قصة : { #هويته_وأنتهيت } 🤞💔
الحلقة السابعة والثلاثون { ٣٧ } 🐍
منال : منال
مروان : ماشي ي منال ، مش هوصيكي تاني
منال : هي مراتك ؟
مروان وهو بيقف قدام الإوضة : لأ ، بس يعني قريب إن شاء الله 😕
منال : ربنا يتمملكم ع خير 😊
مروان وهو بيفتح الأوضة : يارب ، تعالي ادخلي
( يدخل وتدخل وراه ، تقرب ع تيا تشوفها ، تتخض من منظر وشها شاحب اوي وفي كدمات وجروح ، تبدأ تعلقلها المحلول )
مروان : محتاجة اي حاجة ؟
منال وهي بتقعد ع كرسي قصادها : لأ المحلول دة يخلص وهنحط غيره بالليل وكدة خلاص انهاردة
مروان : تمام ، معاكي فون طبعاً ؟
منال وهي بتطلع فونها : اه اكيد 🤳🏻
مروان : طيب خدي رقمي عشان لو في اي حاجة تتصلي بيا ع طول ، وانا كدة كدة هبقا قاعد ف الأوضة الي جنبك دي خبطي عليا رني عليا شوفي الي اسهل ليكي
منال وهي بتديله الفون : حاضر
( يكتبلها رقمه )
مروان ب قلق : منال بالله عليكي تاخدي بالك منها 😟
منال : والله العظيم م تخاف دة شغلي
مروان وهو بيبص ل تيا : ماشي 😕
( يسيبهم مروان ويروح الأوضة التانية ، تبص منال ل تيا ب حزن )
منال ب استغراب : مش معقول هو الي عمل فيكي كدة ، باين طيب وخايف عليكي ، دي حادثة ولا ايه !!
( يحاول مروان ينام ميعرفش ، تدق الساعة ١١ الصبح ، ف شركة نبيل ، نبيل ف مكتبه هو وابوه )
الاب : يعني اتنازلتلك عن ورثها ؟!
نبيل ب ابتسامة : كله 🙂
الاب : عفارم عليك ، انا قلت برضو انت مش هتطلع م الموضوع دة ببلاش كدة 🤷🏻♂️
نبيل : عيب عليك 😏
الاب : هسألك سؤال وترد عليا بصراحة
نبيل : اسأل !
الاب : هي فعلاً خانتك ؟
( يفتكر نبيل مروان )
نبيل ب غل : ورحمة ابوها ل هدفنهم سوا قريب 😐
( ف شركة ابو مروان ، ابوه ف مكتبه بيمضي ع اوراق والسكرتيرة واقفة مستنياه )
فايد وهو بيديها الأوراق : ابعتيلي مروان
السكرتيرة : مستر مروان مجاش انهاردة
فايد وهو بييصلها ب استغراب : ليه ؟!
السكرتيرة : مقالش حضرتك
فايد : طيب ، روحي انتي !
السكرتيرة : بعد اذنك 🚶🏻♀️
( تمشي السكرتيرة ، ف بيت مروان ، الممرضة قاعدة ع الكرسي وتيا نايمة ومروان قاعد ع كرسي تاني جنب السرير وباصصلها ، يرن فونه ، يعمله سايلنت بسرعة وبعدين يرد )
مروان : الو
فايد : انت فين ؟!
مروان بهدوء : ف البيت
فايد ب استغراب : بتعمل ايه ف البيت مجتش الشغل ليه ؟!
مروان : معلش مش هعرف اجي ، تعبان شوية 😐
( تبصله منال )
فايد : اة ، الف سلامة ، انزل المستشفى طيب ولا اطلب دكتور
مروان : هعمل كدة
فايد : ماشي ، ابقا طمني عليك
مروان : حاضر
فايد : سلام
مروان : سلام
( يقفل مروان )
منال : حضرتك صاحي من امبارح .د، مش هتنام ؟!
مروان وهو باصص ل تيا : مش عارف 😕
منال : انا والله واخدة بالي منها متخافش
مروان : عارف ، بس الفكرة إني مش عارف اغفل بجد ، مش عارف 🤦🏻♂️
منال : ربنا يطمنك عليها 😟
مروان ب تنهيدة : يارب 😑
( بعد شوية وقت ، يتفتح باب الأوضة مرة واحدة ، يتخض مروان ويقوم يقف )
فايد : ان .........
( يلمح تيا ع السرير ، يستغرب )
فايد : مين دي ؟!
مروان ب ارتباك : اااا دي ........
فايد وهو بيبص ل تيا : ثانية بس ، مش دي تيا مرات نبيل ؟!
( تبص الممرضة ل مروان ب استغراب )
مروان : اة 😐
فايد ب استغراب : ايه الي جايبها هنا ، ومين الي عمل فيها كدة ؟!
( مروان مش عارف يقول ايه )
فايد ب انفعال : رد علياااا 🤷🏻♂️
مروان وهو بيقرب ع ابوه : طب ممكن تيجي معايا برة وهفهمك كل حاجة
فايد وهو بيخرج ب عصبية : اتفضل 🚶🏻♂️
( يخرجه م الأوضة يقفه برة )
فايد : فهمني !!
