قصة : { #هويته_وأنتهيت } 🤞💔
الحلقة الأولى { ١ } 🐍
*( شهر 6 ، سنة 2021 )*
( جوة مطعم فخم ، قاعدين ناس كتير ع ترابيزة كبيرة ، قاعدة بنت باين عليها الضيق وعمالة تبص للشاب الي جنبها بتوتر ، يعدي الوقت ، ف كومباوند ، ف ڤيلا كبيرة عليها حرس من برة ومن ، تدخل عربية *كاديلاك إيه تي إس* وتركن قدام باب الڤيلا ، تنزل منها البنت باين ع وشها الزعل وينزل الشاب م الناحية التانية ، تدخل البنت الڤيلا بسرعة ، يدخل وراها الشاب )
نبيل بحدة : اصبري ي هانم ، تياااا
( متردش عليه وتطلع السلم )
نبيل بزعيق : تيااااا !
( متردش برضو وتمد تدخل اوضة النوم ، تحدف شنطتها ع السرير ، يدخل وراها )
نبيل وهو بيشدها من دراعها : مش بكلم اهلك ، ولا انا هوا قدامك !
تيا وهي بتزقه بصريخ : اوعاا بقااااا !
*( ملحوظة .. تيا بنت جميلة ، بشرتها بيضة ، عيونها عسلي ، شعرها بني فاتح طويل ، جسمها مظبوط ، طولها متوسط ، عندها غمازة ف خد واحد ، عندها ٢٣ سنة ، من عيلة غنية ، بتشتغل معيدة ف كلية )*
*( ملحوظة .. نبيل شاب وسيم ، بشرته قمحية ، عيونه بني ، شعره اسود ناعم وتقيل ، طويل وعريض جسمه رياضي ضخم ، عنده ٢٧ سنة ، بيشتغل مهندس وعنده شركة كبيرة بتاعته ، ويبقا ابن عم تيا وجوزها بقالهم سنتين )*
نبيل وهو بيضغط ع دراعها : صوتك يوطى ، سامعاااا !
تيا بعِند : لا مش سامعة ي نبيل
نبيل وهو بيذغدها بغل : ي بنتي انتي متستفزنيش وترجعي تزعلي !
تيا ب استغراب : انا الي بستفزك ، والي بيحصل فيا منك دة ايه ، هاااا ؟!
نبيل : وهو انا الي اخدت بعضي ومشيت ، فرجتي عليا الناس وخلتيهم يتكلمه علينا !
تيا : والله قبل م تندمج ف الشرب وتسكر زي كل مرة وتفضحني قدامهم ، وبرضو هيتكلمه علينا !
( يبصلها بغيظ )
تيا : قلت هتبطل شرب وبرضو مفيش فايدة فيك ، تعرف انت مش راجل ، عشان لو راجل بجد كنت التزمت بكلمتك معايا، لكن انت عي ...........................
( قبل م تكمل الكلمة يكون ضاربها بالقلم )
تيا وهي بتقع ف الأرض : ااااه !
نبيل وهو بيضربها برجله ف بطنها : انتي عاوزة ايه هااااا ، عاوزة ايييييييه ، مستحمل اهلك م الصبح !
تيا بصريخ : ااااه بااااس بس !
نبيل وهو بيقومها من شعرها : انا هعرفك الي مش راجل دة هيعمل فيكي ايه
( يحاول يبوسها )
تيا بعياط وصريخ وهي بتزقه : اوعاااااا !
نبيل وهو بيكتفها : مش انتي خايفة اسكر عشان كدة !
تيا بعياط : بس بقااا ، حرام عليك بطنيييي !
( يزقها ع السرير ، تقوم بسرعة تجري ع برة ، يروح وراها ، تجري ع اوضة وتقفل عليها )
نبيل بزعيق وهو بيهبد ع الباب : افتحي ام الباااااب
تيا بصريخ : لاااااء !
نبيل بغيظ : ماشي ي تيا ، هتروحي مني فييييين !
( يمشي نبيل ، يزيد عياط تيا )
تيا بعياط : حيواااان ، والله حيوان !
( تقرب ع السرير تقعد عليه وترجع شعرها لورا وتحط ايدها ع بطنها بوجع وتعيط ، ف الأوضة التانية ، يقعد نبيل ع الكرسي ويولع سيجارة )
نبيل بغيظ : ماشي ي تيا ، ماشي ي بنت الكلب ماشي !
( يرن فون تيا ف شنطتها ، يفتحها نبيل ويطلع الفون ، يلاقي مكتوب ايسل ، يفتح عليها )
ايسل : ايه ي توتي
نبيل : قولي لصاحبتك إنها بتجيب اخرها معايا ، فهميها انتي يمكن تسمع منك ، وإلا قسماً بالله هموتها قريب واحزنكم كلكم عليها
( تتخض ايسل )
ايسل : حصل ايه ي نبيل ؟!
( يقفل نبيل ويرمي الفون ع السرير )
ايسل بقلق : احيه بقا ، هو في ايه !
( ف مكان تاني ، جوة اوتيل كبير ، شاب م الهاوس كيبنج ماشي بعربية بعجل فيها الأدوات ، حاطط الهيد فون ف ودنه بيسمع اغاني وبيدندن معاها ومندمج اوي )
مروان : أنا مش فاكرك شوفتك فين ، هات وشك ياض خد قلمين ، هنا كرابيك تنزل ع العين ، بدل العظمة عملت اتنين ، هوبااااا ، أنا عظمة أنا ثابت أنا جامد أنا هضبة ، من دماغي هش برة بلا غلبة ، شايفكم أرانب يفتحلي بوقك أديله جزرة ، إوعى تيجي هنا خطر وقف حركة ، من زمان عارف إني بطل
