قرة_عيني_الليالي
#البارت20
#الكاتبة _شاهي_شوكت
فيصل: احم السلام عليكم
سفانه: بقيت تنفس السريع احس النفس مايدخل بريتي بشكل كامل: كعد على القنفه... وعليكم السلام
فيصل: تعاي ليش واكفه
سفانه: كعدته مقابيله بغير قنفه
فيصل: شلونج
سفانه: بخير
فيصل: هزيت راسي: عساج دوم
سفانه: يمكن شذى كالتلك
فيصل: هزيت راسي: اي
سفانه: انا ماقابله بهل شي
فيصل: ولا يهمج
سفانه: فتره ونفصخ الخطوبه ونكلهم ماتراهمنه
فيصل: ولا يهمج
سفانه تنفرزت منه يحجي ابرود
فيصل: خل نكون واقعين
سفانه: ميلت راسي بعلامة عدم فهم
فيصل: عندي بنات اثنين وهنه روحي من الدنيا مستعد اذبح اي شخص يغثهن لو جان ابوي
سفانه: باوعت عليه بستغراب
فيصل: اخاف الج نيه تحاجين وحده بيهن
سفانه: درت راسي بنزعاج
فيصل: المهم احم حظري روحج عكبه اجي اخذج
سفانه: وين
فيصل: للبيت
سفانه: شني بيتيش مو كلت فتره نفصخ
فيصل: باجر
سفانه: باجر شنو
فيصل: اخذج
سفانه: استغفر الله: درت راسي بنزعاج
فيصل: لبسي هسه
سفانه: لتفتت عليه باوعله بصدمه
فيصل: اذا تعترضين هسه اخذج بهذه لبسج
سفانه: سكتت لان مبين عليه اخبالات
فيصل: عرس ماكو وين تردين اخذج نروح فندق نظل بي يومين ونرجع لان ماني فارغ ولا انتي زعطوطه وتريدن بدله وسوالف المالها داعي
سفانه: سكتت
فيصل: انا كلت الخالج والعمامج ومحد اعترض واعتقد اعراضج مايكول خبز
سفانه: انت اذا مجب... قاطعني وهو يخلي صبعه فوك شفته
فيصل: اششش معليج
سفانه: استغفر الله (بكلبي)...اخلص من قيصر يطلعلي فيصل واحد اضرب من الثاني...كمت فتحت الباب وطلعت محد بالبيت الكل رايح
شذى: هاا حب
سفانه: هاا
شذى: ماكو شي يالله انا رايحه ومبروك مره ثانيه
سفانه: الله يبارك بيج حبيبتي.... ودعته ورحت الغرفتي لكيت بيها كارتون فتحته بيها علب عرفته ذهب خليته بالكاع ونزعت بدلتي وفتحت التسريحه ميته نعاس سبحت على السريع وركضت لفراشي الحلو نمت كبل كعدت الصبح راسي مصدع باوعت على الساعه ب7:30ص غسلت وجهي
احمد: صباح الخير يحلو
سفانه: صباح النور
صفاء: مبروك حبيبي
سفانه: حظنته حيل
صفاء: وخري خنكتني راح اخلص منج
سفانه: يااا هيج صارت
احمد: عمي هو بحالج هسه يجي يمه ناجي ابو الحانوت
صفاء: انت اله تعكر مزاجي
احمد: حبيت اذكرك عزيز
سفانه: عدكم اليوم دوام
احمد: ايي
سفانه: جا خوش دام بدلت اروح وياكم بعد وكت خل سوي ريوك
صفاء:نسدت نفسي
احمد: هسه انطيك مشهي...تذكر ام الشكر لمه
صفاء: اي، هيج عدل مزاجي
احمد: هههههه يالزاحف
سفانه: خيرر مني هاي ام الشكر لمة
صفاء: ولج هاي طركاعه تشك شك تطلع شعرها من الحجاب وشكره وهي بيضه العيون تستحي تباوع بيه والصدريه متفصله تفصل عليها وكصيره شويا والرجلين يلمعن
سفانه: ماشاءالله ابد مامركز يمه
صفاء: هسه غير هي تصيح الامها وابوها باوعلي مو حظي ناجي ابو الحانوت
سفانه: ولك شبيها ذكرى تخبل
صفاء: اي بلون الباب
احمد: كااافي هاي شبيك
صفاء: استغفرالله
سفانه: تريكنه... اندك الباب واحمد راح فتحه: ياهو
احمد: صاحبتج الصاكه
سفانه: طكيته على راسه بخفه: تادب... كمت
