#قرة_عيني_الليالي
#البارت14
#الكاتبة_شاهي_شوكت
سفانه: كمت ارجع جسمي كله يرجف نزلت من الدرج مثل المخبله وجسمي كله يرجف لكيته كاعده بالغرفه تحضر غراضه: شنووو الي سمعته
ام فراس: شني سمعتي
سفانه: تغشمين نفسج بعد هل عمر وتالي وكت تردين تزوجين ماستحتي ابنج وبنتج بطولج انا شكل لناس شتحجي علينه الناس جان ستحتي على شيباتج
ام فراس: انجبي لا اجي هسه اعلمج شلون تعرفين صوتج عليه وشني كفرت خو ماكفرت حالي من حال النسوان سنين كعدت عليكم وكبرتكم
سفانه: الي يسمعج 24ساعه بشارع حتى اجيبلنه لكمه اسمعي يمه انتي امي وتظلين امي بس سالفت الزواج شليها من بالج انتي مو جاهل ولا بنت ال14
ام فراس: سدي حلكج ظليتي عله على كلبي
سفانه: يصير خير روحي ولا تفكرين عندج بزر بعد
ام فراس: هاي هي بزر بطني يشرط عليه
سفانه: عفته وطلعت روحي محتركه ومابي شي صارت الساعه ب3العصر وندك الباب لبست شالي وفتحته
ابو فلاح:الله يساعدكم شلونج خالي
سفانه: هلا خالي تفضل
ابو فلاح: امج وين
ام فراس: هلا خويه تفضل روحي جيبي الخالج ماي
سفانه: رحت جبت مي وكوه كاضه اعصابي طلع صفاء سلم على خالي اتعجب على البرود الشايله
ابو فلاح: بويه انا اجيت
سفانه جريت نفس وقاطعته: ادري جاي علمود ام فراس باامان الله خالي خل تروح انا ماعترض
ابو فلاح: وانتم
سفانه: مثل ماكالت هي يتامه والنه الله
أبو فلاح:لااااا شني هل حجي
سفانه: خالي اذا تريد تجبر بخاطري بكلام ف مايهمني عادي خل تروح هي هاي اردتها ورغبته
ابو فلاح: جا وعوفكم لا بويه مامرجيه ولا من اصولنه
سفانه: جريت نفس ودنكت
ابو فلاح: تعلمون غريضاتكم(غراضكم) وتمشون ويانه خو ماعوفكم هنا يالله بويه كومي توكلي بالله دام بعد وكت
سفانه: لا ماروح ماعوف شغلي ودوامي وخواني هم عدهم دوام
ابو فلاح: بويه كلشي سهل كومي انعلي الشيطان
سفانه: اروح بحاله وحده
ابو فلاح: شني هي
سفانه: اريد بيت النه انا واخواني لان هم نريد ناخذ راحتنه
ابو فلاح: لا بويه شلون حجي هذه
سفانه: انا مو اشرط عليكم بس علمود ياخذون راحتهم وانا عيني عليهم لمن يفرجه الله على فراس
ابو فلاح بنتهاد: هاي هيه بويه يجرالج هسه لملو غراضكم التحتاجونه وباجر جيبو غراضكم
سفانه:لا خالو لمن تالكانه بيت وانا هذه البيت اجره
ابو فلاح: خوش جا راح تضلين هنا ام فراس وعلى باجر اجي الله كريم لمن تكملين على راحتكم
سفانه: راح خالي عفت امي وطبيت للغرفه لميت غراضي وكلشي وطبيت على غرفت خواني هم لميت كلشي بقه بس اثاث البيت والصراحه شغلات تعبانه الاخشاب كلت بمرور الوكت اشتري جديد كملت الساعه ب12بليل ووياي صفاء واحمد جانو يساعدوني امي ابد ماطلعت من غرفته واحسن لاتطلع لان ضايجه كلش بس مابيدي تبقه امي سويت عشه على السريع ودزيت صنيه الامي بيد احمد وصنيه النه وطبعا ماتلخه من دحرت صفاء انا ويا غسلت المواعين ورحت نمت كعدت الساعه ب9لكيت خالي موجود سلمت عليه لبست عبايتي وساعدتهم بنقل الغراض بسياره ماتوقعت يلكه بيت بهل سرعه: خالو مو جنك بسرعه لكيتنه بيت
