قصة : { #هويته_وأنتهيت } 🤞💔
الحلقة الخامسة عشر { ١٥ } 🐍
( تفتح عينها )
تيا وهي بتعدل قعدتها : ايوة ؟
مروان : داخلين ع الكلية 😕
تيا : اوك 🤦🏻♀️
( يوصله قدام الكلية ، يركن مروان وينزله ويديها المفتاح )
مروان : متأكدة إنك هتقدري تدخلي ؟!
تيا : اه انا كويسة ، يلا ع جوة ، متلفش هااا
مروان : لا داخل معاكي اهو
( يدخله ومروان مش شايل عينه من ع تيا ب قلق ، تدخل تيا مكتبها ويدخل مروان المدرج ، يقعد مستني ، تيا ف مكتبها ، تفتح شنطتها وتاخد برشامة صداع وتقوم تروح المدرج ، تدخل ، يبصلها مروان )
تيا : اسفة ع التأخير 😒
الكل : ولا يهمك
( تبدأ تيا تشرح ، شباب قاعدين جنب مروان )
خالد : انا مش عارف اركز ف شرحها اقسم بالله 🤦🏻♂️
....... ١ وهو باصص ل تيا : اكيد مركز ف حاجات تانية 🤤
الشباب : هههههه 😂
( يسمعهم مروان ، يتغاظ )
مروان ب عصبية : م تحترم نفسك منك ليه 😡
خالد وهو بيبص ل مروان : ايه دة شوفوا مين بيتكلم ، هو انت شايل عينك من عليها م الصبح ، ولا هو احترام ليك وقلة ادب لينا 🤷🏻♂️
مروان : انا عيني عليها عشان شرحها مش عشان حاجة تانية
خالد : ي عم احنا بقا عنينا ع حاجات تانية ، خليك ف حالك ✋
مروان ب انفعال : انت ..........
تيا : مرواااان !!
( يبصلها )
تيا : لو سمحت انا مفياش حيل ل مناهدة ، ي تبطل كلام ي تخرج !
مروان ب ضيق : حاضر 😐
( تكمل تيا شرح وهي قاعدة ، تلاقي عيونها مزغللة ، تقوم تقف )
تيا وهي بتلم حاجاتها : معلش ي جماعة نكمل بكرة ، تعبانة بس 🤦🏻♀️
بعض الناس : انتي كويسة ، دكتور مالك !!
( تغمض تيا عيونها ب تعب ، يقوم مروان يقف ، وفجأة ، تقع تيا ف الأرض ، يتخضوا ويجروا عليها من ضمنهم مروان ، يمسكها ويرفع دماغها ع رجله )
مروان ب خوف وهي بيطبطب ع خدها : تيا ، تيا فوقي 👋
....... : اطلبه الأسعاف لازم تروح المستشفى
خالد : انا معايا عربية هوديها
مروان وهو بيطلع فونه : لا هطلب اوبر 🤳
خالد : ي عم ليه وبقولك معايا عربية !
.......... : انتوا لسة هتتعازموا الي معاه عربية يوصلها 🤷🏻♀️
( تدخل ايسل )
ايسل ب قلق : وسعوا وسعوا 🏃🏻♀️
( يوسعولها ، تقرب ع تيا )
ايسل وهي بتحاول تفوقها : تيااا تيا حبيبتي فوقي !!
مروان : مش راضية 😕
ايسل : طب سندوها معايا للعربية برة ، انا هوديها المستشفى
( يقوم مروان ويشيل تيا يطلع بيها برة وايسل شبه بتجري جنبه ووراها بعض الطلاب ، يقربوا ع عربية ايسل تفتحها ، يحطها ف الكنبة الي ورا )
مروان : هتوديها مستشفى ايه ؟
ايسل وهي بتركب : مش عارفة اقرب مستشفى من هنا
مروان ب قلق : ماشي ، هو ينفع اجي معاكي ، هي عرفاني 😟
ايسل : طيب ماشي يمكن احتاجك هناك تدخلها ، اركب بسرعة
( يركب مروان بسرعة وتمشي ايسل )
ايسل : هو ايه الي حصلها ؟
مروان : فجأة اغمى عليها ووقعت ، بس هي م الأول مكانتش متظبطة من وقت م كنا بناخد الكورس
ايسل : اه انت مروان الي بتديك الكورس ؟
مروان : اه
ايسل : هي تعبانة اصلاً ، معرفش بتضغط ع نفسها كدة ليه 😑
مروان : انا قلتلها اروحها البيت بس صممت تيجي الكلية 😕
ايسل وهي باصة للطريق : الكلية ارحملها
( يبصلها مروان ب استغراب )
مروان : ارحملها من ايه ؟!
ايسل : ولا حاجة ، اصلها بتزهق من قاعدة البيت
مروان : اه 😒
( يبص مروان ل تيا ، يلاقيها نايمة وباين ع وشها التعب ، يلمح ف رقبتها كدمة ، يستغرب ، ييجي مطب ، تقع ايد تيا ، يرفعهلها مروان ، تبصله ايسل ، تلاقيه باصصلها ب حزن ، يعدي دقايق ، يوصله قدام المستشفى ، تنزل ايسل وينزل مروان ويشيل تيا يدخله بيها ، ياخدوها منه ع الطوارئ ، يعدي الوقت ، تيا نايمة ع السرير ومركبينلها محلول وايسل قاعدة قصادها ، تفتح عيونها )
ايسل : سلامتك ي حبيبي 🥺
تيا ب تعب : الله يسلمك
ايسل : بطلي تتعبي نفسك ي تيا ، اديكي وقعتي اهو 🤷🏻♀️
تيا ب استغراب : هو جبتيني ازاي هنا ؟!
