قرة عيني الليالي
#البارت5
#الكاتبة_شاهي_شوكت
قيصر رفعت تك حاجبي:عمج همم مو توج طحتي شسوين هنا
سفانه:ظليت متبسمره واجه ابالي التخيل الساعقي نفيت الأفكار الي براسي وركضت للجوا سلمت على الحجيه واني الخجل موتني لبست عبايتي وطلعت اركض نوب الشمس مادري شبيه وياي حار فتحت الباب لكيت امي شاده راسه وتبجي وأحمد وصفاء كاعدين يمه:خيرج يمه شبيج
ام فراس:بعد شبيه هل تشوفين حالي
صفاء:فراس كضينه(لازمينه )الشرطه
سفانه لطمت على خدي:عزا يمه صدك تحجين شمسوي فراس
ام فراس:ولج ابني فقير تربيتي واعرفه
سفانه:يمه احجي شبي فراس كطعتي كلبي
ام فراس:كاضين عنده اسلحه بس ممرخصه وحبوب مادري شني وهسه بسجن
سفانه كعدت بالكاع احسن واحد ذب عليه سطل مي رجعت باوعت على امي:هسه هو وين ياسجن
ام فراس: كومي عني مالي خلكج
سفانه:عفته وطبيت ومحتاره شلون راح يطلع مسحت وجهي وطلعت كعدت يم امي
ام فراس: سفانه روحي العمامج كليلهم
سفانه:يمه عمامي شسون كلمن متحار بروحه
ام فراس:روحي كليلهم يظلون عمامكم
سفانه:صار يمه صار ولو ادري مايسوون شي بس اروح دخلت الغرفتي تمددت فراشي نوب تعبانه وتلعب روحي استغفرالله بعد شيصير بينه غفيت شويه وكعدت الساعه ب٤ غسلت وجهي ولبست حجابي وعبايتي وطلعت لكيت امي نفس كعدته:يمه امشي وياي
ام فراس:انه حالفه ماروح روحي انتي
سفانه:يمه شكلهم امشي وياي
ام فراس:تعبانه ماكدر
سفانه:نفخت خدودي وكمت والله مليت وبزعت حتى من روحي كون سيارة بدون ارقام وانه طالعه من هل بيت اجرت كيه لان بيه ناس اخاف من التكسي وصلت المنطقة سالت عليهم والله حتى ناسيه بيوتهم دالني ولد صغير وراح قوية نفسي ودكيت الباب دكيت هواي وسمعت واحد
مجيد:جاي جااي شسالفه خسفتو الباب
سفانه فتحلي ولد شاب : السلام عليكم هذه بيت ابو مجيد
مجيد:اي تفضلي منو حظرتج انه مجيد
سفانه بفرح:صدك يعني انت ابن عمي
مجيد عكت حاجبي:هيو وين اعرفج شتردين من ابوي
سفانه:جايته بشغله اريد احجي
مجيد:اي تفضلي دخلي هسه اصيلحه
سفانه:هزيت راسي ودخلت كعدت على القنفات جانن بالطارمه شوية وطلع زلمه جبير وراسه كله شيب
ابو مجيد:تفضلي
سفانه:عمو تعرفني
ابو مجيد:اي اعرفج بنت اخوي محمد
سفانه: شلونك عمي
ابو مجيد:شوفت عينج خيرج شعجب جايه
سفانه:دنكت وحجيت بعبره:اخوي فراس
ابو مجيد:شبي
سفانه:بالسجن ومعدنه غيرركم واجيت انه حتى اشوفله حل انت وعمامي
ابو مجيد:وامج شبيه ماتجي لو تستنكف
سفانه:لا عمو بس امي مريضه مابيه حيل ومرتفع سكرها
ابو مجيد:شمسوي اخوج بالسجن
سفانه بحزن:كاضين(لازمين)عنده اسلحه ممرخصه وحبوب
أبو مجيد:ههههه وانتي جايه مناك لهناك علمود نساعده هه والله يستاهل هذه الي يذب روحه بهيج سوالف انه اخاف على ولدي ماكدر اسوي شي
