#قرة_عيني_الليالي
#الكاتبة_شاهي_شوكت
#البارت56
سفانه: ليش قتلته
قيصر بحسرة: تصورني قاتل
سفانه هزيت راسي ب اي وانا دموعي مستمرة تنزل على خدي
قيصر:لاتبجين غسلي وجهج ونزلي ماعليج بيمامة ماتعرف شي
سفانه:هزيت راسي ب اي مسحت دموعي وجريت نفس: بيوم الي فتشو بيتنه شمدريك بفراس عندة مخدرات
قيصر بعصبية: ليش ترجعين تفتحين الموضوع
سفانه:اريد اعرف
قيصر اندريت علية: اذا احجي راح تصدكين
سفانه هزيت راسي ب لا رجع انطاني ظهرة مشة
قيصر:خليج هيج
سفانه: بس اريد اعرف
قيصر: ماعنده شي نحجي بي
سفانه اندار علية وعيونه حمر بلعت ريكي ورجعت حجيت: لا عندك
قيصر: ماعندي وانتها
سفانه عافني ونزل دكيت رجلي بالكاع غسلت وجهي ونزلت ور
منار: هاا حبي شلون صرتي
سفانه باوعت على قيصر الخازرني ورجعت نظري على منار بتسمت بمجاملة: زينة
منار: جان بقيتي نايمة
سفانه: لا مايحتاج
منار: وياي من رخصتك خوية نريدة شوية
قيصر هزيت راسي ب اي
سفانه:سحبتني منار من ايدي للمطبخ وكفت مقابلي مبتسمة هزيت راسي بمعنى شكو
منار: قيصر
سفانه: شنو
منار بمكر: قيصر اجة سال عنج وطار طير من كنالة فوك
سفانه: اي ويعني شنو
منار: شنو يعني شنو
سفانه:اي صعد فوك
منار: اي سوفلي الاحداثيات
شذى: يااحداثيات
منار: قيصر
سفانه: اشش سكتن واذا صعد قابل سوينه شي
منار بمكر: هاا
شذى: خير
سفانه: ماكو شي بس هاي اختج تحب تعيش الجو اروح اشوف يامن
منار: تعاي يايامن وركبته
سفانه بتوتر: ياركبة
منار: لج عيني ركبته مجرحه وكل شوية يخلي ايده عليها
سفانه: يجوز رشا شمدريني
شذى: كل هذه صاير وماتكولين
سفانه: كلشي مصاير شبيجن: عفتهن وطلعت من المطبخ صار بوجهي قيصر خزرته ودخلت الغرفة امة