ابو فلاح: اي والله رحت الصاحبي كتله اريد بيت كون بنا حديث ولحلو وكريب علينه وانا استاهده هو دوم يشتري بيوت وياجر وشتريته وكلته ندفع اقصاد
سفانه: اهاا خوش مشكور خالي /كملنه نقل الغراض ب4العصر والسبب جانت المنطقه بعيده وتتاخر السياره من توصل رغم غراضنه مو هواي ودعت البيت الي كضيت بي طفولي وذكرياتي الحلوه والمره نتهدت وقفلت الباب وصعد بسياره طول الطريق انا ابجي منطقتي خلصت عمري هنا وناسه الطيبه وصلنه المغرب جان البيت هوسه من الغراض وكله تراب وانا هلكت وتعبت حيل ذبيت عبايتي نظفت غرفه غسلت ومسحته والصراحه ماجنت منتبه على البيت كل همي اكو مكان نضيف نكعد بي شويه واجه خالي جايبنه عشه وتعجبت على هل الكلب الحنون العنده بقه كاعد يمنه شويه وراح فرشت الصفاء واحمد لان كالو تعبانين وواضح ضايجين حيل وحقهم فرشت ونمت لان جنت كلش تعبانه كلت الصبح البش انضف البيت وارتبه امي رحت ويا خالي لان حسب ماتكول اريد اهلي خليت راسي على المخده نمت بسرعه شكد مشتاقتله كعدت الصبح تقريبا الساعه ب7احمد نايم صفاء طالع بالحديقة هل ولد مايرتاح اله يستكشف المكان رحت على الحديقه ماكو مالكيته خفت عليه شويه ونفتح الباب ردت روحي من شفته: وين جنت
صفاء: جبت ريوك ماندليت بس شويه شويه كمت اسال وندليت ولج جبت كيمرر
سفانه: ابو السان ههههه سويت جاي وهو جايب صمون شويه وكعد احمد
صفاء: انا راجع اجيب نقلي
سفانه: اخذو خالي وياكم
صفاء: شني انا زعطوط
سفانه: بنظري زعطوط واخاف عليكم انتم امانتي انا مالي غيركم
احمد: نروح ونجي بسرعه
سفانه: خوش بس ديربالكم على نفسكم وطمنوني /طلعو احمد وصفاء وانا استلمت البيت تنضيف جلفته جلف رغم هو بس تراب بي ومبين مصارله جثير (هواي) من مبني باوعت عليه طلع يلمع انتبهت عليه تصميمه حلو مطبخ جبير احب المطبخ يكون واسع الغرف بي 3غرف ووحده فوك لازكه على البيتونه فرشت الغرف رتبت بيهن الغراض بقن بس شغلات فراس كلت انقلهن فوك بالغرفه الفوك باوعت على الساعه ب11 مامنتبه للوقت جنت مندمجه حيل طلعت سمج لان هو اسهل شي وسريع سويته ويا تمن عندي طرشي شغل ايدي طلعته جهزت كلشي على مايجون احمد وصفاء يريد يبقه بس على الصب طلعت على الطارمه غسلته ونضفت الحديقه فرحت لان اكو حديقه وجبيره حيل كلت ازعها وسوي بيها فيكات تعبت كعد على درجات الطرمه ظل جاي اكوم اخابر صفاء ونفتح الباب: الله يساعدكم ظل بالي يمكم
احمد: الله يساعدج
صفاء: يابويه متت
