قرة_عيني_الليالي
#البارت13
#الكاتبة _شاهي_شوكت
فراس: اخذوو
سفانه: يمه احجي لاتكطعين كلبي
صفاء: اجت اخذته الشرطة
سفانه: ليش اخذته الشرطه
ام فراس: رجع على السوالفه يمه ماضلي وجه بعد اطلع اخخ يايمه
سفانه: عفت امي وطبيت للغرفه احس روحي رجعت النقطة الصفر وانا هل مره وين انطي وجهي بس هل مره مسوي شي خل يتادب ويبطل هل سوالف نمت وكعدت العصر البيت جان كئيب استغفرالله وسويت عشه ولو هو محد يشتهي بس جبرتهم
ام فراس: اكلج سفانه مانروح العمامج بلكت يلكوله حل
سفانه: مانروح ومانسوي شي ونسكت وخل يتادب ويتربه بالسجن ويعرف قيمة الي، جان يسوي
ام فراس: مامسوي شي هل مسكين الناس تتبله عليه سوده عليه يايمه
سفانه: ماتتبله اكيد لو ماكضينه ابيدهم ودليل مايخذونه
ام فراس: ماظلي وجه بالمنطقة اخ يفراس يمه سوده بوجهي
سفانه: لميت الغراض، ونضفت البيت طلعت حركت كلبي بالتنضيف وبالي يم فراس صح احجي هيج بس مابيدي شي كلمت ورحت ادرس خلصت ايامي بين الدراسه وبين الشغل الي اشتغله كل عادتي خلصت السنة وهلكت نفسي بالدراسة جنت ماريد افكر بشي لان التفكير تعبني اجت الامتحانات وجانت ايام صعبه بين شغل بيت ومسؤليه ودراسه وامي الي تكسر واهسي وحجي الناس كامت خطيه حتى ماتطلع من البيت في سبيل ماتجيه حاجيه مو زينه لان فراس نسجن خلصت امتحان والحمدالله جانن زينة شمس يصبرن عليه
زينة: سلام
سفانه: وعليكم السلام شني شعجب جايتنه
زينة: صيري معزبه شبيج كولي تفضلي
سفانه: لا عدنه بريعصي اخاف يشوفج ويموع
زينة: هههههه اكلج ماترحين
سفانه: وين ليش خير
زينة: ولج شبيج نروح نشوف النتيجه
سفانه: صدك اليوم النتائج
زينة: اي
سفانه: اوكفي خل ابدل واجيج تعاي دخلي /ركضت بدلت ولبست عبايتي جنت فرحانه على خايفه: يمه ادعيلي النتائج طلعن
ام فراس: ان شاءلله ناجحه يبعد امج روحي الله يوفقج
سفانه: طلعنه انا وزينة امشي حيل اريد بس اوصل لو ما ناس بشارع جان طكيته ركضه
زينة: ولج اوكفي شادتلج محرك بطة على كيفج
سفانه: جاي امشي على كيفي شمالج/وصلنه للمدرسة جان محد بيها رحنه على الاداره وصبحت بوجهه ست رشا
المديرة: ياهلا ماما
سفانه: السلام عليكم ست النتيجة
المديرة: اي انتي سفانه محمد كامل وزينة قيس ناصر
سفانه: اي ست
المديرة: انتي مو قبل فتره اخوج نسجن يبيع مخدرات شنو وين وصلت قضيته
سفانه: بلعت الغصة وغوركت عيوني وبتسمت
المديرة: سفانه ناجحة روحي ستلمي نتيجتج من ست رشا ماشاءالله درجات حلوه وانتي هم زينة مبروك
سفانه: رحت ستلمت نتيجه من ست بومه وطلعت
زينة: شنو راح تكملين واذا تكملين شني راح ترحين
سفانه: لا مراح اكمل رابع راح روح معهد معلمات لان انا متاخر بدراسه خو مو اخلص نص عمري بالدراسه وانتي تعرفين وضعنه
زينة: اي والله صح كلامج انا هم افكر هيج وذا ماقبلونه
سفانه: الف معهد موجود مو شرط وكلشي جاي من الله حيا الله
زينة: يالله باي ومبروك
سفانه: الله يبارك بيج باي
ام فراس: هاا يمه بشري ثاغبه مهلهله
سفانه: ناجحه ههههه
ام فراس: اي يمه الحمدلله وشكر تعاي يمي الله يفرحج مثل مافرحتني
سفانه: ان شاءلله دوم فرحانه انتي تستاهلين الفرح راح اروح معهد معلمات اذا مفتوح
ام فراس: ان شاءلله الله ييسيره ويفتحه بوجهج
سفانه: بتسمت نزعت عبايتي رتاحيت شويه ضميت الطلبيات بعلاكه وامي كل ساعه تكوم تبوسني اول مره اشوفه هيج من بعد مانسجن فراس كملت شغلي سويتلهم غده وخلصت سبوع بين الشغل والبيت وبديت اسال على المعهد والحمدالله طلع مفتوح خفت اروح وحدي، بعدين ابو زينة كال انا اروح وياج لان زينة هم تريد تقدم وهو عنده واسطه: يمه انا رايحه دعيلي انقبل
ام فراس: روحي يمه الله يفتحه بوجهج مودعه بيد الله
