#قرة_عيني_الليالي
#الكاتبة_شاهي_شوكت
#البارت37
سفانه: خليته على الميز فتحته شوف شكو بيها ونفتح الباب توسعت عيوني من الصدمه اجه فراس اخذ مني الجيس بسرعه بعدني بذهول وصدمه جنت شاكه انو البعلاكه شي مو زين بس ماشفت شي بسرعه اخذه مني
فراس بعصبيه: شسوين
سفانه بعصبيه: شنووو بالعلاكه
فراس: مالج دخل طلعي
سفانه: انطيني العلاكه
فراس: كتلج ماانطيها طلعييييي
سفانه اجرئت سحب العلاكه بقوه طاح اجيس منه نص الطشر بالكاع مثل طحين مدري شنو فلوس
فراس بعصبيه: ولللجججج شسويتي شسوويتي
سفانه بصياح: شنووو هذه لاتخبلني شنو هذه فراسسسسس
فراس: طللعييييي ولج شسوي بيج هسه طلعي
سفانه بصياح: مااطلعععع اذااا ماتفهمني هذه شنووو
فراس: ماكو شي
سفانه تعصبت جريت منه العلاكه هو سحبها من بقوه نشكت طاح منها نفسه الي طاح على الكاع فلوسس كلبي دكاته اسارعت: منيلك هاي فلوس انت جنت بالسجن
فراس بصياح: شنووو انتي وتحاسبني اخاف عبالج احمد وصفاء سوجج مره عليه
سفانه تفاجئت برده العداي: فراس انا اختك واخاف عليكم اكثر من روحي كلي هذه شنو نهسترت ظليت ادك على خدودي واصيح: وللللك صفيت ماي عيوني عليييك نكسررر ظهري الخاطر عيونك وشوووف طولك جدامي ولللكك هيج تحجججي ولك اجيت اخسر كلششي الخاطرككككككك نهاريت كدامه وهو مصدوم مني تقرب مني قيد حركتي خدودي مااحس بيهن كد ضربتهن دموعي نار على عيوني حجيت بصوت مبحوح: كلي ولك فراس لاتكسر ظهري منيلك هاي فلوس هذه شنو بالكاع احجيي
فراس: كافي ولج لاتتخربطين كافي
سفانه: عساني بموتتت ورتاح /ضمني الصدره حضنته حيل خايفه عليه خايفه لفلوس بايكه او مسوي شي مو زين دفعته وانا ابجي: احجي هذه شنو فراس اروحلك فدوه احجي عليك روح ابوي احجي/عافني ودنك يلم مدري شنو بالكاع خله بجيس
سفانه: دنكت يمه اجيت اشمه دفع ايدي بسرعه
فراس: لا شمينه
سفانه كعدت حاجبي بلعت ريكي باوعت عليه وعيوني نترسن دموع حجيت برجفه مخدرات /ظل مدنك ويلم بي ماتحملت صرخت عليه: ولك احجي هاي مخدرات احجيييي
فراس: اسكتي لحد يسمع اسكتي
سفانه: احجي فراس احجي كول لا
فراس: احجي والله احجي بس سدي حلكج فضحتني
سفانه: كعدت على جربايه ابجي عيوني عبالك بيهن
طن ملح كد ماابجي صدمتي باخوي مو شويه
فراس: هاي اخر شي راح ادزه ووعدج بعد ماادخل بيها
سفانه: من شوكت انت تشتغل بهاي سالفه
فراس: من اول مره نسجنت بس طلعت بسهوله
سفانه بتمست بستهزء مادري اجيت ابيع روحي
