#قرة_عيني_الليالي
#البارت22
#الكاتبة_شاهي_شوكت
شهكت قيصر ساند نروحه على باب المطبخ ويبتسم درت وجهي عنه قويت روحي وردت اعبره سحبني من ايدي ورجعني الورا
قيصر: سويتي لبراسج وزوجتي مو
سفانه بلعت ريكي: والمطلوب
قيصر: لاتغشمين روحج
سفانه: قيصر الله يخليك بتعد عني/هز راسه ورفع تك حاجبه
قيصر:لاتخافين راح ابتعد عنج وبعدج هم
سفانه: خزرته وعفته ومشيت وبالي حجايته ماعرف شيقصد توترت كلش اخذت ملابسي ودخلت لحمام ماعرف شسوي كل همي النار تهد البداخلي طلعت من الحمام صارت بوجهي رسل تبجي: شبيج حياتي
رسل: اريد بابا
سفانه اخذتها من ايدها: يكلبي حبيبي اليبجي تعالي للغرفه هسه يجي بابا: سبحتها ردت ادخلها للغرفه ماتقبل:ليش تعالي مسويلج شي
رسل: لا مادخل مايقبل بابا
سفانه: معليج بابا تعالي
رسل: عيب
سفانه: كوه قنعته تدخل كعدتها على جربايه وهي بس تبجي ماتقبل تسكت: ليش يبجي الحلو
رسل: اريد بابا
سفانه: يكلبي اعرف كولولي ليش هل بجي:ظلت صافنه بوجهي وتشهك باوعت على الباب انفتح ودخل فيصل رسل ركضت عليه شبكته
فيصل: شبيج بابا ليش تبجين
سفانه:شال رسل وطلع من غرفه انتهدت وكفت يم الميز امشط بشعري نفتح الباب عرفته هو مادرت وجهي عليه راح على جربايه ودار وجهه ونام
اني وفيصل حجينه قليل رحت للكنتور طلعت فراش فرشته بالكاع ونمت كعدت الصبح غسلت وجهي ونزلت للمطبخ دخلت وقيصر كبالي روحي كامت ترجف بلعت ريكي اجيت ارجع بس ستوقفني صوت رشا
رشا: صباح النور
سفانه بلعت ريكي صدت عيني بعينه: العفو صباح الخير
رشا: بعد وكت
سفانه: غلست عليها وخليت القوري على الطباخ بس كلبي يريد يطلع من مكانه سمعت الباب انسد رديت وجهي ماكو لاهو ولا رشا يعني طلعو سويت ريوك ونزلن ندى ورسل
ندى: صباح الخير
سفانه: صباح النور يلا كعدن تريكن
ندى: اروح اصيح البابا
سفانه: رحت ركضت صاحت الابوها جنت اسوي نفسي مامنتبه عليه وهو نزل مبدل وكعد يم رسل واخذها باسها وهي ضحكت وسندت روحها على رجله
فيصل: صباح الخير
سفانه: بدون مااباوع عليه جاوبته: صباح النور
فيصل: ليش مامبدله لسه
سفانه: رفعت راسي صفنت بوجهه: ليش
فيصل: يعني ماتردين تروحين لدوامج
سفانه: ركضت واني صعد ادرج: دقيقه واجيكم ركضت بدلت بسرعه ولفيت شالي لبست جبه وكلت حذائي لبسه بسياره طبيت للمطبخ عبالي رايحين طلعت بره لكيتهم بالسيارة رحت حافي صعدت بسياره واني كوه اجر نفسي
فيصل: على كيفج
سفانه: عبالي خليتوني ورحتو
فيصل....
ندى:يعني اليوم تجينه لدرس
سفانه: ضحكت: اي اجيكم
ندى بغرور: يالله اشيم على البصف واكلهم هاي مرت بابا
فيصل: لا بابا ممنوع هل حجي
ندى: ماشي
سفانه: دنكت واني ابتسم لبست حذائي وصلنه للمدرسه نزلت وندى كدامي ركضت هي ورسل
حوراء: صباح الخير
سفانه: صباح النور
حوراء: شنو اليوم والوجهه مورد
سفانه: هههههه لا عيني مجلح حتى ماغسلته
حوراء: هسه شسوي جايه ظلي بالبيت لاحكه على مدرسه
سفانه:لأ والله ولج البيت ضوجه
حوراء: تعاي سولفلي
سفانه: دورحي خل اروح لصف
حوراء: اي شردي شردي
سفانه ضحكت ومشيت بالممر مالت الصفوف عبرت من صف رشا رفعت خشمي وكمت اتبخر مشيتي هههههه خلصت درسي وكعدت بالساحه
شذى: يابه منوره المدرسه
سفانه: بنورج
زينب:مبروك حبيبتي
سفانه: الله يبارك بيج
شذى: ليش كاعده بالكاع
حوراء: اي حقها
سفانه: لاتغمزين ولج صفي النيه
حوراء: اي شلعيه هو انتي تخلين الوحده يروح باله بعيد
شذى:شو كومي
سفانه: اي والله جوعانه كلش /خلصت المدرسه واجت ندى تركض عليه باستني وطالبات يباوع عليها
ندى: شتاقيتلج
سفانه: شتاقيتلي لوووو
ندى: اي يعني هو
سفانه: هههه روحي جيبي اختج هسه يجي ابوج
حوراء: يلا ويانه ام السوس
سفانه: لاتغمزين شجاج
حوراء: هههه اي عيني صار عندها رجل يجي ياخذها
سفانه: هههههه
حوراء: نوب اكل لختيبي يجي ياخذني
سفانه: ولج هو بعده ماخطبج هيج صرتي اشو روحي
حوراء: اجه الكطان مالتج
سفانه: بتسمت وطلعت: سلام عليكم
فيصل: وعليكم السلام
سفانه: باوع عليه عيونه بكصته صعدن ندى ورسل وهو بس يستغفر اخاف احجي ويلزكني بالكشن وصلنه ندى ورسل نزلن لتفت عليه
فيصل: اخر مره الج اضحكين وانت بشارع
سفانه: ماضحكت
فيصل.....
