(لا نعلم ما ينتظرنا في الخارج لكننا حتي لانحاول فتح احدي الابواب للخروج)
تنهض بيلا وهيا متعبه للغايه تشعر بالخمول والدوران . قررت ان اليوم ستذهب للجامعه ثم تذهب الي الطبيب
تنهض في كسل وتذهب للأستحمام بالماء البارد علها تستفيق ولو قليلا ترتدي ملابسها المكونه من بنطال جينز من اللون الاسود وكنزه من اللون الوردي بأكمام وتترك العنان لشعرها الاسود ومن ثم تنزل للأسفل لتلقي تحيه الصباح علي والدتها
بيلا:صباح الخير يا كوكي
كاميليا:صباح النور يروحي ايه رايحه الجامعه النهارده؟
بيلا:اه لازم احضر بقيت المحاضرات يارب اعدي السنه دي علي خير
كاميليا:انشاء الله يا حبيبتي تحبي تستني شويه اوصلك في طريقي؟
بيلا:لا هركب تاكسي بدل ما اتأخر وسوزان تقتلني
كاميليا ضاحكه:تمام خدي بالك من نفسك سلاام
لتذهب بيلا وتستقل اول تاكسي قابلها علي الطريق..
بينما لدي سوزان انها تجلس علي مائده الطعام يجلس بجانبها سيف ووالدتها تجلس امامها ووالدها يأخذ مقدمه الطاوله
سوزان بتلعثم:احم احم بقولكو ايه انا كنت عايزاكو في موضوع كده
سيف وهو يأكل ليقول بغرور مصطنع:قولي عايزه كام؟
سوزان:مبوجهلكش كلام علي فكرا وبعدين ايه الي عايزه كام شحات بيتكلم اول مره اشوف شحات بيتكلم اه صحيح تعالي هنا فين يلا الخمسه جنيه بتاعت الاندومي
سيف:عالجزمه يا حبيبتي قال خمسه جنيه قال ما انا ياما سلفتك ولا طلبت بفلوس
سوزان بصوت مرتفع نسبيا:نعاام يخربيت الكدب يلا يا كداب دا انايوم ما استلفت منك عشرين جنيه كنت ممضيني علي وصولات امانه
سيف:حقي..عايزه تاكل حقوق الناس
نفين بعصبيه:تعرفو لو مخرستوش هعمل اييييه
سيف وسوزان في جمله واحده:الاا الشبشب هنسكت والله
محمد(والد سوزان):ناس مبتجيش غير بالعين الحمرا
سيف:طب انتي كنتي عايزه ايه يا حجه
سوزان وهيا تنظر لوالدها ثم تنتقل ببصرها لوالدتها:هححح فاكرا ياماما يسرا جرتنا؟
نفين:اه مالها
سوزان:كلمتني امبارح اسكتيييييييي مش اطلقت من عبدالله
نفين بصدمه:ياحبيبتي ليه كدا بس
سوزان:حصل مابنهم مشاكل وهيا يا حبه عيني محدش معاها في الغربه دلوقتي
