على القنفه ووقت الساعه
سفانه:دكيت رجلي بالكاع ومحتاره شسوي نوب امي منا حتموت بجي على فراس اوووف شدعي عليك يفراس مسحة دموعي واجيت ارجع للبيت مو بيدي نفسي ماتتقبل اسوي هيج وهذه يريد يستغلني طبيت وامي تلكتني
ام فراس:ها يمه بشري شنو صار شكالج
سفانه بدموع:شكالي يمه شكالي مابيدي شي خله يتادب خل يضوك السجن
ام فراس:ولج احجي طريتي كلبي
سفانه جريت نفس وانه اكتم شهكاتي:يريد فلوس مايكدر يطلعه هيج
ام فراس:شكد
سفانه:مليون لو اكثر يمه مابيدي شي راح يوصل للقاضي هو /جاي احجي وامي نغمى عليه حتاريت شسوي اريده تكعد ماكو فقدت السيطره وعبالي ماتت كمت اصرخ شويه وندك علينه الباب احمد وصفاء مرعوبين طبو ناس شالو امي واخذوها :اروح وياكم
...يالله استعجلي
سفانه:الطريق كله ابجي احس روحي راح افقد امي طلعت الدكتوره كالت مابيه شي سكرها مرتفع حيل ديربالكم عليه
سفانه:تكدر تطلع هسه
دكتوره:اي ميخالف بس خل تظرب ابرتها وتطلع
سفانه:هزيت راسي وكعدت بالكاع على الهبطه دموعي مايوكفن نوب هي صار فترة متاخذ علاج ومعندي اجيب الها دخلت للردها كعدت يم راسه :ها يمه شلون صرتي
ام فراس: الحمدلله
سفانه:يمه هبطتني ليش هيج اسوين بينه احنه مالنه غيرج
ام فراس:الله كريم بنيتي
سفانه بتسمت:يمه لاتخافين فراس يطلع
ام فراس:ان شاءالله
سفانه:سوينه خروجيه ورجعنه للبيت لكيت احمد وصفاء مرعوبين وتفاجئة بصفاء يبجي:هاي شنو صوفي يبجي اي عمي شوف ياهو يحب امه ابو الصوف
صفاء:سكتي مابجي جاي اضحك وجنت اركص
سفانه:طول عمرك نذل
صفاء: طالع عليج ياهي اختي
سفانه:اشو بله ولي منا
احمد:امي تعبانه وانتم تتناكرون
سفانه:روح ولي ادرس
احمد:اي اي رايحين
سفانه:اخذت امي لفراشه خطية نامت بسرعه /احمد صفاء انه طالعه
احمد: وين
صفاء:عساج لاترجعين
سفانه:خابرتني ام فيصر اشوفه شتريد
احمد:منيلج تيلفون
سفانه بنزعاج: هسه انت شكو بعدك هلكدك
احمد:خوش خوش صرعتي راسي
سفانه:طلعت من البيت وكل ماتقرب الفرع الي بي بيت قيصر يزود مغص بطني توترت وخفت حيل دكيت الباب وطلعلي هو عبالك واكف ورا الباب
قيصر عرفته راح ترجع عقدت حاجبي:هاا
سفانه:دنكت وانه مستحيه حيل مادري شلون ابدي عصرت اصابعي قوي
قيصر:دخلي لاظلين واكفه هنا
سفانه هزيت راسي ودخلت ورا ودي اطكه بجيه مصبره روحي كوه
قيصر:امي بالغرفه
سفانه:مو على امك جايه
قيصر:ها
سفانه:على سالفة خوي
قيصر عدلت كعدتي:احم اي تفضلي
سفانه:انه موافقه بس كون اخوي يطلع سالم وشكد المده نستمر اني وياك
قيصر بعصبيه:هذهو رجعي للبيت
سفانه شفت تعصب وصارن عيونه حمر خفت من كلش ركضت بسرعه للباب
قيصر:ظليت محتاره ونابني ضميري دكيت على راسي:غبي غبي وهي رخيصه ووف
سفانه:طلعت حاصرتني الدمعه روحي ضايعه
احمد: سفانه وين صافنه
سفانه:مصافنه
احمد:جا كومي جيبلنه عشه
سفانه:اكلك بالله ماتسكت منين اجيبلك عشه
احمد:اي نظل يكتلنه الجوع
سفانه:انه محتاره بعلاجكم وانتم همكم بطونكم ادري ابتليت
صفاء:اي شبيج غير جوعانين
سفانه:روحو كلو بيض ونجبو
احمد:راح نبيض منوره البيض
صفاء:بق بقيق
سفانه:ههههههه ولي من يمي شتردون
صفاء:اي شي بس مو بيض ديربالج
سفانه:طلعت سويتلهم عشا وتمددت بفراشي حايره شسوي باجر
ام فراس:وين صافنه
سفانه:مصافنه يمه بيج شي
ام فراس:لا بس شفتج صفنه اجيبج وصفنه تاخذج
سفانه بتسمت:لا اطمني نامي انتي تعبانه
ام فراس:شصارت بسالفة اخوج
سفانه:ان شاءالله يطلع كله كم يوم
ام فراس: أن شاء الله الله يسمع منج بس منين دبرتي لفلوس
سفانه توترت وماعرفت شكول:هاا مو مو انه اشتغل عند ام قيصر ولميت مبلغ وداينت
ام فراس:بس لا تركسين
سفانه:لا يمه المهم انتي رتاحي
ام فراس:الله يحفظج بنيتي نامي تعبانه انتي
سفانه هزيت راسي وغطيته مخنوكه كلش كتمت شهكاتي بالمخده
قيصر.....