سفانه:اخوي متاكده مسوي هيج عمي مالنه غيره رغم ماعايش ويانه بس سندنه هوه
ام مجيد:الي ذب روحه بهيج مطيسه هو يطلع روحه
سفانه هزيت راسي ودنكت:وطلعت بره البيت مهضومه كله منوره امي خلتني ادنك راسي الهيج ناس ولا عبالك منهم احنه مسحة دموعي وسمعت واحد يصيح وراي
مجيد:اوكف
سفانه:وكفت والتفتت عليه
مجيد:انتي اخت فراس
سفانه:اي
مجيد:انه ماكدر اسويلج شي بس عندي صديق اسمه سيد قيصر بالمركز لاتروحين للمركز بس ادليج بيته وروحي
سفانه:شلون
مجيد:انطيج عنوانه وروحي وانه اخابره وافهمه
سفانه ببتسامه:شكرا شكرا
مجيد:هههههه تدللين تعاي اوصلج
سفانه:لا شكرا اني اروح
مجيد:لا ميصير
سفانه:لا والله اروح وحدي باي
مجيد:براحتج هلا بيج
سفانه:خذت العنوان وصعدت بسياره حسيت عندي امل اخوي يطلع قبل مايوصل للقاضي كمت اسال عن البيت لمن اندليته وستغربته هو نفسه بيت العلويه ام قيصر معقوله هو نفسه ابنه رجعت سالت ونفس العنوان شككت الورقه ورجعت للبيت اعصابي تلفانه
ام فراس: ها يمه بشري
سفانه بعصبيه:شبشر يطبه مرض منو كله روح تاجر بهاي السوالف خل يخيس بالسجن يعرف روحه ماله سند شكو مولي بهل سوالف
ام فراس:شبيج كابه فهمينه شكالو عمامج
سفانه بعصبيه:كال خله بسجن مالنه غرض لاتكولين روحليهم بعد ماروح ماعترف بهذول عمام /ركعت باب الغرفه كمت ارجف من العصبيه دموعي مايبطلن محتاره شسوي احس روحي كبرت ٤٠سنه هدت وطلعت من الغرفته لكيت امي وجه اصفر ودموعه على خدها كسرت خاطري بس مابيدي شي:يمه كافي مايفيد البجي لايصير بيج شي وين انروح بهل ليل يمه رحمني
ام فراس:مو بيدي كلبي نار عليه هسه شسوله شكله اشرب كلبي نار
سفانه:بست راسه وكعدت يمه مسحت ادموعي:ميجد ابن عمي انطاني عنوان صديقه وكال انه اخابره وفهمه وانتي روحي عليه/من كتله هيج طفرت عليه مثل الجاهل وشاف امه
ام فراس:اي يمه روحي يعني يكدر يطلعه
سفانه:مادري يمه بس اعتقد يكدر يطلعه
ام فراس:روحي باجر بكلت يكدر يطلعه
سفانه اخذت نفس:يمه هو ٥سنوات ويطلع عادي خله يتادب
ام فراس بعصبيه: سفانه
سفانه:يمه ماروح خل يتادب
ام فراس بعصبيه:ولج سفانه ترى متحملتج كوه تروحين يعني تروحين
سفانه:وذا راد فلوس منين اجيبله فلوس
ام فراس:ادبر
سفانه:الله ينتقم من سفانه هو شترجه على الي سماني سفانه
ام فراس بصياح:لاتوللين ولج سفانه
سفانه:سكتنه سكتنه هف هف شلون عيشه منا فكور احنه وهذه اجنه طلعلنه بسالفه عوجه مثل وجه سويتلهم عشه محد تعشه رجعت للمطبخ وطبيت نمت لان تعبت اليوم كلش/فزيت على صوت الباب يندك لبست شالي وطلعت لكيت مره يم امي سلمت وطبيت للمطبخ سويت ريوك مالي خلك روحي طبيت لبست عبايتي ورحت لبيت ام قيصر واستحي شلون افاتح ابنه بالموضوع اوووف منك فراس دكيت الباب وطبيت لكيت ام قيصر نايمه سديت الباب ورجعت للمبطخ طلعت فورت الها حليب
