قرة عيني الليالي
البارت2
#الكتاتبة_شاهي_شوكت
ام فراس:هلا ام لقاء تفضلي عليش واكف
سفانه:كتله بس تكول مستعجله
ام لقاء:اي والله بس اجيت علمود شغل
ام فراس:خو البيت مابي شباب تعرفين اخاف عليه نوب تلطخ
ام لقاء:لا محد وياه بعد العلويه ام قيصر ماكو منها
ام فراس:هاي هي جا
سفانه:يمته اجي وابدي
ام لقاء:بكيفج هي محد وياه بالبيت
سفانه:جا انه ماندل بيتهم صبري خل اجي وياج
ام لقاء:يالله
ام فراس:ديري بالج عليه
ام لقاء:لاتشلين هم
سفانه:لبست عبايتي وطلعت وام لقاء دخلنه للبيت ماشاء الله حلو طابق واحد بس حلو مرتب ومبينين اهل خير
ام لقاء:ام قيصر ها علويه نايمه كاعده
ام قيصر:تعاي كاعده
ام لقاء:جبتلج بنت لاتخافين ثقه وخوش بنيه
ام قيصر:هلا بيج تعاي عليش واكفه
سفانه:كعدت يمه باوع على اديه كله محابس واساور ذهب والكلاده الي لابسه مدري شنو شكله والله ظليت فاهيه عليه هاي المره محبه للذهب :سلمت وكعدت يمه ولحد هسه مامستوعبه الي لابسته من الذهب
ام قيصر:هلا بيج فهمتج ام لقاء
سفانه:اي خاله
ام لقاء:انه بعد رايحه تاخرت على البيت
ام قيصر:روحي الله وياج مشكوره ماقصرتي
ام لقاء:افا تدلل العلويه
ام قيصر:لتفتت على البنت مدكنه راسه للكاع :شسمه خاله
سفانه:اسمي سفانه
ام قيصر:يمه شنهي اسم يكطع الكلب
سفانه:هههههه اي خاله بس شنسوي عود تعودي تكولينه
ام قيصر:اسميج مريم حلو ويولكج
سفانه ببتسامه: هاي اليعجبج
ام قيصر:اخذي راحتج منااا ل١٠ايام محد
سفانه:هاي هي كايمه اسوي غده الج
ام قيصر:روحي بنيتي
سفانه:كمت نزعت عبايتي خليه على الكرسي غسلت المواعين الباقيه نضفت المطبخ ودورت على المجمده طلعت باجه لان هي مكسوره هذه يقويه تعذبت يالله لكيت البهارات والملح وهل سوالف بس بعدين بسرعه تعودت خلصت وخليت الجدر يفور ونضفت الهول كله جكاير مسحته ورحت كعدت يمه
ام قيصر:وين جنتي
سفانه:سويتلج غده ونضفت الصاله
ام قيصر:يااا جا ام لقاء كالتج بس الي معليج بالبيت
سفانه:ميخالف احلل خبزتي اكثر وبعدين البيت نضيف ماشاءالله
ام قيصر:عفيه الله يرضه عليج
سفانه:خاله عندج علاج ضغط سكر
ام قيصر:اي ضغط
سفانه:تاخذين عليه علاج لو لا
ام قيصر:بس وكت الضروره
سفانه:خاله انتي منين مكسوره رجلج
ام قيصر:من من الفخذ
سفانه:ياااا جا شون تكسر منا
ام قيصر: ياهو الاكل يتعجب هههههه بس بعد قدر ربج الحمدلله
سفانه: الحمدلله على كل حال خو ماتردين تغسلين
ام قيصر:اي والله علواه متت صار جثير مسابحه
سفانه:هاي هي جا خل اجيب الكرسي واجي
ام قيصر:بيج حيل
سفانه:اي خاله لاشلين هم متعوده شلت الاثكل بعد ههههه الله ينطيه الصحه والعافيه
ام فيصر:يالله اعاونج(اساعدج) انه هم
سفانه:اخذت ام قيصر للحمام نزعته عبايتي الاسلاميه وحجابي
ام قيصر:رحمه ولديج
سفانه:شسالفه خاله واجبي انه رايحه ارتب الفراشج واجيج
ام قيصر:هاي هي روحي
سفانه:غريت الفراش ورجعت اخذته للغرفه كعدته بفراشه وكعدت وراها
