الأخطاء حساب والضمير مهلوك
- حمدان
...
رجع حمدان للقصر، وتفاجئ بوجود رولز رويس بين السيارات.
سفط سيارته على جنب،
نزل منها مستغرب. لانه يعرف انواع السيارات الي مع كل زعيم هنا ولا واحد منهم جاب الرولز رويس ..!
قرب من السيارة يتأكد اذا داخلها احد او لا، وتفاجئ بالصوت الي جا من وراه: هذي ما تلمسها بيدك الوصخه.
التفت حمدان وشاف الي واقف وراه متكتف ويناظره ببتسامة متكلفه،
وقفته ونظراته، له هيبه خاصة فيه.
حط حمدان يده على قلبه وسوا نفسه منخرش: بسم الله خوفتني .. هذي حقت سعودي؟
عقد سعود حواجبه وتكلم بنبرة يمثل فيها الصدمة: سعودي؟ تقصدني؟
حمدان: ايه اقصدك فيه غيرك يعني؟
التفت سعود وهو يقول: ياليت نخفف الميانة حبيبي
قرب حمدان منه وسأل: كم تعطيك العصابة؟ ولا خلني اخمن .. عندك دادي وقاعد يدلعك؟
احتدت نظرات سعود اكثر مسبب اتساع لابتسامة لـ حمدان الي يجهل ان هالزعيم ما يتقبل اي دعابة ناحيته.
وكلما احتدت نظرته لك كلما صار يبغضه اكثر.
التفت متجاهل سؤال حمدان وراح داخل القصر، تارك حمدان لحاله برا يفكر: هذا شلون زعيم، وهو في بداية الشباب
لحقه حمدان بعد ما انتبه انه اختفى عن انظاره، وقبل ما يسأله شاف راجح واقف قدام سعود.
راجح: انت جاي بعد عشان وهاب.؟
رد سعود ببتسامة صغيرة: لا، جيت عشان اشوف الشغل لا اكثر ولا اقل
همهم راجح وشاف سعود يطلع جواله ويناظر فيه.
بطوله الي ما يزيد عن ١٧٦، بجسمه الرشيق وعضلاته وبياضه الغريب والي فيه اجزاء بجسمه ورديه .. مثل مفاصل يدينه
صوته اللعوب، و وجه الي يسقط من عمره ٥ سنوات.
تنهد وهو يطالع بالشورت حقه والقميص الابيض
قبل ما يدخل سعود جواله في جيبه ويسأله: خلصت من التأمل فيني؟ انفتنت بجمالي.؟
راجح بنبرة جادة: انا اسأل عن سبب وجودك
سعود: وانا قلت لك اشوف اشغالي همم
