دار بينا الوكت(مكتملة)

الـــــــــبــــــــارتــــــــــ35🧡

مساء التفاح ياتفاحات 🍎🍎
دار بينا الوكت
البارت 35

‏أنت اخترت البُعد وأنا اخترت نسيانك⁦ ~♪⁩ ⁦

:ليش مصره حبيبه ارجعي وتركي لحد مايبرد كل الرياجيل هيج لعد وين حبج اله؟؟؟

: مستحيل ارجعلو انتي اش تحكين من كل عقلكي؟؟؟  انا مرتين وثقت بالشخص الخطأ واغشعي النتيجه يعوفوني محطمه بدون ذنب بس هالمره مااسكت وربكي.. جيبي موبايلي!!!

: شتسوين بي؟
: اخابر مراد...
عگدت حواجبها بقلق: ليش؟

باوعتلها بجمود: مريم يحلم اخوكي بعد ارجع اله ولو هو اصلا الي عافني بس انا هم بعد ما اريدو انا خسرت ابني بسببو

: دُنىٰ مايصير هيج تحجين اخوي شله دخل هذا امر الله

باوعتلها ببرود: الحمدلله على كل حال بس انا بسببو من خوفي وقلقي كتمت وجعي وهسه يلا حسيت بغلطي انا كان طنشت الكل والتهيت باولادي الي ببطني محد يسوا اخسرهم علمودو لهوني وبس اغشعينو ولا سأل عنهم..

: شمعرفج ولج من اجا استلمه ضمه وبجى لحد ما ماعت روحه ولج احنا نبجي اي بس مو مثل الزلم لا بدموعه خلانه كلنا نبجي وياه وراحوا وياه يدفنوا مقدام گال شبع بجي على گبره ما عافه لحد ما ظلمت گوه جرجره ورجعه مايقبل يعوفه..

رفعت حاجبي وجن گلبي قسى وبعد مايحن: كلوو بسببو ماراح اسامحوو طول عمري رجاءا مريم موبايلي اعرف بي يمكي اعطيني وياريت تجيبين بناتي الي حتى نروح من هوني ما اريد اخويه يصل لبيتكم..

باوعتلي جن مصدومه مني: شبيج دُنىٰ لهدرجه وصلت عندج والله من حجتلي زينب على سوالفج ماصدكت الا اجيتج اليوم ولج صارلج ثلاث ايام هنا معنده ماترجعين لبيتنا ليش؟؟؟

باوعت لابني الي بحضني وتمتمت: ماعندي شي باقي بذاك البيت غير بناتي..

كالت وادري بيها زعلت: الله يصلح حالكم..

طلعت موبايلي من جنطتها وعافته بسدي وطلعت من غرفة المشفى الغرفة الي حجزها الي فاهر من ولدت لهسه قافلة ما اريد ارجع كومه حجوا وحاولوا بس اني طابت نفسي خسرت ابني بسبب تهمه باطله صدگها رجلي سندي الي ماتوقعت بيوم هيج يگلب علي ويعوفني...

اخذت نفس ومسكت موبايلي وفتحته غالگينه اكيد لان اخوي يخابر مايردون يحاجوا
خابرت على اخوي الي مايدري كلشي
جاوبني بسرعة
_دُنىٰ
لا اراديا دمعت وحجيت بخنگه: مراد حبيبي انا بحاجتك
_اشبيكي قولي والله قلبي نار وكنت ناوي اجي عليكي الفجر احكيلي ليش اخابر ومحد يجاوب!!!

_اه ياخويه اش احكيلك انا خسرتو واحد من اطفالي مـات بسببهم

بجيت بحرگه وهو تخبل _والله جايكي هسه
انا حسيت بيكي شي احكيلي ليش واشونكي هسه؟؟؟