عُقَد

thirty

البارت السابق لتذكر الاحداث.

.
.
.
.
.
.
.

2:30AM

تحركت سياره معن ناحيه بيته وهو يراقب بعيونه المنتفخه كميه السيارات والدبابات الفارهه قدام بيته وقتها عرف ان طراد بالبيت.

جاء بدون مقدمات و بدون ما يخبر معن بس على كل حال مايقدر يلومه بعد اللي حصل وين يروح .

اوقف السياره وهو يشوف اثنين من رجاله يدخنون بالخارج بصمت ولا اهتموا بوصول معن ،تجاهلهم ودخل وهو يشوف خمسه رجال تجمعوا على شخص عاري بالارض مايستره الا بوكسره .

عجز معن عن تحديد هويته وهو يشوفه وجهه الملطخ بالدم وجسمه اللي يتلوى بالارض مع صرخاته المتواتره واللي ما كانت توقف اللي يضربونه بل وكأنها تزيدهم طاقه عشان يعنفون الجسم الممد اسفلهم واللي كان أسامه.

مشى بالممر متجه لغرفته وهو يلاحظ الرجال المجتمعين بالمطبخ وجزء منهم التموا ناحيه التلفزيون ، فتح باب الغرفه ولقاها فارغه وقتها استوعب على طول ان طراد اكيد بغرفه عمر اللي مقفله من سنوات .

وسط الضوضاء واصوات الحديث  من جهه وصراخ الرجل المضروب من جهه بالاضافه لصوت التلفزيون واجهزه التكييف تحرك معن لأخر المرر عند الباب المقابل لغرفته .

لاحظ الباب المردود ولا تردد لحظه يدخل الا ان مسكته يد من خلفه ونطق :
" ما انصحك تدخل نفسيته سيئه"

ازاح معن يده بهدوء ودخل الغرفه وهو يقول:
" بتعلمني بطراد ترا اعرفه اكثر منك"

لقى طراد معطيه ظهره و كالعادة يشرب و قدامه كرتون صغير كانت الطفله جواته ، تكلم بمجرد ما عرف انه معن:
" معليش جيت بدون ما أقولك "

تكلم معن :
" ما بيننا ذا الكلام "

اقترب معن منه وهو يلاحظه كيف يفرك حواجبه بعنف وهو مشوش وعيونه حمرا :
" زين ..... على كذا بيننا كلام ثاني "
 
وقف معن بمكانه على الرغم من خوفه من طراد وكلامه اللي عباره عن ألغاز  ونطق :
" اي وش هو ؟"

طراد:
" نوح "

كشر معن مستغرب من كلامه:
" شفيه نوح "

طراد:
" نوح اذا ما كان عارف عزيز وينه فأكيد عارف البضاعه اللي سرقها عزيز وين حطها ...- "

تكلم معن:
" ونوح شدخله بذا كله "

طراد وجه نظره لمعن :
" انت عارف ان عزيز هو اللي كان مع نوح طول الوقت صح "

همهم معن ومازالت عيونه مثبته على طراد اللي قال:
" فَ أكيد يعرف البضاعه وينها لانه يحبه وبينهم شي؟"