قرة_عيني_الليالي
#الكاتبة_شاهي_شوكت
#البارت43
لفيت شالي رحت اسده وصلت النص الطريق وسمعت طلقه وشطحه مالت سياره على صوت الطلقه صرخت بعالي صوتي وعيوني غوشت اريد اوصل للباب ماكدر رجليه ترجف دكات كلبي تسارع طلع احمد يركض عليه صاح عليه الساني انربط بس اشار على الباب عافني وركض رجع وكف الباب وصاح على صفاء وبيده ابني روحي رجفت من الخوف رجليه بعد ماشلني شفت ياريت ماشفت احمد شايله وكله دم من صدمتي لطمت وملخت روحي بذيج لحظه ماعرف شسوي بروحي روحي فرفحت فقدت ملخت شعري ركضت طلعت برا الناس كله برا ملتمه روحي تلوب ركضت ورا احمد شايل ابني ماميزته ياهو منهم صعدو بسياره واخذو كلبي وكف ابني شطلعه وهو حتى مشيه مو كلش ياهو فتح الباب كعدت بنص الشارع ادك والطم رجليه بادن عيوني سوداء، اجت مره ذبت عليه عبايه رجعت للبيت اركض وانا روحي ترجف ردت تاكد مو ابني مو واحد منهم دخلت للهور يامن كاعد ويلعب يعني علاوي كعدت اصرخ بالبيت ريجته رج 3ساعات وماكو خبر منه وانا روحي تلوب كمت اخذت يامن وفلوس وطلعت مادري يامستشفى اخذو طلعت لكيت سايق جيرانه هو الاخذهم سالته كال حولو غير مستشفى يمكن رحت على شارع اريد سياره توكف ماكو امشي بغير وعي وكفت سيارة صعدت ورا بدون مانتبه كلته دويني للمستشفى الطريق صار عليه سنه مو ساعه انطيته كروه حتى مانتبهت شكد ركضت الطوارئ لكيت احمد كاعد ايده على راسه وصلت يمه رجليه ترجف واحجي وسط شهكاتي: ويييين ابني احمد
احمد: شجابج
سفانه: وين ابني
احمد: ليش اجيتي
سفانه: ابني شلونه وينه
احمد: مادري محد كال شلونه تعاي كعدي
سفانه: ماريد اكعد اريد اشوفه /عفته ومشيت
احمد: وين يمعوده
سفانه: صفاء وين
احمد: راح يجيب دم
سفانه: سوده عليه
احمد: انطيني يامن ترى ميت بجي ماتشوفي
سفانه: انطيت يامن الاحمد كعدت بالممر كلبي نار عليه ويادكتور يم ابو بوجهه بلكت خبر عنه شويا وصاحو الاحمد رحت ورا
احمد: ها دكتور
دكتور: انتم وين جنتو عنا ترى منتهي
سفانه: يعني شنو دكتور
دكتور: ان الله وان اليه راجعون
احمد: توفى
دكتور: للاسف انتم جبتو ميت ولا نفس بي
سفانه: من صدمتي ظليت اباوع بوجهم وهما يحجون
دكتوره: البقية بحياتج الله يعوضج
سفانه:كعدت بالكاع ادك والطم على وجهي صعبه ضناك يروح منك وفجئه ماعرف شلون بذيج الحظه مصار شي بعقلي بصريخي وصياحي رجيت المستشفى رج
كومني احمد بس عقلي مو يمي: احمد اريد اشوفه