قيصر:سمعت طكطه بالبيت عرفته اجت لبست فانلتي وطلعت اشوفه هي:صباح الخير
سفانه دنكت راسي شكد مستحيه منه: صباح النور
قيصر:اخذت القوري اريد اسولي جاي
سفانه:انه اسوي ميحتاج
قيصر:لا انتي عليج بس باامي
سفانه:لا ميخالف
قيصر:عفت القوري وكعدت على الكرسي
سفانه:الكلمه على الساني ماعرف شنو اكله شجعت نفسي وردت عليه:عمو
قيصر تنفرزت من كلمها بس عديتها:ها عمو
سفانه بلعت ريكي:ابن عمي يمكن خابرك علمود شغله
قيصر:كعدت حاجبي بعدين اذكرت ميجد صاحبي كال ابن عمي بالسجن بس لا هم بنت عم مجيد:لا والله ياهو ابن عمج
سفانه برتباك:مجيد
قيصر:هاا عرفته بنت عمه انتي
سفانه:اي واخوي بسجن
قيصر:اي كال مجيد ويمنه فراس
سفانه كلبي اجه ويطلع من مكانه من الفرحه:صدم صدك يمكم
قيصر:اي
سفانه:يعني تكدر تطلعه
قيصر:اي لان بعده ماواصل للقاضي
سفانه:صدك جا طلعه فدوه عمو ماعدنه غيره
قيصر:الله كريم
سفانه انتبه على روحي قريبه منه هواي بتعدت عنه:اسفه
قيصر:طلعت من المطبخ لكيت امي كاعده :صباح الخير حجيه
أم قصير: صباح النور يمه هلا بهل طول
قيصر:بست راسه وايده وكعدت يمه:شهل الغزل اليوم
ام قيصر:هههههه جا غير هل وجه الحلو كبالي شريد بعد
قيصر:الله يخليج الي
ام قيصر:يوم الشوف جاهلك
قيصر:ها يمه مو جنه حلوين
ام قيصر:هههههه
قيصر:يمه اسالج سوال بس لاتفهمين غلط
ام فيصر:كول يمه
قيصر:البنت التجي يمج مزوجه
ام قيصر بعصبيه:شنهي ياقيصر
قيصر:مو كتلج لاتفهمين غلط
ام قيصر:ليش تسال
قيصر:اخوه بالسجن وكلفوني اطلعه
ام قيصر:يا خطيه سوده عليه
قيصر:هسه ماجوبتي
ام قيصر:مادري بس هي مامزوجه بعدهي
قيصر:مممم
ام قيصر:ليش ولك
قيصر:شبيج يمه رايح اجيب الريوك/عفت امي وطلعت لكيته جاي اشيل الصينيه :عوفيه انه الشيلها
سفانه:هزيت راسي وغسلت اديه
قيصر:مسمسكات اخوج عدكم
سفانه:لا عنده
قيصر:اتريك ونتفاهم
سفانه:هزيت راسي وهو راح وانه بديت انضف عجنت وطلعت لحم
قيصر:مشغوله
سفانه:لا
قيصر:زين اذا ماعندج شي خل نتفاهم
سفانه:جريت الكرسي وكعدت :معندي شي
قيصر:هو عدنه لازم مسمكاته ويكلف طلعته مليون لو اكثر
سفانه:يعني شنو مليون
قيصر:غير غرامه
سفانه بدموع:احنه ماعدنه هيج ملبغ
قيصر:انه ادفعه
سفانه:لا مشكور ماكدر اخذه
قيصر:اخوج ينسجن
سفانه:بس ماكدر اخذ من احد
قيصر:هسه اجيج
سفانه:طلع بره يخابر شوية ورجع عليه
قيصر: سفانه
سفانه:فرعت عيوني بعيونه
قيصر:باوعت وفقدت السيطره والشامه نستني شني ردت احجي وفلتت من الساني:نزوج
سفانه........يتابع......
تفاعلكم حبايبي