ام قيصر:ياااا شنهي جاي اسوين
سفانه:امشطلج شعرج علويه
ام قيصر:ههههه جا مو ايدي المكسوره رجلي
سفانه: ميخالف انه دوم امشط شعر امي
ام قيصر:الله يخليه الج ويحفظه
سفانه:الله يخليج ولدج وولد ولدج
ام قيصر:ولج انتي ام السان
سفانه:ههههه لا علويه /سفانه جاي امشط بالحجيه
قيصر:ماتحملت اظل هناك بالي امي اخذت اجازه وترجعت للبيت اول ماطبيت شميت ريحة طبخ اويلي شون ريحه حلوه معقوله ام لقاء هيج نفسه حلوه طبية وكل ظني محد يم امي
سفانه:كعدت امشط باام قيصر وملابسه حجابي وشوف واحد دخل علينه صديت على الباب وشوف بس خياله دار وجه وتعدز وطلع انه خجلت وبدي الكاع تنشك وتبلعني
قيصر: شفت وحده كاعده يمه بدون حجاب يابويه شلون فشله دورت وجهي وطلعت
ام قيصر:مشافج هذه ابني سيد قيصر لاتخجلين
سفانه بتسمت وهزيت راسي بس حيل نهظمت ودمعتي وكفت بطرف عيني شلون شافني هيج هسه شيكول عليه لبست حجابي وعبايتي ترخصت منه وطلعت لكيته ماهو يمكن بالغرفه شوية وطب الامه سمعته يحجي وياه حميت الاكل وصبيتلهم عيب هسه شيكول صبت بس الامي خليت الصينيه بالكاع دكيت الباب وطكيته ركضه للمطبخ
قيصر:يمه هاي ياهي شسوي هنا
ام قيصر:تبرايني يمه جا جندوب وذا رحت للدوام ياهو يمي
قيصر:صحيله خل تروح هسه انه يمج
ام قيصر:كوم شوف الباب
قيصر:فتحت الباب باوعت الصنينه بالكاع وهي ماكو هاي شبيه مخبله
ام قيصر:خطيه ستحت منك
قيصر:والله مادري ومشفتها
ام قيصر:تعال خل نتغده
قيصر:اي والله ميت جوع
ام قيصر:اسم الله عليك
سفانه:نضفت المطبخ وخليت القوري على الطباخ ووكفت ورا باب الغرفه /ام قيصر انه رايحه محتاجه شي
ام قيصر:لا يمه روحي ديربالج ع روحج
سفانه:الله وياج تظل عندج العافيه
ام قيصر:خو ماوحدج ترحين
سفانه:اي وحدي من رخصتج علويه
ام قيصر:لا يمه شلون وحدج هسه قيصر يوصلج
قيصر:جاي اشرب لبن وشركة بي
ام قيصر:اسم الله عيني ههههه
سفانه:عفته وطلعت الشارع محد بي الساعه ب٤ ومحد جا الوادم يمته تكعد /وصلت للبيت هلكانه
ام فراس:شني هنا هنا وين صار بيج الدهر
سفانه:ع كيفج ترى هو هذه شغلي
ام فراس:ياعيني غير اخاف عليج واول يوم
سفانه: لاتخافين العلوية طيبه وخطيه بس هي بالبيت
انه رايحه انام حتى على العشه لحد يكعدني
ام فراس:هاي هي يمه الله وياج
سفانه:نمت مادريت بروحي كعدت ثاني يوم عبالي الساعه ب٢ غسلت وجهي وباوعت على الساعه:عزا ب٦
ام فراس:صباح الخير شنهي هم نومه هاي
سفانه:والله تفاجئة مثلج هههههه
ام فراس:تعاي تريكي يمه وراج شغل
سفانه:اي يمه:كعدنه تريكت ولبست حجابي وعبايتي:يمه انه رايحه هسه ب٨ونص
ام فراس:الله وياج ديري بالج ع روحج
سفانه:ان شاءالله/مشيت واحس المنطقه مهجوله المشكله انه تجي تخيالات براسي مو طبيعيه وبسرعه اعيش فلم ومسلسل ادرامي ويا روحي
دكيت الباب محد طلعلي فتحت الباب وطبيت للمطبخ و.......
السلام عليكم قللت البارت بدل مجان ٢الفين كلمه صار٨٩٩كلمه 🥺🖐️
