إحساس مُقيّد.

٧٩

إحساس مُقيد.
.
اخذته خطواته لمستشفى ماكانت تختلف كثير عن السجن الا بلونها الأبيض
نوت:وحامل بين يدينه قفص بداخله طائر-اقدر اشوف غسق؟
...:تقدر تشوفه لكن بينكم حاجز
نوت:اذا بقدر اسمعه وديني له
اخذته لغرفه بجانب غرفه غسق بحاجز زجاجي
لمح غسق الحاضن جسده وهمس بعد ماصار لوحده بالغرفه-غسق
رفع غسق رأسه وبمجرد مالمح نوت تقدم وقرب اكثر
نوت:ولأول مره يحسد قيد على الشبه بين سائد وإحساس بسبب الشبه البسيط جداً بدهام اللي بحث عنه بشغف بملامح غسق-تعرف ليش أنا هنا؟
غسق:رسم ابتسامه وضحت لنوت تماماً انه شخص سيكوباتي-عشان تحررني
نوت:رفع اصابعه ولمس الحاجز الوحيد بينهم-لو كان في فرصه يديني تطولك ماظن انك بتبقى على قيد الحياة
غسق:ليش جيت؟
نوت:رفع ورقه بخط دهام-لقيتها ب اخر كتابه وتمنيت اني ما انتبهت لها كانت كلها توصيات ب اني ازورك وكأنه عارف بمصيره وعارف ان هالورقه بتطيح بين يديني لكن لفتني المكتوب بالخلف
فتح الورقه تحت انظار غسق وبدأ بالقراءه بصوت عالي
عانى غسق الكثير
حتى لو لم نرى اضطراباته اعتقد ان معامله الجميع له كانت مرعبه له
حبس طفل صغير جعل منه يحن على جميع الطيور المحبوسه وابتعد عن قتلها تماماً وهذه اول مره ارى فيها جانب لطيف له
ابتسم نوت ورفع قفص الطير-وقررت اجيب لك هديه
غسق:وعقد حواجبه-جيبه عندي
نوت:وحطه قريب لأنظار غسق-لا
تأمل نوت الطائر اللي ماوقف غناء ولم يتوان لحظه عن الشجن-تدري انه كان طليق وحر قررت احبسه بالقفص منفرد عشان اجيبه لك، تشوفه وهو يغني ويسعدك ويدخل شويه طمأنينه على نفسك السقيمه، لين يفقد الأمل ويقل تغريده
ولأول مره يلمح نوت تعابير غسق الواضح عليها القلق على الطائر
نوت:لاتخاف بجي وافتح له الأبواب واسواره الحديديه واترك له حريه الأختيار للتحليق او البقاء
غسق:متى بتجي؟
نوت:وتراجع للخلف وبان لغسق نيه ذهابه-لما يموت
غسق:ورفع صوته-خذه معك
نوت:برجع ادفنه بالمره القادمة واجيب لك طائر جديد لذا استمتع ب الحانه قبل تفقدها
.
بمكان أخر...
وقف قيد أمام إحساس بعجز
إحساس:جاوبني مين تبرع لي؟
قيد:تنهد-اعفيني من الإجابه
إحساس:وصرخ بصوت صدم قيد-قلتلك مين تبرع لي؟
قيد:تقدم ماسك يدين إحساس اللي بدأت بضربه-إحساس لاتتعب من جديد
إحساس:ليش سمحت لهم؟ انت كيف خليتهم
حضن قيد إحساس رغم دخول إحدى الممرضات-كان هو يبي هالشي هو اللي وقع على التبرع بدون علمنا
هو اللي غير اوراقك لميت، وهو اللي خبى سائد عن الجميع، وهو اللي فكر ب ان غسق يتقرب منك ويأذيك انت، واللي كان مختار موتك بالنهاية بدون عمليه رغم معرفته لتعبك بسبب اوراقك عشان يعيش سائد ويطلع غسق من الأنظار
رغم ان سائدكان ذنبه الوحيد انه طبق كلام دهام من خوفه رغم انه لا قتل ولا سوى شي غير الإختباء لأنه جبان
بدأت شهقات إحساس بالإرتفاع بين يدين قيد
قيد:اقبل بقلبه اعتبره اعتذار وتكفير عن كل حياته السيئه، كان سعيد جداً بنهايته وكانت من أخر كلماته انه لأول مره يحس أنه حُر، اذا تحسنت بعلمك ايش اللي صار وكيف كانت حياته اكثر من مُرعبه وتعيسه هذي أول تضحيه له ماتوقعها أحد منه
رفع قيد يدينه ماسح دموع إحساس-ادري انه شي مؤلم لك انك تحمل قلب حبيب صديق
لكن نوت سعيد ب ان قلبه مازال موجود بداخلك
إحساس:وكانت رأسه مسنده على قيد ب اجهاد لمحاولته ضربه وحركته اللي كانت مؤلمه جداً له
قيد:لاتتحرك بغباء ثاني عمليتك شديده واظن انك توجعت بعد
إحساس:وكان احمرار جفونه لطيف جداً تحت نظرات قيد-تألمت
ابتسم قيد رافع يده لخصلات شعر إحساس-لاتفكر كثير قلب دهام لو ماكان لك كان بيكون لغيرك
إحساس:تنهد-اسكت كلامك قاسي
قيد:ماتبي تشوف سائد؟
إحساس:اشتقتله
قيد:اظن انه اخذ عقابه لذا حاول تحسن علاقتك معه
إحساس:خايف يكون مايبيني
قيد:هو بعد خايف انك ماتبيه وكرهته لكن لو كان مايبيك ماكان جاء لك كل يوم يسأل عنك ولا كان ركض لك برعب وقت تعبك وراح مع غيم غير اوراقك
إحساس:وانرسم طيف ابتسامه على ملامحه-رجعت اوراقي؟
قيد:قرب وهمس ب اذن إحساس مسبب له قشعريره-تحسن وبوظفك عندي
إحساس:سكرتيرك
قيد:اول مره اشوف موظف يختار الوظيفه
إحساس:عقد حواجبه وهو يتذكر اول لقاء لهم ليقدم على وظيفه-مااحبها
قيد:ابتسم لعقده حواجب إحساس-قلت لسكرتيرتك اني بقابلك عشان الوظيفه رتبت لبسها وشعرها وحطت عطر  حتى فكت اول ازرارها
قيد:وانت للحين تتذكر؟
إحساس:لف وجهه-سكرتير او ما ابي اتوظف عندك
قيد:لمس فك إحساس ولفه له-طيب ياسكرتيري لاتنسى وقتها راب لبسك وشعرك وحط عطر واهمهم تفك لي اول ازرارك
تلون وجه إحساس اللي شتت نظره-اطلع نادي لي سائد
.