شذى: صباح الخير
سفانه: صباح النور تفضلي
شذى:يلا حب دامج مبدله امشي
سفانه: وين
شذى: لسوك
سفانه: شسوي
شذى: يعني واحد يروح لسوك شسوي يلا هاي مرت خالج هل اجت
ام فلاح: صباح الخير عروستنه
سفانه: صباح النور
ام فلاح: يالله يمه ستعجلي ماظل وكت
سفانه: شسالفه شكو
ام فلاح: فيصل يجي العصر ياخذج
سفانه: وين شني هي لعبه بكيفه هو
شذى: هاي شبيج
سفانه: شني شبيه وين ياخذني بكيفه هو
شذى: تره زوجج هو مايريد يسوي عرس كال نروح المكان وهو عنده شغل
سفانه: ومجبور يزوج انا ماقبل... نزعت الحلقه... وهاي انطيه اله مازوجه شني اهلي بايعني عندي اخوان صح اصغر مني بس الهم الحق
ام فلاح: اخوانج يدرون يمه انتي مامسويه جريمه هذه حق
سفانه: عفتهن بالحديقه وطبيت لصفاء واحمد صفاء ياكل واحمد كاض كتابه ويقراه.....رايحه انا
احمد: وين
سفانه: لسوك
صفاء: ويامن
سفانه: ويا شذى
احمد: هاا روحي
سفانه: اكلكم
صفاء: كولي
سفانه: انتم تدرون
صفاء: اذا قصدج على العينتين مالتج اي ندري
سفانه: هزيت راسي وطلعت ويا شذى ومرت خالي الي ماخلت شي ماشترته وانا تكسرت ومالي خلك
شذى: امشي لذهب
سفانه: شنسوي رايحين
ام فلاح: يعني شنسوي غير نشتريلج ذهبات
سفانه: ماريد عندي مالت البارحه كافي
شذى: براحتج
سفانه: اجرنه تكسي ورجعنه رجليه مااحس بيهن باوعت على الساعه ب2 الظهر
شذى: شراح تلبسين
سفانه: دشداشه لو بنطرون وفوكه كاب
شذى: بربج
سفانه: اي
شذى: صدك تحجين
سفانه: اي شبيج
شذى: اشو سكتي لا اجي اموتج شني هل فهاوه هاي
سفانه: ياالله هسه وين رايحين الحلفه
شذى: ولج عرسج اليوم عرسج وتكلي حفله
سفانه: وشكو بيها هسه وين رايحين الجزر المادليف.... عفته وكمت فتحت الباب
بنين: سلا عليكم
سفانه: وعليكم السلام.. عرفته اخت شذى لان اعرفه
بنين: تاخرت مو
سفانه: لا هسه توه اجينه من السوك
شذى: ولج بنونه تعاي لحكيني راح تجلطني هاي
بنين: ليش، شكو
شذى: اكلها شتلبسين تكلي دشداشه لو بنطرون
بنين: ههههه ياا لبسي فستان خوب
سفانه: اختنك هو انا البارحه واختنكت
بنين: لا لبسي شي خفيف وترتاحين بي
سفانه: عندي دشداشتي الاعجن بيها البسه كافيه على فيصل
شذى: علمود يشكه على راسج مقهوره عليه شلون راح يتحمل فهاوتج
سفانه: سكتت.. وهي اخذت جنطه خلت بيها شكم شغله وعزلته وباقي لمته
شذى: راح اخذته انا ومرت خالج للغرفه ترتبها
سفانه: بكيفج انتي اعرف
شذى: بنون ماوصيج
بنين: ولا يهمج
سفانه: شذى راحت بقت يمي بنين وصمت سيد المكان
بنين: احم انا اعرفج شي
سفانه: شلون
بنين: ماريد شايفتج
سفانه: وين
بنين: مادري بس يمكن جنتي تجين النه
سفانه: جنت اروح الام قيصر
بنين: انتي الي جنتي تشتغلين عنده ويريدج قيصر
سفانه: بلعت ريكي بتوتر.... احم لا مو انا
بنين: لا انتي لاجذبين سفانه عبالج ماعرفج
سفانه: دخيلج سكتي
بنين: ليش عفتي اخوي
سفانه: سدي الموضوع بنين
بنين: اريد اعرف
سفانه: هو مايريدني وبعدين جنه فترت مراهقه وانا ندمانه
بنين: اذا بكلبج اذرت مشاعر القيصر عوفي فيصل البي مكفي
سفانه عكت حاجبي: شقصدج
