عُقَد

eighteen

تفاعلوا لُطفا ♡

استمتعوا + دلعتكم بارتين بأسبوع.

مرت أيام قليله كانت كفيلة بأنها تشرح معاناة أيهم على مظهره الخارجي ،بدايه من وزنه اللي اختفى بشكل سريع ويخوف و الحكه اللي مافارقت جسمه الهزيل ،وانتهاء بعقله المشتت بشده ولاهو قادر يركز بكلمتين يقولها له كل من معن او نوح  .

عيونه مصفره ومشيته ضعيفه، كان يقاوم بس العلامات بدت تبين عليه والارق اللي كان معذبه مارحمه ولا ليله ،أيهم فعليا صار مدمن بشكل يدعو الشك من كل الناس حوله.

تنهد معن وهو يقلب الأوراق مو مرتاح لحال أيهم وهو يسمع له:
" أيهم كله غلط ولا كلمه صح شفيك ! "

ارتجفت يده وهو يتنهد ومسك راسه:
" يالله من امس احفظها ولا نمت "

مسكه معن من ذراعه :
" وليش ما نمت ؟"

صمت أيهم عور قلب معن كلهم عارفين ليش ما نام ،ببساطه من كثر تعاطيه للمنشطات جسمه بداء يأخذ على وضع اليقظة أربع وعشرين ساعه وان نام فمارح يتجاوز الساعتين، الهلوسات والناس الوهميه كانوا يزورونه كل ليله مخففين عنه تعب السهر.

قرب معن وحضنه بخفه ،وطبطب على كتفه :
" عادي ريح شوي و نرجع نحفظها سوا"

بنفس الوقت دخل نوح للمدرسه وهو مستغرب من النظرات اللي تتجمع حوله، وهمسات من كل جهه أرعبته .

" هذا هو؟"

" امانه طلع صدق يعني!!"

" اي اي  نفسه اللي بالصوره"

ورفع جواله يوريه الصوره اللي نوح كان واقف فيها أمام المركز قبل يدخل له.

ضحكاتهم غريبه وتجمعوا عنده  ،أشاح وجهه لليسار وهو يشوف الطالب اللي أشار بأبره تنغرز بيده ويتصنع الثماله واللي حوله انفجروا ضحك بحركه استهزائيه عورت قلبه.

داخله كان يصرخ (كيف عرفوا كيف ؟) رفع الهودي وسرع بمشيته، الحراره تغزو جسمه وده يهرب من المكان ،ليش في الوقت اللي قرر يتعالج فيه الكل عرف حقيقته.

أثناء ركضه تعدى أيهم ومعن اللي ماكانوا فاهمين شي زيه ،تكلم بتسرع أيهم بمحاوله لتوقيفه :
" نوح اءء.."

هرب منهم للحمامات وحبس نفسه بداخله ،لكم يده بالجدار بقوه ، الدم تناثر على الجدار وهو مازال يلكم بعنف يبكي بحرقه قلبه يتمزق....يبغى يموت.

زفر بثقل وهو يصرخ على معن اللي بالغصب يحاول يفتح الباب بعد ما شاف الصورة بجوال احد الطلاب ورماه بالأرض وانكسر، نوح:
" خليني لحالي .... ليش جيت ؟شفقت علي زيهم !!..ولا بتبلعني شي يهديني "