ايسل : اه مروان جه معايا ، هو الي شالك لما وقعتي وشالك دخلك المستشفى
تيا : لا والله !
ايسل : اه والله ، كان قلقان عليكي اوي ، هو واقف برة ع فكرة
تيا : اه ، طب اندهيه اشكره
ايسل وهي بتقوم : حاضر
( تطلع ايسل برة ، مروان قاعد )
ايسل : مروان
مروان وهو بيقف : ايوة ؟
ايسل : تعالى
مروان : فاقت ؟
ايسل : اه عوزاك ، ادخل عبال م اروح اجيبلي قهوة ، اجيبلك حاجة ؟
مروان : لا تسلمي
( تمشي ايسل ، يقرب مروان يدخل )
مروان وهو بيقف جنب السرير : حمدلله ع السلامة 😐
تيا : الله يسلمك ، شكراً ع الي عملته معايا
مروان : العفو ع ايه بس ، قلقتيني اوي والله 😕
تيا : معلش مش قصدي اخضك
مروان : اول مرة فعلاً اتخض ع حد كدة ، مش فاكر حتى ازاي وصلتلك لما وقعتي من خضتي !!
( تتحرج تيا ومتبقاش عارفة تقول ايه )
مروان : وبلاه الكورس مدام هيتعبك كدة
تيا : الكورس مالوش دعوة ، انا بس مرهقة اليومين دول
مروان ب اهتمام : طب عشان خاطري اهتمي بنفسك اكتر من كدة 😟
تيا ب استغراب ل اهتمامه : اوك 😕
( يفضل باصصلها )
تيا ب توتر : هياااا ايسل فين ، هي روحت ؟
مروان : لا راحت تجيب قهوة
تيا : اه ، طب اقعد
( يقعد ع السرير قصادها ، تتحرج كان قصدها ع الكرسي )
مروان : انتي حاسة نفسك احسن ؟
تيا : اه !
مروان : طب جعانة اروح اجيبلك حاجة تاكليها ؟
تيا : لا مش جعانة
مروان : لازم تاكلي كويس
تيا : لما اروح البيت اكون جعت
مروان : اوك ، مش عوزاني اعملك اي حاجة طيب ؟
تيا : لا تسلم
مروان : مش بعزم والله 😕
تيا ب ابتسامة : لا باين عليك 🙂
مروان : انتي تؤمري بس ♥️
تيا : تسلملي
مروان : هو ممكن ابقا اكلمك اطمن عليكي ولا مش هينفع ؟
( متردش تيا )
مروان : لو دة هيضايقك خلاص ، بس عشان مبقاش قلقان عليكي بس
تيا ب استغراب : وليه تقلق عليا ؟!
مروان ب حب : عشان انتي حد مهم عندي ي تيا ♥️
( قلبها يوجعها )
مروان : متفهمنيش غلط بس يعني بينا شاي ونيسكافيه ولاتيه وقهوة وبلاوي 🤷🏻♂️
( تبتسم تيا )
تيا : انا هبقا اكلمك 🙂
مروان : ياريت بالله عليكي
تيا وهي بتغمض عيونها ب تعب : بمناسبة القهوة محتجاها اوي دلوقتي 😑
مروان : لا قهوة ايه مينفعش خالص دلوقتي ، لازم تاكلي وتشربي حاجات مفيدة ، القهوة هتتعبك اكتر
تيا ب تعب : مصدعة جداً 😕
( يدخل نبيل ، يشوف مروان قاعد ع السرير قصاد تيا وقريب اوي منها ، يبصلهم ب استغراب ويقرب عليهم )
مروان : معلش هتبقي كويسة والله ، بس انتي اهتمي بنفسك اكتر من كدة
( تلمح تيا نبيل جاي عليهم ، تتخض وتحاول تبعد نفسها عن مروان )
مروان وهو بيقرب عليها : عاوزة تقعدي اسندك ؟
تيا ب خضة وهي بترفع نفسها : لا لأ ✋
نبيل : انتي كويسة ؟
( ينتبهله مروان ، يعرفه ، يتخض ويقوم يقف )
تيا : اه 😐
نبيل وهو بيبص ل مروان : مش انت الي شغال ف اوتيل القرية ؟!
مروان : اه !
نبيل ب استغراب : ايه الي جايبك هنا ؟!
مروان : انا بدرس ف الكلية الي دكتور تيا فيها 😐
تيا : مروان من طلابي ، هو الي ساعد ايسل تجيبني هنا لما اغمى عليا 😬
نبيل : امممم ، طيب شكراً اوي ل خدماتك ، تقدر تمشي دلوقتي 💁🏻♂️
مروان ب احراج وهو بيبص ل تيا : اه ، الف سلامة ع حضرتك
تيا : شكراً
( يمشي مروان ، يقابل ايسل )
ايسل : رايح فين ؟!
مروان : هروح بقا ، جوزها جه
ايسل ب ضيق : ييييي 🙄
مروان : ايه مالك ؟!
ايسل : مبطقهوش
مروان ب استغراب : ليه كدة ؟!
ايسل : كدة لله ف لله 🤷🏻♀️
مروان : طيب خلي بالك منها ولو عوزتوا اي حاجة خليها تكلمني ، هي معاها رقمي
ايسل ب تريقة : طيب ي حنين ، دة جوزها مش مهتم بيها كدة 😏
