#قرة_عيني_الليالي
#البارت25
#الكاتبة_شاهي_شوكت
سفانه:صفنت بعيونه ذبلانه اديه محاوطه خصري بقوه قاطعت سلسلت افكار صوت انا ادفعه
رشا: قيصر
سفانه:بلعت ريكي صفنت بوجهه رشا
رشا بصياح: شعندج هناا هاا
سفانه: معندي شي شبيج
رشا: لا والله تمشين عليه هاي سوالف
قيصر وهو صاك سنونه: سدي حلكج
رشا بصياح: لا والله ولا اسد حلكي
ام فيصل: خير يمه شبيكم
رشا: تعاي شوفي جنتج جانت بحضن رجلي
قيصر بصياح سدي حلكج امشي جدامي للغرفه
رشا: لا والله مارايحه للغرفه ولا اي مكان وين فيصل خل يشوف مرته
سفانه: احترمي نفسج خوش
رشا: عيني منو يحترم نفسه جان ستحي على نفسج مكفاج حضن رجلج درتي على رجلي ولو انتي عندج سوابق
سفانه: هجمت عليه كضتني ام فيصل وقيصر سحل رشا للغرفه: تعاي اشوفج المنو عندها سوابق ام فيصل سدت حلكي واجني صوت رعبني
فيصل: قيصر عوف مرتك
سفانه: صفنت بملامحه هدوئه رعبني بكلبي ادعي انو ماسمع شي
فيصل: سفانه الغرفتج
سفانه: هزيت راسي وكبل طرت الغرفتي دكات كلبي المسرعه خنكتني اوصالي ماسيطر عليهن ختنكتني العبره بس مابجيت بقيت افتر بالغرفه اروح وارجع نفتح الباب وماعت روحي كل ضني راح يكتلني تقرب يمي دنكت مالي عين اباوع بوجهه
فيصل بهدوء: رفعي وجهج
سفانه:بقيت مدنكه وكلبي احسه راح يطلع من مكانه تقرب مني ورفع وجهي بصبعه
فيصل بهدوء:سفانه
سفانه: صفنت بملامحه الهدئه فيص.... قاطع كلامي
فيصل: اشششس
سخانه: اخذني من ايدي وكعدني على جربايه يمه
فيصل: اريد اسمع منج كلشي
سفانه: شتسمع فيصل يعني ماصدكني
فيصل: جنتي تعرفين قيصر من قبل
سفانه شحيت نظري عنه ونصدمت وخفت لا قيصر كايله شي
فيصل: احجي
سفانه: لا
فيصل: باوعي بعيوني واحجي
سفانه: لا والله
فيصل: اعرفج جاي جذبين عليه
سفانه: جنت بس اشتغل بيتهم من عمري صغير لان امه نكسرت رجلها وهو ماموجود وساعد اخوي فراس طلع من السجن
فيصل: وبعد
سفانه: بعد ماكو
فيصل: اكيد
سفانه: هزيت راسي ودنكت
فيصل: كومي
سفانه: وين
فيصل: لمي جنطتج تروحين بيت اهلج
سفانه: ليش
فيصل:.....
سفانه بخوف: راح اطلكني
فيصل:....
سفانه:فكرت انو هو يطلكني اكلت نص تفكيري خفت لا قيصر او رشا حجت شي ماحضرت جنطتي رحت تمدد وغمضت عيوني كلبي معصور وغصه بلعومي وخفت لا صدك يطلكني غفيت وانا الف فكره بالي كعدت على صوت الباب هو طلع غسلت وجهي ونزلت سلمت على ام قيصر ورشا وجهه مخربط وبس تخزر بيه
رشا: شعندج نازله مكفاج السويتي
سفانه: درت وجهي منها وكعدت اكل
رشا: سم كون ابطنج
ام قيصر: اكلج رشيوه اشو انتي متحترمينه
رشا: خاله
ام قيصر: كعدي يمه مو طاكج قيصر طلعين حركتج بهل مسكينه
رشا: لا والله خاله انا المسكينه مو هاي
سفانه: نفرزتني اجيت ارد وباوعت على الباب فيصل واكف بزي العسكري اول مره انتبه عليه الملابس مرتبه عليه البريه بيده وعطره من شميت عطره خزرته مادري ليش صعدت عندي الغيره
فيصل: سفانه صعدي الغرفتج
سفانه: صعدت الغرفته مثل الخوش بنيه وهو وراي يمشي
فيصل: مو كتلج حضري جنطتج
سفانه: ماروح
فيصل: مو بكيفج بسرعه وراي شغل
سفانه: ماريد اروح
فيصل بحده: سفانه
سفانه: طلعت جنطتي بعصبيه وخليت بيها شكم غراض لبست شالي وعبايتي وهو قفل باب الغرفه ونزل قبلي حتى ماباوعلي وصلني للبيت وراح
احمد: ياهلا بهل طله الحلوه
سفانه: هلا بيك شنهي هل جوله هاي
احمد: هههه صفاء ومرته جنهم ديوجه يتعاركون بس البقبق بيق بالبيت
سفانه: هههههه تعال يمعود وكت ضحكك /طبيت للبيت صفاء يدك على باب الغرفه ويصيح وهي بالداخل تحجي وتغلط ركضت على صفاء وخرته: يمعود شبيك
صفاء صفنت بوجهه سفانه مامستوعب حضنته حيل: اووف
سفانه: حبيبي يروحي شبيك عصبي
صفاء: سفانه تعبت
سفانه: عسا التعب بيه ولا بيك تعال حبيبي ليش معصب وتصيح صوتك راح/صفن بوجهي وعافني وطلع من البيت: احمد روح ورا اخوك
احمد: عوفي هو من يضوج يحب يظل وحده روحي رتاحي انتي
سفانه هزيت راسي وطبيت للغرفه فرشت وتمددت وبالي فيصل وخوفي يطلكني نتهدت ورفعت موبايلي رفضني تعصبت كطفت الموبايل بالكاع ونمت
........
