عُقَد

five

12:50am

أمام بوابة المدرسه أتكى معن بظهره على الجدار ،ورغم تبلله بمياه المطر الا انه شارد الذهن ولا كأنه حاس ، ما شده حتى الشخص اللي قرب منه ببطئ مستغرب حاله الجمود اللي كان فيها معن .

نطق نوح بخطواته البطيئه وهو يقترب من معن :
"ليش واقف هنا ؟"

لا رد

نوح:
"معن هيه"

التفت له برموشه المبلله ورجفه خفيفه هزت شفايفه:
"شتبي؟"

نوح:
"ولا شي بس كنت بسألك ليش واقف هنا منتظر احد؟"

معن:
"مو شغلك ،بعدين مو قلت لك مافي شي بيننا!"

ضحك نوح بخفه بعد مافهم معن يفكر بمنو:
"هههههه اوكي اسف نسيت ، بس على فكره ترا بيطلع معه اليوم"

التفت له معن وكل ذرة انتباه فيه توجهت له:
"تتكلم عن مين انت "

نوح :
"Your crush"

معن:
"يليل وشذا بعد أمريكي ويتفلسف علي"

نوح ربت على كتفه واتجه سياره سائقه:
"أيهم ماغيره"

تزامنت خطوات معن بتجاه خطوات نوح وبتسرع سأل:
"كيف عرفت"

نوح فتح باب السيارة:
"كنت طالع من الفصل وسمعته يقوله انه بيطلعون بعدين بيرجع البيت"

معن:
"وين بيطلعون يعني ما قا-..."

سحبه نوح قبل ينهي كلامه وهو يشوف أيهم وفارس متجهين لسياره فارس ،تحسس معن فخذ نوح بعد ماطاح عليه من سحبه نوح المؤلمه عشان ماينتبه لهم أيهم.

معن بحياء:
"وجع شفيك"

نوح اللي كان مبسوط على قربهم:
"شوفهم رايحين"
وساعد معن انه يرفع نفسه

نوح ضحك بخفه ووجه كلامه للسائق:
"Pleas follow this car"
-رجاء اتبع هذي السياره-

أشار لسياره فارس السوداء أمامهم

معن:
"وش قلت له؟"

نوح:
"بعيشك فلم اليوم ،قلت له يلحقهم"

حرك السائق السياره بطواعيه متبعهم.

معن اللي دمه كان يغلي من القهر:
"تستهبل انت لا خير اقول وقف بس برجع شقتي انا"

نوح:
"لا بلحقهم ابي اشوف"

معن والغيرة قاعده تاكله:
"وش تشوف ؟حبيبي شوف لوحدك انا مابي"