Like A Rose

Episode-17

Unicode

JungKook's POV ;

ဟယ်ဆွန်းသတင်းကြားပြီး နောက်နေ့ ကျွန်တော်နှင့်အတူ အတန်းထဲက
အခန်းဖော်တွေအကုန် ဟယ်ဆွန်းအိမ်ကို လိုက်လာခဲ့သည်။ ထူးဆန်းသည်
က အခင်းဖြစ်တာ သူ့အမေနဲ့အတူနေသည့် သူမရဲ့အိမ်မှာမဟုတ်။အကျိုး အကြောင်း သိရအောင် မေးကြည့်လေတော့ သူမအမေက ၀မ်းနည်းစွာပဲ

" ချွန်းဂျယ်နဲ့တွဲထဲက ဟယ်ဆွန်းက အိမ်ပြန်မလာဘူး၊ ချွန်းဂျယ်ငှား
ပေးထားတဲ့ တိုက်ခန်းမှာဘဲ တခါခါ သွားနေတတ်တယ်။ မင်းတို့လည်း
သိပါတယ် သူက စိတ်ရှုပ်တတ်တယ်လေ။ အန်တီ့အိမ်လို ပေတိပေစုတ်
အခန်းကျဉ်းလေးထဲမှာ သူစာလေ့လာရတာ သက်တောင့်သက်သာ
ဘယ်ရှိပါ့မလဲ "

ကျွန်တော်တို့အားလုံး ဘာတုံ့ပြန်ရမှန်းမသိအောင်ဆွံ အနေချိန်မှာပဲ
သူမအမေက ငိုသံရောယှက်လျက် ထပ်ပြောသည်။

" သမီးလေးက လိမ္မာပါတယ်ကွယ်၊ သူက အန်တီ့ကို အိုဇာတာကောင်း
စေချင်တာ၊ သူ့ပညာရေးကြောင့် အန်တီအကြွေးတွေပူနေရတာလည်း
သူ မကြည့်ရက်ဘူးလေ၊ ချွန်းဂျယ်နဲ့တွဲနေရင်း ကောင်လေးက
သူ့ကို ထောက်ပံ့တယ်ထင်ပါရဲ့ အကြွေးတော်တော်များများကို သူဆပ်
ပေးသွားရှာတယ်။ ဘွဲ့ရပြီး အလုပ်ရရင်ရင် အမေ့ကို အိမ်ပိုင်နဲ့ထားပြ
မယ်ဆိုပြီးလဲ တဖွဖွပြောရှာပါတယ် အခုတော့ ဟင့် "

အကုန်လုံးစိတ်မသက်သာ ဖြစ်သွားရသည်။ ကျွန်တော်အပါအ၀င် အားလုံး မျက်နှာမကောင်းကြ။ မိန်းကလေးတချို့ဆို ငိုချင်တာထိန်းထားရသည့်နှယ်
အံများကြိတ်ထားလျက် မျက်လုံးများနီရဲကာနေသည်။ စိတ်မကောင်း
ပေမယ့်လည်း သံသယတချို့ရှိနေသေးတာကြောင့် ကျွန်တော်ကပဲ

" ဟို ဟယ်ဆွန်းရဲ့ရည်းစားရော သူသတင်းလာမမေးဘူးလား "

ဟယ်ဆွန်းအမေက မျက်ရည်စက်လေးတွေကို လက်ကိုင်ပုဝါလေးဖြင့်
ဖိသုတ်ရင်း ခေါင်းအသာလေးယမ်းကာ

" မလာပါဘူးကွယ်၊ ကောင်လေးက အရင်ထဲက အလာကျဲတယ်။
လက်ထပ်တာတောင် ဟယ်ဆွန်းအသိပေးလို့သာ။ သူ့ဘက်က
လာခွင့်တောင်းတာမျိုးလည်းမရှိဘူး၊ အရမ်းချမ်းသာတော့ အန်တီတို့ကို
ခွဲခြားတယ်ထင်ပါတယ် "