بنين: ماكو شي تعاي خل سويلج شعرج
سفانه: عفته ودخلت لحمام بجيت و شلغت المي علمود مايطلع صوتي.. دكيت على راسي بكلبي غصه... كااافيي انسي انسيي مايريدج ازووج هو عنده عائله يحب مرته ماااختارج كافيييي... شهكاتي ماكدرت اسيطر عليهن وكل شهكه احس روحي تريد تطلع تمنيت اموت بعد حاله من الهستريه غسلت وطلعت هلكانه وراسي يوجعني كد مادكيت راسي وملخت شعري
بنين: شبيهن عيونج باجيه
سفانه: لا الشامبو حرك عيوني
بنين: زين تعاي سويلج شعرج
سفانه: هزيت راسي كعدت ... هي تسولف وانا بالي مو يمه حركه احس بصدري اجه احمد وصفاء سلمت عليهم
مادري شلون راح افاركهم وخايفه من الشخص الراح اعيش ويا والموترني اكثر صارت بسرعه بسرعه مادري شني المانعهم ينتظرون شويا عل اقل سبوع هو مبين من هسه راح يطيح حظي دام شخص متحكم غسلي ايدج يا سفانه حظج عوج قبل وهسه نتهدت لبست فستان ابيض وعادي كلش مستور لفيت شعري كعكه والمكياج على بنين مانتبهت عليه اصلن اجت مرت خالي يمي وخالي وعمامي بالديوانيه شذى كاعده بصفي وبنين علامات القلقل عليها شويا وصاحلوي سلمت عليهم ونزلت الحنيه عليهم بتمثيل محد يكدرهم لبست شالي وصايتي وطلعت وياي شذى الطريق الكل ساكتين وهو بس يحش جكاير
شذى: فيصل كافي جكاير السياره نترست
سفانه: فتح الجامه وذب الجكاره
فيصل: اوصلج ونروح احنه
شذى: لا اروح وياك واخابر قيصر لو سلام يجي ياخذني
سفانه: هز راسه ودار وجهه لجهه ورجع باوع كدام... وانا ذكرت قيصر احس بروده صارت بعضامي عكت وحواجبي بنزعاج (بكلبي.... هسه هذه الا يذكرون اسمه كدامي ناوين عليه.... صحيت من صفنتي على فتحت السياره نزلت وياهم باوعت فندق.... هاي ليش هنا احنه
شذى: يعني برايج ليش غير معرسين
سفانه: اي ميحتاج
شذى: لا هنا تاخذون راحتكم يالله امشي الاخ بايع ثكل اليوم وجهه مغيم
سفانه: باوعت جان يحاجي وياخذ المفتاح نتبهت عليه لابس دشداشه بيضه وشماغ عبالك خليجي وواضح اني كدامه اصير كنفذ طويل وضخم
سفانه: اكلج ليش لابس دشداشه
شذى: جا شيلبس ههههه شبيج هو يحب الدشداشة وحظري روحج مايحب ينغسلن بغساله
سفانه: مبين نفسيه
شذى: ياا ولج رجلج اكو وحده هيج تحجي على زوجها بيوم عرسه
سفانه: اي شكو بيها معقد حتى عرس ماسوا عبالك بكينله بوكه
شذى: هسه على العرس كالته روحج هيج احلى واهدئ وهو ماله خلك هل سوالف بعدين انتي الثالثه
سفانه: درت وجهي عليه بتفاجئ وهو صاحلنه... رحت اله ومشيت وراها اخذت المفتاح معنده.... ليش ظل جوا
شذى: هسه يصعد جاي يدخن
سفانه: بعد احسن
شذى: شني
سفانه: ماكو شي.... طبينه للغرفه تجنن نزعت صايتي وكعدت على القنفه
شذى: هاي جنطتج واذا تحاجيني شي خابرني وانا اجيج لو تكولين الفيصل
سفانه: هزيت راسي
شذى: يالله كلبي تصبحين على خير وبالرفاه والبنين
سفانه: طلعت ولكاها فيصل.... سلام جوا
شذى: يالله خويه دير بالك عليه تره فهاوه هي
سفانه: هز راسه وسد الباب واجه بتجاهي يمه احس كلبي بده يركص جوبي من التوتر بعلت ريكي ودرت وجهي عنا وكف كدامي
فيصل...ك... يتابع
