قصة : { #هويته_وأنتهيت } 🤞💔
الحلقة الثالثة عشر { ١٣ } 🐍
تيا : دي ايسل
نبيل وهو بيقعد جنبها : سلمي عليها
تيا : نبيل بيسلم عليكي 😒
ايسل : الله يسلمه ، طب هقفل انا هاااا
تيا : اه احكيلي انا معاكي اهو
( تستغرب ايسل )
تيا : لا نبيل طلع بيغير هدومه
( يبصلها نبيل ب استغراب ، تبتسمله وتشاورله إن دقايق وجاية وتاخد الفون وتخرج ف الجنينة ، يتنهد نبيل )
تيا وهي بتبعد عن باب البيت : ايه ي بت
ايسل : بتخلعي منه ؟!
تيا ب صوت واطي : ايواااا 🙄
ايسل : هتروحي منه فين يعني م وراكي وراكي 🤷🏻♀️
تيا : يمكن يزهق ويطلع ينام
ايسل : يارب يختي
( يقرب نبيل ، شايف تيا من ضهرها )
تيا : هههههه ايوة ، حرام عليكي انتي مفترية ، ههههههه 😆
( يلمح نبيل البادي جارد بيبصلها ب اعجاب ، يبتسم نبيل ويقرب بهدوء عليه ، تشوفه تيا ، تستغرب ، يقرب نبيل اوي م البادي جارد ، يوتره )
نبيل وهو بيهمسله جنب ودنه : عجباك ؟
( يبلع البادي جارد ريقه بالعافية )
ايسل : ي بت رحتي فين ؟!
تيا وهي باصة ل نبيل والبادي جارد ب استغراب : اصبري ي ايسل 😕
ايسل : اوك !
البادي جارد : ي باشا إن .........
( وفجأة يضربه نبيل ب ركبته تحت الحزام )
البادي جارد ب وجع مكتوم : ممممم 😣
( تتخض تيا )
نبيل ب هدوم : قولي بس إنها عجباك صح ؟
البادي جارد ب وجع : ي باشا لأ 😟
نبيل : ليه وحشة ؟!
البادي : لا والله حلوة بس .........
( يضربه تاني )
نبيل : حلوة ! يعني عجباك ؟
البادي جارد وعيونه بتدمع م الوجع : مش قصدي وربنا 🤦🏻♂️
نبيل : اومال ايه طيب ؟
البادي جارد : انا عملت ايه بس ؟!
نبيل وهو بيمسكه من وشه ب عنف : كنت بتبصلها ، عنيك متشالتش من عليها ، فصصت كل حتة فيها ، انا جايبك تحرسلي البيت ولا تبص ع مراتي ، ودي اول مرة بقا ولا حضرتك شغال الله ينور ف الرايحة والجاية وانا مش حاسس !!
البادي جارد ب خوف : ي باشا مقدرش ي باشا 😨
تيا ب خوف : ايسل اقفلي دلوقتي ، باي
( تقفل تيا )
تيا ب قلق وهي بتقرب عليهم : نبيل ، نبيل في ايه 😕
نبيل : لا ي قلبي مفيش
( وفجأة يضربه كذة قلم ورا بعض لدرجة مناخيره تنزف )
تيا ب خوف وصريخ : نبيل خلااااص 😨
( يضربه بوكس يقع ف الأرض وايد نبيل تتغطي دم منه ، ينزل فيه ضرب بالشلاليط ع كل حتة ف جسمه )
تيا ب صريخ : ي نبيييييل 😰
نبيل : ششششش اهدي مفيش حاجة ☝️
تيا ب خوف : بتعمل كدة لييييه ؟!
نبيل وهو بيشاور ل البادي جارد التاني : خده ارميه برة
البادي جارد : تحت امرك !!
( يقرب نبيل ع تيا ، تخاف تيا وتبعد )
نبيل وهو بيشدها من دراعها : متخافيش 👋
( تيجي ايده الي فيها دم ع هدومها يخضها اكتر ، تنزل دموعها وتجري ع جوة ، يتنهد ويروح وراها ، تطلع اوضتها ، لابسة بيچامة روز سلوبيت هوت شورت فيه كور بيضة ، تقلعه بسرعه وترميه ف الأرض ، يدخل نبيل ع التويليت يغسل ايده وينشفها ، تفتح تيا دولابها وتطلع بيجامة تانية ، يقرب عليها نبيل ياخد البيچامة من ايدها يرميها ع السرير ويمسك ايدها عمالة تترعش )
نبيل : اهدي بقا 👋
تيا ب خوف : ممكن تفهمني عملت كدة ليه ؟!
نبيل : انتي السبب
تيا ب استغراب : انا !
نبيل : فهمتك تلاتين مرة قبل كدة إن لما تطلعي الجنينة تقولي للبادي جارد يخرج برة ، صح ؟
تيا ب توتر : ايوة !
نبيل : معملتيش كدة ليه لما طلعتي دلوقتي ؟
تيا : عشان مكنتش طالعة اقعد انا كنت بتكلم ف الفون عادي وكنت داخلة تاني 😕
نبيل : اممممم ، بالبيچامة المسخرة الي كنتي لبساها دي وقدام ٣ رجالة واقفين برة والتلاتة عينهم عليكي عادي !
