Like A Rose

Episode-15

Unicode

JungKook's POV ;

" ဟယ်ဆွန်း ဗီဒီယိုတွေလေ ၀က်ဘ်ဆိုဒ်မှာပြန့်နေတာ ပြီးခဲ့တဲ့ရက်တွေ
ထဲကလေ မင်းမသိဘူးလား "

" သူနဲ့မင်းနဲ့က ရင်းနှီးတယ်မဟုတ်ဘူးလား "

" ဒီကိစ္စတွေကြောင့်ပဲ သူမသတ်သေသွားတာနေမယ်
အရှက်နဲ့အသက်ကို လဲလိုက်တာ "

" သနားပါတယ် တင်တဲ့ကောင်က သူ့ရုပ်ကျ ဝါးထားတယ်
တမင် မိန်းကလေးကို အရှက်ရစေချင်လို့ "

ရွံစရာတွေ . . . ရွံစရာစကားတွေက နားထဲမဆံ့အောင်ပြည့်လျှံထွက်နေပြီ။
လုပ်ရက်ကြတယ်။ တိုးတက်လာတဲ့ခေတ်ကြီးက ပိုပြီးကြောက်စရာကောင်း
လာပါလား။ နည်းပညာ၊ ပညာရေး အဘက်ဘက်ကတိုးတက်နေပြီးတော့မှ
လူတွေရဲ့စိတ်က ဘာလို့များမမြင့်မားကြသေးတာလဲ။ ညစ်ပတ်တဲ့ အမှိုက်
သရိုက်လိုကောင်တွေကြောင့် လောကကြီးက တဖြည်းဖြည်း ရွံစရာကောင်း
နေပြီ။

ဟယ်ဆွန်းကြောင်း သိရခြင်းပဲ အတန်းထဲမှထွက်ခဲ့သည်။ မေးလာကြတဲ့ မေးခွန်းတွေနဲ့ စူးစမ်းသလိုအကြည့်တွေကို အကုန်ပစ်ချထားခဲ့သည်။ ဟယ်ဆွန်းနဲ့ပက်သက်လို့ ပြေးမြင်မိသည်က ချွန်းဂျယ်ကိုပင်။ ဒီကောင်သာ လက်မယားရင် သူမ အခုလိုဖြစ်မှာမဟုတ်။ သူမ ပေးဆပ်တာနဲ့တန်အောင် ပြန်ပေးဆပ်ရမယ် ရေဆုံးမြေဆုံးထိကို ငါလိုက်နေမှာ ချွန်းဂျယ်ရာ . . .

ချွန်းဂျယ်ဘယ်မှာရှိလဲ မသိရသေးပေမယ့် သူရှိရာသိဖို့လမ်းစကို
ဂင်ထယ်ဟျောင်းမေးရင် ထွက်လာမှာပဲ။ ထယ်ဟျောင်း ဟိုတယ်
ဆီချက်ချင်းထွက်လာခဲ့သည်။

ခြေလှမ်းကျဲကြီးများနဲ့ ဟိုတယ်ထဲကို ဒုန်းစိုင်း၀င်လာတာ ဘေးပတ်၀န်းကျင်တွေ ဘာတွေမသိတော့။ ထယ်ဟျောင်းအခန်းတံခါး တည့်တည့်ဆီ ခြေလှမ်း
နေတုန်း အတွင်းရေးမှူးဂန်၏ ဟန့်တားခြင်းကို ခံရသည်။

" ဘာကိစ္စလဲ သူဌေးကို ဘာပြောလိုက်ရမလဲ "

" အရေးကြီးလို့ ကျွန်တော်ကိုယ်တိုင်၀င်ပြောမှ ရမယ် "

ရှေ့မှာ ပိတ်ရပ်ထားသော ဂန်မင်ဂျွန်းကို တွန်းဖယ်တာမရ ကျွန်တော့်
ရင်ဘတ်ကို လက်ဖြင့်တွန်းထားပြီး