صفاء.......
زواجي من زينه جان جحيم ابد ماتقبلتها عزلت روحي عنها كل همي اخلص من السادس حاولت تتقرب مني بس جنت اصدها بالي مو يمها كل عقلي السادس ومعدلي جانت ضوج وتظل تحجي ولا ادير بال
زينه: مو كافي دراسه
صفاء: تظلي شتردين
زينه: يعني اريد انام شلون
صفاء: وياهو كاضج نامي
زينه: جا وانت متنام
صفاء: لا بعد بيه حيل ادرس
زينه نتهدت وكعدت يمه جنت اريده بس يتقبلني كل همه جانت دراسته ضجت وكمت اغار حتى من الكتب رحت للمطبخ سويتله اله صحن فواكه ومكسرات خليته على الميز رفع راسه وصفن بوجهي مانكر فرحتي بوقتها بتسمت: تساله بي
صفاء ببتسامه: شكرا
زينه: الدنيا ماوسعتني من بتسم وبوجهي رحت نمت وانا بداخلي فرحه الاول مره صفاء يبتسم ويحاجني بهدوء قررت تستعمل ويا هل طريقة وكمت كل مااشوفه يدرس اجيبله شي ساعه كهوه ساعه عصائر وكل همي انو صفاء يحبني ويتقرب مني بس جان العكس يصدني اكثر: صفنت عليه وهو لابس نظارته الطبيه ويدرس بتركيز تغلبت عليه غيريتي من الكتب وغمضت بقوه فتحت عيوني شفته ذب القلم بالبيده وراح نام نتهدت درت وجهي ونمت
.........
سفانه: كعدت مرعوبه على صوت صياح صفاء يكتل بزينه وهي تبجي: دفعته وطلعه احمد برا
صفاء بصياح: عووفني وخر اذبحها اليوم
سفانه: كومت زينه خذت للغرفه: شبيج انتي ويا
زينه بدموع: ماسويتله هو على اقل شي يكتلني من ازوجنه لحد هسه هو هذا تعامله وياي سفانه تعبت والله
سفانه: راحتي انتي هسه اجيج:طلعت برا ادور عليهم ستغربت من اوضع صفاء يبجي وملابسه مشككه واحمد حاضنه: شبيك صفاء
صفاء بصياح: تسالين شبيه كتلج طلعني من الورا الورطت روحي بيها لكيتج انتي اول ناس عايفتني
سفانه: كعدت يمنه وحضنته دفعني:انا اعوفكم انا اعوف الدنيا كلها وابد ماعوفكم انتم روحي من الدنيا ماعندي غيركم
صفاء: ولج سفانه تعبت تعبت
سفانه: ليش تبجي شبيك انت وزينه
صفاء: لا جيبلي طاريها هسه اكوم اذبحها
سفانه: ليش
صفاء: اجي تعبان وطايح حظي من الامتحان اجي الكه كتبي محروكه ملازمي دفاتري شسوي وانا عندي امتحان تعبي راح
سفانه:لا تعبك مايروح كوم اذكر ربك ان شاءلله تنحل
صفاء: ان شاءلله
.....
سفانه: مر شهر وانا بالبيت يم اخواني فيصل ابد ماسال عليه ولا موبايله مغلق اشتاقيتله اعصابي تلفت كد مافكر بي نتهدت كعدت المغرب بالحديقه اازرع
زينه: شبيج ضايجه
سفانه: مضايجه صفاء وين
زينه: نايم
سفانه: هزيت راسي ورجعت دنكت على الكاع بيدي سجينه احفر بيها وخلي بذور تكفيري مو يم زينه بالي يم فيصل صفنت واني اتخيل ملامحه حسيت شي مالح بحلكي نتبتهت على روحي اكل بالتراب
زينه: يااا تخبلتي
سفانه: يااا والله ماحسيت على روحي عفته وكمت وانا مزعوجه من روحي شلون كليت التراب ندك الباب ورحت فتحته بعصبيه هدئت ملامحي#قرة_عيني_الليالي
#البارت25
#الكاتبة_شاهي_شوكت
