عُقَد

seven

تفاعلوا لطفًا♡

7:30

تجاذبت انظار الطلاب أثناء الطابور الصباحي نحو معن اللي كان واقف بجانب إبراهيم وصد بوجهه .

إبراهيم بهمس مد له ورقه:
(خذ هذي عشان تقرأها بعد شوي)

معن قرأ اللي بالورقه وتكلم بقهر:
(إبراهيم بتخليني اعتذر فوق اني بانفصل ؟!)

إبراهيم تنهد بعجز :
(معن مافي شي يثبت كلامك وانت غلطت عليه طبيعي تعتذر)

معن عصر الورقه بكفه ودارت عيونه تبحث عن أيهم بنظرات عجز ، وصادفته عيون نوح العسلية اللي ملاها الحزن .

نوح بنفسه:
(ياربي ما ابيه يروح ،وش اسويي)

قطع تفكيره أيهم لما صف جنبه بالطابور، التفت له نوح وهمس:
(من جدك مارح تتكلم؟)

أيهم بابتسامه نصر:
(لا طبعا )

نوح وكله رجاء:
(أيهم انت مستوعب انه بينفصل بشكل نهائي ؟طيب خلك منه..... فارس كلب واذاك ليش ما تعطيه جزائه؟ أيهم تكفى لازم تتدخل)

أيهم :
(شوف انت زعلان على حبيبك ولا ألومك بس تراه اذاني ويستاهل )

نوح ضحك بخفه وهو مقهور:
( مين قال إنه حبيبي أيهم انا مدري وش بينكم بس ماتوصل ان- ....)

شد انتباهه معن وهو يتقدم للمنصه وبيده الورقه وعيونه للارض .

نوح بدون يحس اقترب و مسك معن من يده ووقفه :
(اصبر )

نظرات الاستفهام اعتلت وجوه الطلاب واولهم أيهم .

نوح قرب من إبراهيم:
(انا اللي كنت مع فارس واقدر اقولك بكل اللي تبي بس معن ماله دخل والله )

إبراهيم استغرب:
( نوح !!)

نوح :
(اي انا تكفى نزل معن )

إبراهيم بصوت عالي:
(معنن ..... )
واشر بيده انه يجي

إبراهيم:
(كلن على فصله يلا )

تفرق الطلاب بحركه تلقائية الا أيهم اللي بقى يحاول يفهم وش يصير بس تبعهم بالاخير.

إبراهيم:
(معن انت متأكد انه هو؟)

معن سكت

نوح بصوت يرجف:
(ليش تسأله وانا جايك بنفسي )

إبراهيم كل ماله يزيد غضبه هو قضى الايام الفائته يحاول يستوعب كيف معلم يعتدي على طالب ، وصدقًا كان مكذب الفكره لانه محد يصدق ان احد شهواني لهذا الحد.