عند نوت.
رجع البيت وكالعاده نسي وجود والديه
امه:وين كنت؟
نوت:بالمستشفى
امه:غير ملابسك وتعال ناكل كلنا مع بعض
نوت:ضحك-اسألي طيب يمكن فيني شي؟
امه:تنهدت-نوت بطل دراما وغير ملابسك وتعال خلينا ناكل كعائلة
نوت:وكأنكم تعرفو شمعنى كلمة عائله
.
طلع لغرفته وقبل ينتهي من تغيير ملابسه انفتح الباب بدون سابق انذار
ابو نوت:يعني ماراح تجي تاكل؟
نوت:غمض عيونه بقهر-البس واجي
ابو نوت:ننتظرك
نزل نوت بعد عده دقائق وانتبه لخادمته الواقفه اللي كانت اشبه للمربيه وسند له-ليش واقفه؟
امه:انا قلتلها عشان اذا احتجت شي تجيبه لك
نوت:انت كذا مهتمه فيني يعني؟
ابو نوت:لو ماتبيني اضربك احترم نفسك واقعد كل
نوت:جلس نوت تحت نظراتهم-اسلوب جميل
امه:نوت
نوت:وكان جالس يتأملهم بدون ماياكل-اسمعك
امه:ابيك تودع كل شي هنا
نوت:عفواً؟
ابوه:سحبنا اوراق جامعتك وقدمنا لك عندنا قررنا ناخذك تعيش معنا
نوت:ووقف بصدمه-على اي اساس تاخذو قرار بدون ماتسألوني؟
امه:مستحيل اتركك تقعد هنا لحالك ثاني
نوت:وضرب الطاوله بقهر-وكأنه يهمكم اعيش لحالي او لا
ابوه:التفت للخادمه-اعتبري اليوم اخر يوم لك وبرسل لك راتبك
نوت:انت شقاعد تسوي؟
ابوه:وبدأ بالأكل من جديد-وانت بتبدأ علاج نفسي من اليوم
نوت:ضحك بلا وعي-يعني انت بعد ماكونت حياتي جاي تفرض اسلوب حياتك علي؟
ابوه:اذا ماجلست تاكل بهدوء انسى تكمل الجامعه وماراح اخليك تطلع من البيت
نوت:ورفع عيونه للخادمه اللي ماكان بيدها الا انها تتجاهل نوت غصب عنها-
ابوه:مسك يد نوت جابره على الجلوس-ابدأ حياتك من جديد
.
عند إحساس
اللي دخل له سائد وبين التوتر بينهم لأول مره
سائد:جلس بجانبه-كيف صرت؟
إحساس:وعيونه كانت تراقب اصابعه سائد اللي ترجف من التوتر-تقدر تقول بخير
سكت سائد وعيونه كانت تشوف كل شي الا إحساس وكأنه خايف ان الشخص الوحيد اللي كان معه من صغره وضحى عشانه تغيرت مشاعره للكره
إحساس:اقتربت يده ممسكه ب اصابع سائد اللي فز-لاتتوتر مني
رفع سائد عيونه اللي توسطت عيون إحساس المُتعبه
إحساس:مهما صار بيننا إحنا توأم، حتى لو اختلفنا انا اشوفني فيك
سائد:وعيونه بين حزنها-اسف اني خيبت ظنك فيني
إحساس:ابتسم-تظل طفلي المُدلل
انحنى سائد ودموعه تساقطت على يد إحساس الممسكه بيده-عاجز اسامح نفسي
إحساس:ارتفعت يده ممسحه دموعه-شش انا سامحتك
.
لوم النفس احياناً يكون واجباً ماضر ضميرك لو تألم على مافعلت وما سر قلبك إن غفر خطأك القريب لقلبك ، حاسب ضميرك ولا تضره ، وسامح نفسك اولاً  فجميعنا خطاؤون.
.
إحساس:وعيونه راقبت سائد الى ان هدئت رجفته وتوقف غن البكاء-كيف حياتك؟
سائد:اعيش مع شخص فوضوي وبس يتهاوش معي لكنه حنون ويحبني
إحساس:غيم يحبك جداً كون قد قراراتك هالمره وفكر بتأني لاتتخذ اي قرار تحت مشاعر لحظيه
سائد:ماراح اعيد نفس الغلط
إحساس:وضرب كف سائد بشويش-نشوف
انرسمت ابتسامه على ملامح سائد اضافت الراحه لقلب إحساس
.