...
رجعوا للفيلا من جديد.
جلس عبدالعزيز على الكنبه بكل هدوء و راجح على الكنبه الثانية، اما سعود وقف بالنص وتكتف وهو يشوف الباقين يجلسون عدا وهاب.
سعود: ممكن تجلس عزيزي؟
التفت له وهاب بعد ما رفع شعره و رد عليه بنظرات بارده: بلبس وراي دوام
سعود: والاجتماع؟
وهاب بأنزعاج: بعدين
سعود: مافي بعدين هالشي ما يتأجل لا تستصغر كوني زعيم هنا
قرب وهاب من سعود ووقف قدامه بالضبط وهو يناظره من تحت وملامحه جداً حاده بهالقرب
وهاب بنبرة جادة: اطول عشان تاخذ كامل احترامي.
وقف راجح رغم الم ساقه وسحب وهاب عن سعود الي احتدت نظرته و تكلم بعصبية: والله ان ما تطلع يا كلب العصابة وريني اذا بينفعك طولك
راجح بهمس لـ وهاب: وهاب شجاك! اجلس لا تزيد الخطر عليك
ميل عبدالعزيز راسه عشان يشوف ملامح وهاب، بعدها اخذ نفس عميق من جمال ملامحه حتى وهو جدي ومعصب
شاف عروق يده كيف بارزه و نظراته الي ما بعدها ابداً عن سعود.
انكمش نادر على نفسه وهو يشوف هالحدث لكن كل شي تغير لما ضحك حمدان بصوت عالي مقاطع لحظتهم كلهم
سعود اشر بعيونه لـ عتيق عشان يسكت حمدان، واسرع ردة فعله هي ان عتيق حط يده على فم حمدان الي لازال يضحك بجنون.
وهاب سحب نفسه لكن سعود صرخ عليه بأمر: أجلس هنا
انزعج وهاب أكثر والتفت لـ سعود قبل ما يطلع السلاح من خصره ويصوبه عليه بالضبط.
الصدمة اعتلت ملامحهم كلهم، شلون وهاب معاه سلاح ومن متى معاه وهم ما يدرون. لكن عبدالعزيز تذكر انه ما سحب السلاح من وهاب والواضح انهم نسوه مع حادثة راجح
طلع سعود سلاحه على وهاب وهو يقول: كنت ادري انك كذاب ولعاب، تعرف تمسك السلاح افضل من غيرك
ظل وهاب يناظر فيه بصمت، لكن وقف قدامه راجح يمنعه من اي تصرف غبي.
راجح: وهاب هات السلاح وتعال معاي
وهاب بعصبية: ابعد هالقحبه عني
عرف راجح ان وهاب بكامل غضبه والحين محد يقدر يسيطر عليه ويهديه الا بعد فترة وهذا اذا نجحوا لان حمد الوحيد الي يعرف يهديه