تيا ب خوف : مكنتش اعرف 😕
نبيل وهو بيبص ل جمسها : لو اتكررت تاني هقطع من لحمك الحلو دة حتت 🤏
( يرعبها )
نبيل : تمام ؟
( تشاورله ب أة ب خوف )
نبيل وهو بيطبطب ع خدها ب عنف : شاطرة 🙂👋
( تاني يوم ، تيا ف المستشفى عند بباها ، واقفة قدام العناية من برا شايفة بباها م الأزاز ، مامتها قاعدة )
تيا ف سرها وهي باصة ع بباها : اوعا تسيبني ، اوعا تسيبني وتمشي انت سندي ، فوق وارجعلي انا من غيرك ضايعة ، بيستقوى عليا عشان عارف إنك مش جنبي خلاص ومش هعرف اتحامى فيك ، انا محتجالك اوي ي حبيبي ، اوعا تسيبني ، يارب اشفيه يارب ، يارب 💔
( تنزل دموعها ، تشوفها مامتها ، تقوم تقرب عليها )
الام : كفاية ي حبيبتي ، كفاية 😟
تيا ب عياط : خايفة اوي ، خايفة يجراله حاجة ، انا ماليش غيره 😣
الام ودموعها بتنزل : ب اذن الله هيقوملنا بالسلامة قريب ، بس انتي ادعيلوا 😔
تيا : يارب ، يارب ي ماما 💔
( بعد يومين ، مروان قاعد ف كافيه عمال يهز ف رجله وباين عليه التوتر ، تقرب تيا ، يلمحها ، يقوم يقف )
تيا : ازيك ؟
مروان : الحمدلله 😐
( تقعد تيا )
تيا وهي بتبص ل مروان : م تقعد 💁🏻♀️
( ينتبه مروان ويقعد )
تيا وهي بتفتح الكتاب : نبدأ 📕
مروان : تشربي ايه الأول طيب ؟
تيا : نيسكافيه بلاك
مروان وهو بيشاور للويتر : لو سمحت 🙋🏻♂️
( يقرب عليهم )
الويتر : ايوة ✍🏻
مروان : نيسكافيه بلاك وشاي مظبوط
الويتر : تحت امرك
( يمشي الويتر )
تيا : انت وصلت لحد فين ف المادة ؟
مروان : انا لسة مجتش اصلاً 😅
تيا : امممم ، ماشي !
( تبدأ تتكلم وتشرح ف المادة وتفهم فيه ، بعد شوية )
تيا ب زهق : لا معلش كدة مينفعش ، ركز معايا !
مروان : والله العظيم مركز معاكي اوي 👌❤️
تيا : لا مش باين خالص 🙅🏻♀️
مروان ب ارتياح : طب الحمدلله 😊
تيا : نعم ؟!
مروان ب ارتباك : اااا .........
تيا : ع فكرة انا مش جاية ووخدالك من وقتي وحياتي عشان نقعد نهزر سوا ولا نتسلى !
مروان : ولا انا والله ، حقك عليا انا اسف ، هركز وربنا 😬
تيا ب تنهيدة : ماشي
( تكمل شرح ، بعد شوية )
تيا وهي بتبص ف ساعتها : كفاية كدة ، نكمل المرة جاية
مروان : هتكون امتى ؟
تيا : يعني احنا لو حضرنا يومين ف الأسبوع هيكون حلو
مروان : م تخليهم تلاتة انا ميح زي م انتي شايفة 🤷🏻♂️
تيا وهي بتلم حاجاتها : سيب التالت دة بظروفه عشان انا برضو مضمنش ظروفي
مروان : تمام اوك ، حضرتك هتاخدي كام فلوس عشان اجهزهالك المرة الجاية
تيا وهي بتبصله : انا قلتلك هاخد فلوس ؟
مروان : لأ ان ..........
تيا : يبقا متتكلمش معايا ف فلوس
مروان : بس مينفعش اضيع وقتك كدة ع الفاضي 😕
تيا : انت شايف التدريس تضييع وقت ؟
مروان : لا مش دة قصدي !
تيا : مروان انا مش هاخد فلوس ، انا مش بدرسلك عشان مقابل مادي انت طالب عندي واحتاجت مساعدتي وانا وافقت ف خلاص اوك ، متفتحش موضوع الفلوس دة تاني لو سمحت
( تقوم تقف )
مروان وهو بيقف : انا مش عارف اقولك ايه والله 😕
تيا وهي بتمشي : ولا حاجة 🚶🏻♀️
( يروح وراها ، يطلعه برة الكافيه ، تقرب ع عربيتها تفتحها )
تيا : باي
مروان : باي 🙋🏻♂️
( تركب تيا وتمشي ، يفضل باصصلها مروان ومبتسم ، يعدي الوقت ، توصل تيا البيت ، تلاقي نبيل قاعد ف الأنتريه )
تيا : ازيك ؟
نبيل وهو باصص ف الفون : فل 🤳🏻
تيا ب استغراب : جاي بدري يعني !
( يقفل نبيل الفون ويرميه ع الترابيزة ويقوم يقرب عليها يقف قصادها )
نبيل : وحشتيني ف قلت اجي اقعد معاكي بس ملقتكيش ، ومكنتيش بتردي ع الفون ، كنتي فين ؟!
تيا ب ارتباك : اااا كنت مع ايسل 😐
نبيل : امممم ، مع ايسل ، بس ايسل قالتلي إنها متعرفش عنك حاجة !!
