(دعني اقول ان ضحكاتي مجرد قناع يخفي ما خلفه من اسرار واكبر اسراري..قلبي الحزين)
في صباح مشرق تملأههُ أشعة الشمس بالدفاء والنورالساطع كانت في غرفه والدتها تنظر إليها وهيا تفرك عينيها وتتثائب بين الحين والأخر
مايا بنعاس:ماما انتِ مصحياني الساعه 10 الصبح ومقعداني جمبك وانا متكلمتش..بس انتِ هتفضلي ساكته كدااا اتكلمي يا حجه عايزه انام
سعاد بهدوء بعض الشئ:ركزي معايا واسمعيني كويس..مايا..مايا يابت انتِ نمتي
بالفعل كانت مغمضه عينيها في عالم اخر لتفزع من صوت والدتها وتقول
مايا بتثائب: ايه اه اه لا معاكي نايمه ايه انا صاحيه اهو
سعاد بغضب:لا واضح فعلا انك صاحيه بت فوقي كده
مايا وهيا تُحول تعابير وجهها الناعسه لأخر باكي:ياماما مش كده والله ايه العذاب دا ..انتِ تقربي لأهل قريش ولا ايه؟
سعاد بغضب وهيا تلكزها في كتفيها:انتِ يابت متربتيش؟
مايا بخبث:أسألي نفسك
سعاد:اتلمي واسمعي انتِ هتتجوزي
مايا بسخريه:ويا تري هتجوزيني مين بقي..بصي انا مش هقولك مال وجمال هو انا صحيح عيزاهم بس اهم حاجه هل هو زين الجارحي؟!
سعاد:ومين دا انشاء الله؟!
مايا:فكك من زين طب مراد الألفي..ولا اقولك هاتيلي حاجه كده زي ادم الكيلاني..ولا بلاش لحسن دا متملك وهيقرفني وانا ممكن اموته ولا هيهمني
سعاد بصوت مرتفع:اخرسيييييي مش عاايزه اسمع نفس لتهدء قليلا ثم تقول:ادهم
مايا بحماس:ادهم ابن زين الجارحي احلفي كده
سعاد:مين يا بت زين الجارحي الي مطير عقلك هو وولاده؟!.. نفسي اعرف هتتلمي امتي وتعقلي
مايا:لا متألقيش مفيش وقت علشان انا مش هعقل
سعاد بغضب:هتتجوزي أدهم سامي أبن خالك
كانت تنظر إليها مايا بدون تعابير ومن ثم انفجرت من الضحك:يختاااي يا ماما عليكي كلام ضحكتيني والله
سعاد:انا مش بقول كده علشان اضحك سعاتك دا الي هيحصل فعلا
كانت مايا ستضحك مره اخري بس ملامح سعاد الجديه اوقفتها
مايا وابتسامتها تتلاشي شيئا فشيئا:ايه دا انتِ بتتكلمي بجد
سعاد:تخيلي!!
مايا:بس انا وأدهم مبنطقش بعض اصلا هنتجوز ازاي ايه التهريج دا
سعاد:دا جواز علي الورق بس...... وبدأت سعاد بقول كل شئ سامي قاله لها
تتحدث مايا داخلها وهيا تقول:هو الموضوع قالب علي رويات وشكله جامد الصراحه بس انا لازم اعترض ههههه انا وادهم احي!
