عُقَد

sixteen

تفاعلوا لُطفا ♡

.............

مجرد دخول معن للقسم حس بموجه كآبه ،المكان له ذكريات سيئه متعلقه بعمر وأشياء يحاول معن قد مايقدر ينساها رجعت له،كان يشوف الشخص اللى واقف قدام ويتكلم معه بس معن مو معطيه انتباه الين مسكه من يده ووجه للمكان المنشود.

الضابط اللي كان ماسك معن سحبه لغرفه التحقيق ،وقتها كان معن مو حاس بنفسه وكأنه يمشي على المويا الثاتير مافارق جسمه وعقله كان مشتت يتأمل كل شي ولاهو فاهم شي.

شعور بالخوف اعتصر قلبه واللي هداه إبراهيم اول مادخل وعيونه تبحث عن معن بشعره العشوائي وشماغه على كتفه، قرب منه بسرعه ونطق:
" كلموك؟ "

التفت له الضابط وهو ماسك معن وكان نفس الشخص اللي جاء المدرسه، وقاطع معن قبل يفتح فمه:
"الحين بندخله "

هز إبراهيم رأسه بإلايجاب ووجه كلامه لمعن :
" اسمع لا توتر واي سؤال يسألونك قول الصدق خلهم يمسكون فارس لانه يستاهل...-"
وقف كلامه وهو يشوف معن كيف شارد ويحاول يبين انه عادي .

رفع نظره للضابط:
" اءء ممكن اكلمه على انفراد "

ابتسم الضابط بخفه ولا شال عيونه عن إبراهيم:
" طبعا بس لا تعطلونا "

همهم إبراهيم وهو يسحب معن لداخل السيب مبتعدين عن الضابط ،شد قبضته على يد معن وعيونه تمركزت بعيون معن :
" معن شفيك "

معن تمتلك نفسه ونطق :
" مافيني شي "

شده إبراهيم وقلبه خايف وقتها تيقن ان معن مو بحاله طبيعيه ،تكلم بهمس وحذر :
" معن انت فاقد؟ انت مستوعب انك بالشرطه؟"

قال جملته الاخيره وهو يشوف معن يمسح وجه بكفينه ونطق:
" مبين؟"

رفع إبراهيم نظره للسقف بقلة حيله:
" لاحول ولاقوة الابالله يا معن وقتك!!"

مد معن يده للبراده جنبهم وشرب مويا وقبل يتكلم قاطعهم الضابط:
" استاذ ابراهيم معليش ضروري يجي الحين "
اخذ معن ودخله المكتب كان في شخصين متنظرينه عشان يستجوبونه بينما ابراهيم يراقب من برا .

طلع الضابط وهو يشوف إبراهيم كيف مهتم بمعن ابتسم بخفه وكلمه بهدوء :
" مارح يصير له شي لا تخاف مجرد استجواب بسيط"

تفحص عيون إبراهيم القلقه قبل يسأله :
" ولدك؟"

إبراهيم حس بالغصه بحلقه وتحمحم ثم تكلم بحسره:
" ياليت لو كان عايش كان بعمره "
نطق جملته وعيونه ما فارقت معن .