سفانه: بست راسه وطلعت
زينة: هلا هلا
سفانه:هلا السلام عليكم عمو
ابو زينة: وعليكم السلام هلا بنيتي يالله امشونه وراي شغل
زينة: اكلج شبيج وجهج اصفر
سفانه: مابيه شي: كملن كلشي وبعدين كالو نرجعلكم خبر رجعت هلكانه
... 4سنوات مࢪت وانا بين الشغل وبين ادرس والحمدالله نقبلت معهد معلمين وتخرجت فراس طول 4سنوات ماعرف عنه شي قيصر من يوم نفصالي انا ويا ماعرفت شي عنه اخر ماعرفته خطب ونتقل بغير مكان اول بدايه جان هذه الخبر صادم وزعجني لان ماعرف اخباره ولا اشوفه بصدفه مادري ليش الحب نزرع بكلبي رغم هو جان يعملني بقساوه وكل هل صفنه وانا امشي وباوع الحالي معقوله انا هسه معلمه ومعقوله سفانه الي جانت تشغل خادمه هسه معلمه نتهدت وكملت طريقي راجعه من المدرسة الي انا ادرس بيها لكيت امي صابه الغده وصافنه: سفانه سلام
ام فراس: هلا يمه بدلي هدومج وتعاي تغدي وصيحي الصفاء واحمد بدربج
سفانه: خير يمه شبيج
ام فراس: ماكو شي
سفانه: لا مو على بعضج
ام فراس: والله ماضلي وجه اطلع ومد راسي استحي وانا كبرت وبعد مالي طاقة اتحمل مصايب وانتي شابه والجنت اكول يسندني بكبرتي مسجون صارله4سنين
سفانه: شي مضوجج
ام فراس: مضوجني حالي يايمه
سفانه: سلامتج يمه
ام فراس: انا فكرت اروح يم اهلي ظل
سفانه: ذبيت الخاشوكه بيدي وركزت نظري عليه: واحنه
ام فراس: الكم الله ويتامه تعيشون
سفانه: حس حترك صدري بهل كلمة بلعت غصتي/ليش هيج تحجين شني الكم الله ومادري شني غير وياج نروح شظلتنه هنا هو بس انتي ونندتجي عليج
ام فراس: ماكدر اخذكم وياي اخ يذولني بيكم واخاف واحد يسمعكم حجايه وانتي شابه واخاف عليج
سفانه: صدك تحجين يمه تخافين عليه من خوالي ومتخافين تعوفينه خوش يمه سوي الي يريحج/عفته وكمت والدموع بعيني باوعت على الغرفه اسمع شهكات ورا الباب دفعت الباب واحمد كاعد بالزوايه يبجي اول مره شوفه هيج هو دايمن هادى عكس صفاء وكح ويحب يشاقه: شبيك حمودي
احمد: مابيه
سفانه:اشو باوعلي
احمد: مابيه شي عوفني
سفانه:ليش تبجي محتاج شي احد ماذيك
احمد: امي ماتريدنه ليش
سفانه: لا حبيبي امي تريدنه اكو واحد مايريد جهاله كافي تبجي بس هي تعبانه
احمد بعصبيه: لاجذبين هي كالت وكالتلي انا وصفاء
سفانه: صفاء وين
احمد: مادري يمكن طلع
سفانه:انت لاتفكر هيج روح تغده ودرس لو اجيبلك غده لهنا انا اختك وشنو تريد تعال الي ماشي بسته من راسه وعفته وكمت ادور على صفاء هذه طايش
ام فراس: عليمن ادورين
سفانه: على صفاء
ام فراس: طلع
سفانه: اجيت اطلع ادور عليه بشارع بس كلت خل تاكد فوك السطح وصح لكيته فوك كاعد يدرس: ليش كاعد هنا تعال تغده
صفاء: ماريد
سفانه: شبيك صوفي
صفاء: مابيه جاي اقره شبيج جنج وحده تشتغل بالجنايات
سفانه: ههههه كوم تغده
صفاء: ماريد اريد فلوس
سفانه: لا والله كاعده على بنك امك كوم كوم
صفاء: ليش انتي احسن من امي اكلج انتي مو معلمه مادري حارس امني توكفين يم الباب
سفانه: صففااااء
صفاء: شبيج جاي اكلج قصدي مادرسني مافهم بالرياضيات
سفانه: يالله اتانيك حدر تغده ودرسك
صفاء: ماريد
سفانه: ليش
صفاء: تعرفين ليش
سفانه: نتهدت وكعدت يمه اخذت من ايده القلم صفاء اذا قصدك على امي فهي راح تروح فتره وترجع هم حقه شويه تعبت واذا راحت انا موجوده انا اختك وامك وشنو تحتاجه كولي انتم سندي يالله هسه كوم تغده وذكرالله علمود ادرسك /باوعت على عيونه صافن يريد يبجي وكوه مقاوم بسته من راسه وكمت
صفاء: مو كالتلنه تريد تزوج
سفانه: حسيت واحد ذب عليه سطل ماي بلعت ريكي ورجعت عليه /ليش تحجي هيج ياهو كلك هل حجي
صفاء: هي كالت
سفانه: كمت ارجع جسمي كله يرجف نزلت من الدرج مثل المخبله.م..... يتابع...