اليل كله ماغمضة جفوني وحس روحي عصبي نار اريد اكتله شلون ترضه بهيج ولا عترضت شكد رخيصه جايبلي وحده ديرباله على امي هيج باوعت على الميز متروس كطوف جكاير وباكيات نزلت يم امي تمددت هي فزت من حركتي
ام قيصر:ها وليدي كاعد
قيصر:اي يمه متحاجه شي
ام قيصر:لا بس شبيك
قيصر:مابيه شي
ام قيصر:جنت ادخن
قيصر:اي
ام قيصر:ياهو مضوجك
قيصر:محد يمه محد بس شبكني إذا تكدرين
...... سفانه..
كعدت الصبح متوتره عبالك يوم اعدامي غسلت وجهي وحتى ماشتهي اكل سويت ريوك لهم وطلعت كل ماتقرب للبيت روحي تنغبض وبطني تمغصني دكيت الباب محد فتحه دخلت للمطبخ مخربط نزعت عبايتي وعلكت عبايتي وبديت انضف واني متنفرزه من المطبخ حيل وصخ مانتبهت هو كاعد على الكرسي التفتت عليه وجه كلش تعبان وعبالك منايم وشكله مخربط شكله يخوف وصراحة خفت منه بلعت ريكي ورجعت الورا وحتى كلمة صباح الخير راحت من الساني كام وتقدم الي حسيت روحي صخنت انفاسه تطخ بكصتي
قيصر:شسوين اجيتي
سفانه:توترت وماعرف شحجي بلعت ريكي وقويت روحي رفعت راسي وصارت عيني بعينه عيونه يخبلن صفنت بعيونه دقايق جاي ودخلت علينه بنيه هو بسرعه ابتعد طلع بره واني احس روحي صخنت من الفشله
يمامه: صباح الخير
سفانه بتوتر:صباح النور
يمامه:منو تفضلي
سفانه:انه اشتغل هنا
يمامه عكت حاجبي ماعجبني الوضع امي شلون تقبل بنت شابه تجي للبيت وقيصر عزابي بعده:هلا
سفانه:عافتني ومشت كبر هاي منو نوب رجعت انضف بالمطبخ
قيصر طلعت عصبي نار ورددت بصوت مسموع صلفه صلفه
حاتم:ياهي
قيصر بنزعاج:انت شسوي هنا
حاتم:شني شسوي جاي اشوف امي واختي
قيصر:اي يالحنين
حاتم:قيصرر
قيصر:وخر عني رحمه الربك مالي خلكك
حاتم:دومك شايف روحك
قيصر:عفته وطلعت لان اعرف روحي اذا اظل يمكن اكتله
سفانه:نضفت المطبخ واني بالي يم عيون قيصر اول مره اصد بعين احد هيج نفضت الافكار من بالي وطلعت ادور عليه اريد اعرف شصار بسالفة اخوي
يمامه:على منو الدورين
سفانه:اسفه بس ادور على قيصر
يمامه:شعدج ويا
سفانه:ماعندي شي ليش هل سوال اريد شغله منه
يمامه:اذا اكو شي كولي يمنه وجدامنه
سفانه:اي بس هو وينه
يمامه:اشو انتي ماخذه راحتج على الاخير عبالك رجلج
سفانه:شهل حجي احترمي نفسج شنو رجلي مجرد اساله عن اخوي
يمامه:والله عيني خوش حجه
سفانه جاي احجي وجانه صوت نرعبت وسكتت
قيصر:هيييييي
يمامه:رايحه الامي
قيصر بعصبيه:شهل صوات الطالعه انتي يمامه جايه ترتاحين هنا لو تعاركين وانتي هنا عليج تشتغلين وانتي ساكته مامسويه منيه علينه بفلوسه ترى
سفانه الدمعه صارت بطرف عيني هزيت راسي:مشكروين ماقصرتو الفلوس اخذوها ماني بعازتكم وبعد ماشتغل هنا: اخذت عبايتي جاي اطلع
قيصر خزرت اختي وطلعت ورها كسرت خاطري:سفانه
سفانه :سمعت يصيح وراي بس غلست كملت دربي
قيصر تعصبت جريته من ايده قوي بصياح:مو جاي احجي وياج
سفانه:عوف ايدي حرام اختك جاي شوفنه
قيصر بصياح :لاتخلني اكفر مره ثانيه من اكلج اوكفي توكفين فهمتي
سفانه........يتابع
