(أُقسم لك يا قلبي انني كنت اعتقد مثلك..واردد لك ان هذا لأنتقام...اذا لماذا خنت انتقامي؟!)
كانت نائمه علي الفراش وتغطي الوساده اذنيها محاوله منع وصول اصوات الضجه إليها وتتقلب يمنا ويسارا في ضيق..
سوزان وهيا تنهض من علي الفراش بغضب:يخربيت دي ام جيران..علي ابو اليوم الي عشت في فعماره مش عارفه تحترم نوم الناس بتاع 3 العصر.....ماما يا حجه..ماماااا
نفين بغضب وهيا تقتحم الغرفه:ايه يابنت المواكيس مش كفايا الدوشه دي هيا نقصاكي!!!
سوزان:ايوااا ايه بقي حوار الدوشه دي؟!..مش عارفة انخمددد
نفين:وفي حد يفضل مخمود لغايه 3 العصر يا اخره صبري...ياختي قومي شوفي الجيران الي ساكنين جداد جنبينا دول..
سوزان:اااااه قولي كده جيران جداد..وربنا لأنا قيمالهم
نفين بإستغراب:رايحه فين بشكلك دا؟!
سوزان بغضب وهي ترتدي احدي الجواكت الملقاه علي الأرض بإهمال:رايحه امسي علي الي جنبنا واعرفهم معني جملة الجيران لبعضيها...
لتلقي كلماتها وتذهب تاركه نفين تتمتم بكلمات استغفار لله...
سوزان:انتوو يااجيراان الهم..افتحوو
تضغط عل جرس المنزل وتدق الباب بعنف ،،بينما هذا الأخر خلف الباب يتسائل من تلك المجنونه ذات الشعر المنفوش والملابس الغير متناسقه بالمره؟!..فقرر انه سيفتح الباب ويسلم امره لله!!
لتتوقف سوزان عن ما تفعله عندما ظهر امامها هذا الشخص ذو العيون السوداء التي تغطيها النظارات الطبية ،شعره المائل للبني الطويل نسبيا،عريض وطويل لكن تخفيه هذه الملابس الفضفاضه عباره عن بنطال من الجينز الأبيض وسويت شيرت واسع (اوفر سايز)من اللون الأخضر الغامق
..:ايه في ايه كل دا خبط ورزع؟!
سوزان ببعض الارتباك:احم..وياريتك سامع
..:افندم اقدر اساعد في حاجه؟!
سوزان بضيق:ايوه تقدر تساعد..ياريت سيادتك تبطل دوشه مش عارفين ننام!
..:نوم ايه ؟! احنا داخلين علي المغرب؟!!
سوزان:ياعم احنا عيله غيبوبه جدا انت مالك!!
..:علي العموم هحاول انا لسا ناقل جديد وبظبط الحاجه فعامله دوشه بس حاضر..
سوزان بإبتسامه:تصدق احترمتك بعد حاضر دي..اوعي تفهمني غلط انا كنت محترماك قبلها كمان!!
..:اه مهو واضح جدا!!
سوزان:بما انك هتبطل صداع ودوشه...لتكمل بإبتسامه:ف نورت العماره ياا
..:حازم اسمي حازم
سوزان:نورت ياعم حازم
حازم بتقليد:بما انك احترمتيني وهتبطلي تخبطي وترزعي علي الباب ف بنورك يااا..
