قرة_عيني_الليالي
#البارت29
#الكاتبة_شاهي_شوكت
سفانه: من صدمتي ماعرفت شسوي فقدت كل حواسي كمت املخ بروحي تملخ ركضت كضتني بيان وام قيصر دفعتهن وطلعت اركض ماهمني لبسه شال او لا حافي او روحي راحت عبالك طير مذبوح وصلت الباب بيان وبنين يصيحن وراي وانا فاقده فتحت وركضت بشارع مثل المخبله دموعي حركت خدودي وصلت النهايه الشارع عيوني غوشت شفت واحد نزل من السياره حسيت اكو ايد جرتني عيوني مشوف بيهن فاقده الاصوات الي اسمعها بعيده فزيت من صدمتي على راشدي قوي صحه كل حواسي
قيصر بعصبيه: شسوين بالشارع ولا حجاب ولا شي
سفانه بصياح: عوووفني وخر عني
قيصر جريته من ايدها بعصبيه ودي ادفنها صعدت بالسياره وصعدت
سفانه جرني من ايدي حسيت ايدي نكسرت بيده ندريت عليه بعصبيه: انت مادخلك
قيصر: سدي حلكج وين طالعه وهذا حالج
سفانه دموعي نزلن حسيت روحي ضايعه: الله يخليك اخذني الفيصل ابوس ايدك
قيصر: اخذج وانتي هيج حالج كل عقلج
سفانه: زين البس شالي واجي وياك
قيصر: ماخذج ظلي بالبيت
سفانه: ابوس ايدك اخذني كلبي نار عليه
قيصر عصرت ايدي حيل: لاتنزلين خل ادخل السياره
سفانه:دخل السياره للبيت نزلت كبل ركضت للغرفه لبست شالي وعبايتي ونزلت: وين قيصر
رشا: شتردين من قصير لو ماصدكتي فيصل نكتل جلبتي بثاني
سفانه: كتلج وين قيصر
رشا: اشو ماتستحين انتي
سفانه: عفته وطلعت للطرمه لكيته يخابر وام فيصل يمه: يالله اخذني
قيصر: وين اخذج
ام فيصل:اخذها يمه اخذها
قيصر: وين اخذها المستشفى مكلوبه فوك حدر خل تكعد
سفانه: طلع قيصر وروحي مفرفحه
ام قيصر: على كيفج ويا روحج يمه
سفانه: كعدت بالطرمه وكلبي نار دموعي مينشفن كلبي مقبوض صار اليل وماكو خبر ولا قيصر اجه طمنه
ام قيصر: يمه كعدتج برا مامنها فايده دخلي ام فيصل من تشوفج هيج نوب تزيد كومي يايمه ودعيله ان شاءلله مابي شي
سفانه: ان شاءلله خليني هنا مرتاحه
ام قيصر: كعدتج مابيها فايده ياامي
سفانه: هزيت راسي بعتب وكمت طبيت للمطبخ روحي مختنكه جريت نفس وكعدت بالكاع ولميت رجليه الصدري وخليت راسي بين رجليه مادري شكد مر وقت واني على هل كعده احس روحي بين كاعده وبين شبه فاقده الوعي دكات كلبي المتسارعه تخنكني جريت نفس ورفعت راسي قيصر كبالي كمت على حيلي وكفت مقابله: شلونه