سفانه: عافني ونزل: هذه شبي عنده افصام بشخصيه يمكن الله يهديك
ام فيصل: ياهلا عبالي بعدج نايمه
سفانه: لا رحت لدوام هسه اجي اصب غده
ام فيصل: اي يمه
ام قصير: هاي جنتي مامنها فايده
ام فيصل: اي ميخالف هم حبله
سفانه: بدلت ملابسي وحظرت ملابس فيصل ونزلت حظرت الغدى وفيصل مطنكل
الحجية: شمالك يمه مكدر هيج
فيصل: مابيه
الحجية: اخاف الفرخه ماكرامتك
فيصل ببتسامه
الحجية: هاا شنهي تضحك يمه
ام فيصل: حجيه اكلي
رشا: حجيه فدوه الحلكج
الحجية: اخخ انتي سكتي زمو
سفانه: حصرتني الضحكه واخاف اضحك وتستلمين خلصنه كعدت اغسل بالمواعين ورشا تسوي جاي
رشا: مره ثانيه عينج نزليها من قيصر
سفانه لتفت الها بقوه: شقصدج
رشا: والله حياتي قصدي واضح
سفانه: درت وجهي وغلست عنها ادري بيها جفص
رشا: ادري جان قاعد عليج قيصر بس ولله اندمج
سفانه:درت الها بحده: استحي اني منه مزوجه
رشا: عشتووو ام اني الشريفه
سفانه: جاي ارد عليها ودخلت ام فيصل سكتت وكملت غسل المواعين على السريع وصعدت الغرفتي كلبي يدك عبالك طبل ضليت كاعده وصافنه بالفراغ عقلي وكف عن التفكير
فيصل: شبيج بويه صافنه
سفانه: هاا مابيه
فيصل: طالع رايده شي
سفانه: لا بس اريد اسالك سؤال
فيصل....
سفانه: هذه الطابق الك كله
فيصل: اي
سفانه: شوكت تاثثه
فيصل: على ذوقج
سفانه: زين اذا عندك فلوس او مجال خل نجيب اثاث
فيصل: ان شاءلله
سفانه:رتبت الغرفه واخذت ملابس الوصخه ونزلت تعبت من الدرج كد ماصعد وانزل
رشا: اشرقت وانورت
سفانه كلبت عيوني: رحت للحمام
رشا: هههه اكو غساله مو تنسين روحج ولو انتي متعوده على الفكر
سفانه درت وجهي الها: شتردين جنج عجوز ماكلين عشاها تفرين وراي
رشا: مو اكول بنت الفكور بعدهي ماطورت
سفانه: مو افكر منج ولي منا
رشا بصياح: احترمي نفسج تاج راسج اني ع اقل ماتزوجت متعه
سفانه: تسكتين لا هسه اجي اعلمج النسوان شجيب
رشا بصياح: لا والله عيني اسمع من يحجي
سفانه: جاي ارد عليها وسمعت صوت قيصر باوعت عليه بيده علاكه خزرته وطبيت بالحمام ركعت الباب قوي اعصابي تلفت كعدت اغسل بملابس فيصل: اي عيني سمو الملك مايريد اله نغسل ملابسه بالايد وحد على خلك الله: احجي ومنفعله واشيل بدشداشه اركعها بالطاسه يمكن تشككت كد ماشيل ودك بيها واديه يرجفن من العصبيه: ولله عشتو اني الاغسل وتعبانه وتجي الست الانسه تكول عليه فكر والله مافكر الا انتي يافكر ياساعت الفكر اجباتني يمج: رجعت روحي لوره ظهري تكسر كد مامدنكه: اخخ يابويه ظهري تكسر: صفنت شويا وندريت على الباب فكيت عيوني مصدومه
فيصل ساند نفسه على على الحايط وايده الثانيه كاض (لازم) الباب والمنشفه على جفته والجكاره بحلكه: بلعت ريكي
فيصل: خلصتي حجي
سفانه: صفنت بوجهه حجيت بتلعثم: هوو شسمه
فيصل: اي هو
سفانه: يتقرب عليه ويحجي وجكاره بحلكه....... يتابع...
كل عام وانتم بالف خير عيد سعيده ينعاد عليكم بصحه والسلامه❤