سفانه: دخلو غسلو ورتاحو/صبيت الغده وكعدنه نتغده بشرو كملتو نقل
صفاء: اي كملنه بس طاح حظنه
سفانه: ههههه بعد انا هم راح يطيح حظي
احمد: والله مشكلتج اخذي خالي ماروح والله طيحو حظنه مو نقل عبالك جاي ننقل ورث الخلفوهم
سفانه: ههههه اخذ ابو الصوف وغمزتله شتكول
صفاء: تدري بيه ماطلع اله كراميه
سفانه: كتلتك الماده
صفاء: شلون جا غير نريد نعيش ومفكر اجيبلج بنكلادشيه بفلوسي لجمعهن
احمد: اي عاد شلونك انت بيوم واحد تقدم استقالته من وراك
صفاء: غير محبوب مو بيدي
سفانه: يلمحبوب كوم اقره جبنت تحاضير من المدرسه
احمد: هو خلانه يصيح جوعان جوعان
صفاء: شبيك مابيه حيل ادرس خل ارتاح هسه
احمد: عبالك ماجبتلك التحضير لا بوبه كوم يالله
صفاء: خرب بيك ولا اتهيه شغله امشي
سفانه: ضحكت على مناكرهم رجعت كملت شغلي وغراض فراس صعدتهن فوك رتبت الغرفه وسديته اعرف هو غيبته طويله مانتبهت على الوقت وصار العصر سويت عشه على السريع رغم عندي نواقص هواي بالبيت بس لمن اسدد اقصاد البيت يلا اكدر اجيب النواقص: صفاء باجر نروح انا وياك اجيب نقلي
صفاء: هنا خوش مدرسه بتدائيه كريبه
سفانه: انت مسرع طلعت تعقب على المنطقه
صفاء: غير لازم نتاقلم نسجن رواحنه
احمد: كول انت تحوص ماكدر اكعد
سفانه: كملت عشه لميت غراض الباقيه ذبيت رأسي على المخده كبل نمت كعدت الصبح الحمدلله مامتخره سويت ريوك وكلت الاحمد روح الخوالي على مااجي اخاف عليه والمنطقه جديده طلعنه انا وصفاء والسانه خلصه تصنيف وانتبهت على المنطقه كلش حلوه تقريبا ريفيه احب هيج اجو كملنه كلشي ورحت على السوك شترينه كم شغله للبيت رجعت هلكانه صفاء راح يجيب احمد هل ولد مايكدر بدون احمد عزلت المسواك وجبت غده جاهز شويه واجه صفاء شايل صنيه: ماكدرت اقاوم الباجه
احمد: فشلتنه
صفاء: شني كايلهم جا غير خطار
احمد: ابو بطن
سفانه: ههههه تعال ابو باجه
صفاء: ماعدكم ذوق والله عابت والله عابت
سفانه: بالعافيه عيني /خلصت يومي بين الشغل وبين تفكيري المايخلص روحي مختنكه بس من اشوف سوالف صفاء انسه كلشي يدري بيه اضوج والف فكره ابالي كعدت الصبح حظرت الريوك اليوم دوام وكلنا صباحي تريكنه وصفاء اله شويه يبجي يريد ينام وصلوني للمدرسه وراحو جنت مرتبكه وخايفه مادري لان اول يوم جريت نفس وطبيت بالاداره سلمت على المدريه جانت حبابه كالت اول يوم رتاحي باجر ابدي نطنيج حصص تقاسمو انت وست رشا
سفانه: صفنت بالاسم رجعني اربع سنين اليورا بلعت ريكي: ان شاءلله
المديره: هسه تجي ست رشا وتاخذ للصفوف
سفانه: ان شاءلله براحته
المدير: هلا ست تفضلي الله جابج جنت احجي بيج
رشا: هلا خو ماكو شي
سفانه: كلبي يدك على السريع انا ارجف فركت اديه احس روحي راح اطيح بالي يردد هي والله هي وجهي على المديره الفتت اله ب.......... يتابع