مروان ب تردد : انا وتيا ، بنحب بعض 😬
فايد ب صدمة : ايييه 😳
مروان : انت عارف إن جوزها .........
فايد ب انفعال : جوزها هيولع فيك لو عرف ي غبي 😡
مروان : مهو عارف 😐
فايد ب تشويش : عارف ! يعني ايه عارف ؟!
( يحكي مروان ل ابوه عن علاقته ب تيا بالظبط ويحكي عن تصرفات نبيل مع تيا ومعاه ماعدا طبعاً محاولة قتله هو وجدته )
فايد : كل الي انت بتقوله دة هيوديك ف ستين داهية ، الست دي لازم ترجع ل جوزها حالاً ☝️
مروان بدون تفكير : لأ !
( يبصله فايد ب استغراب )
مروان : تيا مش هتتحرك من هنا ، اقلها لما تفوق وافهم منها حصل ايه
فايد : انت ناوي ع موتك صح ؟!
مروان : حصلت قبل كدة ف مش فارقة 😒
فايد ب خضة : هو الي حصلك دة كان بسببها ؟!
مروان : مش قصدي ، بس انا نفسي تقدر مشاعري مرة بقا ، بالله عليك سيبني اتصرف ف الموضوع دة ، انا بجد بحبها ومش هسيبها ترجع للبني ادم دة تاني 😟
فايد ب انفعال : ي بني دة جوزهاااا انت مبتفهمش جوزهاااااا 🤷🏻♂️
مروان : هخليها ترفع عليه قضية خلع
فايد : واخرتها ؟
مروان : هتجوزها
فايد : هتتجوز واحدة هتبقا مطلقة ووراها مصايب !!
مروان : هتجوز تيا ي بابا ، هتجوز تيا وبس
فايد ب حيرة : انا مش عارف اقولك ايه 😐
مروان : متقولش حاجة ، ادعيلي بس إنها تكون من نصيبي بعد كل دة 😕
( يبصله فايد ب يأس ويمشي ، يتنهد مروان ب تعب واحباط ، تعدي الأيام ومروان مبيسيبش الأوضة الي فيها تيا ومبيرحش الشغل ، حتى النوم بقا بينامه ع الكرسي جنب سريرها ، قاعد مروان جنبها ع السرير بيسرحلها شعرها ، يفتكر وقت م كان بيسرح ل جدته ، يبتسم ب حزن وتدمع عيونه ويبوس دماغها ، تاني يوم بالليل ، قاعد مروان جنب تيا وماسك قطن بيحطه ف ماية وبيمسحلها وشها وجسمها الي ظاهر )
مروان وهو باصص ل تيا : هي هتفوق امتى بقا 😟
منال : هي بتفوق تتقلب كدة وترجع تنام تاني
مروان : هتفضل كدة كتير ؟!
منال : شكل الي حصلها صدمها ، او مأثر ع نفسيتها اوي ف رافضة تفوق 🤷🏻♀️
مروان وهو بيبص ل تيا : تيا 😟
( يمسك ايدها )
مروان : حبيبي أصحي بقا ، وحشني صوتك اوي ، تيا ، اصحي ووالله م هخلي حد يأذيكي تاني ، ع موتي والله اذيتك ، تيا ، حبيبي اصحي 💔
( تنزل دموعه ، يمسحها )
منال : هي قريبتك ؟!
مروان وهو باصص ل ايد تيا : لأ ، مش قريبتي ، ولا خطيبتي ولا مراتي ولا اختي ولا معرفة ، ولا حاجة من دول لوحدها ، هي كلهم ، كل بعيد هي ابعد منه ، ومفيش اقرب منها ل قلبي ♥️
منال ب استغراب : بتحبها اوي كدة 😕
( يبتسم مروان ويبص ل تيا )
مروان : بحبها ، انا حاسس إن الكلمة دي تافهه اوي وبايخة اوي قصاد الي ف قلبي ليها ، دي ادماني 🤎
( يملس ع شعرها وتنزل دموعه )
مروان : انا بس نفسي تصحى ، نفسي اطمنها ، تيا ، تيا قومي بقا ، كفاية كدة ي حبيبي انا تعبت والله 💔
( تذيد دموعه )
مروان : عارف إني ظهرت بوظت حياتك ، بس والله مش ب ايدي ، مقدرتش محبكيش ، معرفتش ابعدك عن خيالي ، انا اسف والله ، اسف إني مبعدتش لما عرفت ظروفك ، اسف إني كنت اناني ومفكرتش غير ف نفسي ، مفكرتش غير ف احتياجي ليكي بس ، حقك عليا 😔
( يبوس ايدها ، تقرب منال تطبطب ع ضهره ب حزن )
مروان وهو باصص ل تيا : انا جنبك ماشي ، مش هسيبك ابداً ، حتى لو فضلتي كدة العمر كله هفضل هنا قصادك ، هفضل هنا ماشي ♥️
( ف شركة فايد ، قاعد فايد ف مكتبه ، تدخل السكرتيرة )
السكرتيرة : فايد باشا استاذ نبيل الشاذلي برة وعاوز يقابل حضرتك 💁🏻♀️
فايد ب خضة : نبيل !!
السكرتيرة : اة
فايد : دخليه 😐
السكرتيرة : اوكي
