(وعندما لامستني مشاعرك شعرت بقلبي يدمي بكاءاً....)
وبعد اخر حدث سار لدي مايا وادهم في تلك الحديقة لم يروا بعضهم طيلة الصباح حتي اتي سامي وطلب من ليلي ان تخبر ادهم بالذهاب لغرفة مايا...
ينتظر ادهم بعد ان طرق باب الغرفه السماح له بالدخول ولم ينتظر إلا بضع الثواني ليأتيه صوت سامي من الداخل
ادهم قائلا لسامي بينما انظاره علي مايا الجالسه علي الفراش: ليلي قالتلي انك عايزني؟!
سامي بهدوء: ايوه اقعد عايز اقولكم علي حاجه
ليجلس ادهم بجانب مايا وهيا اكتفت بإلقاء نظره عليه..
سامي: بما انكم عارفين انتم هتتجوزوا ليه فمش هعيد من الأول..انا لسا جاي من عند سعاد واتفقنا ان فرحكم الأسبوع الجاي
نظر إليه الأثنان بصدمه وهما يقولان في وقت واحد: ااييييه؟!!
مايا مسرعه: انا لسا مجهزتش!!
ادهم:ولا انا..!
سامي: مجهزتوش لي ايه بقي هو انا بقولكم هنجيب شقه وعفش وفستان العروسه وهنشوف القاعه؟!!!..كل حاجه جاهزه انتم بس الي بتتلككوا
ادهم:وبما انك عارف كده ايه لزمتها الأستعجال..انا محتاج وقت افكر اكتر
مايا بسخريه: فاضل تقول اصلي صلاه إستخاره الأول
ادهم: لا اخاف وانا بصلي يحصلي مصيبه انا كده كده عارف انها جوازه نحس بما انك موجوده يا روحي
مايا رافعه يديها بوضعيه الدعاء: اشوفك محشور حشره محمد هنيدي في فيلم فول الصين العظيم ولا تلاقي كلب يسلكك يا ادهم ياابن ام اادهم
كاد يصرخ بها ولكن قاطعه صوت سامي صارخاً: باااااس مش عايز اسمع صوت حد فيكم..انا قولت الي عندي ودا اخر كلام ولما ننقل الورث ابقوا اطلقوا يكش حتي تولعوا في بعض
يقول اخر كلماته تحت تعجب كلاهما ويذهب خارج الغرفه
ادهم متعجباً: هو مالو بقي قفوش ليه كده؟!
مايا: خلقو داق سيكا
ادهم ناظراً لها بإتهام: منو لله الي كان السبب
مايا ببرود: دومي مينفعش تدعي علي نفسك كدا
ليبتسم ابتسامه جانبيه وهو يقترب منها اكثر فأكثر وهيا تتراجع حتي وصلت لحافة الفراش..
ادهم بخبث امام وجهها:والله لأعرفك مين ادهم بحق وحقيقي واندمك علي اليوم الي رجلك خطت فيه القاهره..
ويتركها ويذهب بعد إلقائه لكلماته
مايا بصوت مرتفع بعد خروجه:انا اصلا مكنتش عايزه اتنيل اجي يكش ست الكل الي اصرت كان يوم اسود!
